prashna- uchit nirnay lene ke lie kis tarah baithna chahie . uttar -makhya vyakti ya padadhikari ko uchit nirnay lekar karya karne ke lie baithne ke sthan ke piche thos divar ka hona avashyak hai. pith piche darvaja, khidki ya kanch hone ke karan vyakti apne apko asurakshit mahsus karte hue bhaybhit rahta hai tatha sahyogiyon se dhokha pata hai. karyasthal men kursi ke piche divar par piramid ki sthapna karne se uchit nirnay lene ki kshamataon evan shaktiyon men vriddhi hoti hai. prashna- mukhya vyakti ya padadhikari ko bim, shahtir ya silli ke niche baithakar karya karna chahie gh uttar - mukhya vyakti ya padadhikari ko bim, shahtir ya silli ke niche baithakar karya nahin karna chahie. iske niche baithakar karya karne par karyon men gatirodh ata hai tatha vyakti tanavagrast rahta hai. shahtir athva bim chaton ka bhar apne upar uthaye rahta hai, atah inke upar asadharan bhar rakha hota hai. vajan niche ki disha men gurutvakarshan ke niyam ke anusar karya karta hai. falasvarup asadharan gurutvakarshan bal shahtir ya bim ke niche baithakar karya karne vale vyaktiyon par bhi padta hai. iske karan kafi asahaj sa mahsus hota hai falasvarup karya thik se nahin ho pata evan asafal hone ki sanbhavna bani rahti hai. isi sthan par baithne ki majburi rahne par bim,shahatir ya silli ke niche piramid lagana labhaprad hota hai. bhavan men bim se bachav ke lie do khokhle bans tirchi disha men ek dusre ke samne munh karke lagaen. in bansane par resham ke fudne latka den. bansuri lagani ho to ise lal kapde men lapet kar lagaen. bansuri ka munh niche ki or honi chahie. prashna-karyalay ke samriddhi evan vikas ke lie kin tathyon ka hona avashyak hai? uttar -karyalay ki samriddhi men ishan kshetra evan rnaitya kshetra ka vastu dosh rahit hona avashyak hai. karyalay ya daftar ke ishanya kon ko hamesha svachch tatha saf-suthra rakhen. is sthan ko gandgi evan kachde se mukt rakhen. karyalay ke uttara-purva men jalachar prani sangrah ya chota sa pani favvara lagayen. karyalay ke bahar dekhte samay mukhya dvar ke bayin or rakha pani favvara karyalay ke samriddhi ko badhata hai. ye karyalay men ullaspurn vatavaran banane men madad karte hain. isi tarah karyalay ke sthayitva evan vikas ke lie dakshin-pashchim arthat rnaitya ka dosh rahit hona avashyak hai.kmre ke dakshin-pashchim ki disha men baithakar karya karne se uchit nirnay lene ki kshamataon men vriddhi hoti hai. prashna- karyalay evan audyogik parisar men dakshin-pashchim men tahkhana banana chahie? uttar -kisi bhi audyogik parisar ke dakshin-pashchim disha men tahkhana evan talab bhulakar nahin banana chahie anyatha faiktri ya karyalay vinash ki or chali jati hai. bhagya men kami tatha apdaon ka samna karte dekha gaya hai. sath hi klesh, karj, mahapatki evan garibi picha nahin chodta. bhagya so jata hai tatha roji-roti ke lie munhtaj hone lagte hain. atah dakshin-pashchim men bhulakar bhi tahkhane, talab , gande pani ka jamav ya kisi bhi prakar gaddhe n rakhen anyatha sara parishram evan dhan sangrah khatm ho jaega. prashna- karyalay evan audyogik parisar men septik taink kis sthan par banana chahie. uttar -kisi bhi audyogik parisar men septik taink bhukhand ke ishanya kshetra, rnai tya kshetra, agney kshetra aur madhya sthan ki or nahin banaen. yah puri vyavastha ko chinna-bhinn kar dalta hai. pragti avruddh ho jati hai. karyalay evan audyogik parisar men septik taink vayavya kshetra men banana labhaprad hota hai.
Kya aapko lekh pasand aaya?
Subscribe