un ain hrin klin mahakali mahalakshmi mahasarasvati svarupinyai trigunatmikayai shri durga devyai namo namah. bhagvti durga devi trigunatmika shakti svarupa kahlati hain. ve hi mahakali hain, mahalakshmi hain aur mahasarasvati hain. ve hi trailokya mangla hain, tapatrayharini hain. in trishakti devi men satviki evan shubh varn vali devi ka sanbandh brahma se hai.
isi prakar vaishnavi shakti ka sanbandh bhagvan vishnu se hai. raudri devi krishn varn se yukt evan tamah sanpann shiv ji ki shakti hai. jo vyakti prasann chitt hokar navmi tithi ke din inke nam ka smaran karta hai athva sunta hai vah samast bhayon se mukt ho jata hai.
book online nav durga puja this navratri
navmi tithi ki mahima ke prasang men durga devi ki utpatti ki katha judi hui hai. yadi svarg men sukh hota to devta gan jo rakshason ke julmon se tang hokar, bhayakrant, kanpte huye devi ki sharan men jakar trahi mam ! trahi mam ! n chillate. ve baranbar yah n kahte:-
sarva mangal mangalye shive sarvarth sadhike.
sharanye trayambake gauri narayni namo'stute..
samast amanglon ka, durbhagyon ka nash kar, samast bandhnon ko todakar, katakar, unka nashakar, samast kashton ko dur bhagakar, kalyan-mangal karne vali dayamyi mata bhagvti hi hain jinki artribhav se prarthana dev, danav, yaksh, kinnar, gandharva adi hi nahin varan mahashakti sanpann traydev brahma, vishnu mahesh bhi karte hain.
sanatan dharmavlanbiyon ki to bhagvti mata durga aradhya hi hain. dharmabhumi bharatavarsh men bhagvti durga bhavani ki puja aradhna sada se hoti ai hai jise sab bhali bhanti jante hi hain. dhan-dhanya, yash, man-samman, ayu, putra-pautra, dirghayu, rog-nivritti, shatru badha shaman, vivah jaise manglik karya, sukh saubhagya ki vriddhi, tatha anyanya prakar ki manobhilasha purti ke nimitt bhakt jatak shraddha vishvas evam purn bhakti bhavna ke sath mata durga ki prasannata prapti hetu navratri men vrat dharan karte hain, mantra jap karte hain, stuti path karte hain, havan karte hain.
navratri kal men durga - saptashati ka path bhaktajan karte hain. kanya-pujan, kanya bhoj ka ayojan, jaise dan-punya ke karya bhi durga mata ki prasannata hetu kiye jate hain. navratri men pratham tin din mahakali ki puja, madhya ke tin din mahalakshmi ki puja aur antim tin din mahasarasvati ki puja ka vidhan hai. mahakali ki puja se tamsik gunon ka nash hota hai.
mahalakshmi ke pujan se satvik gunon ki abhivriddhi hoti hai aur mahasarasvati ki puja se agyanandhkar ka ant hota hai aur gyan ke prakash ka uday hota hai. durga mata ke navrupon men navratri men pujan . shailgiri himachal suta vrishvahna shiva ki pratham din ‘‘shailputri’’ mata ke rup men bhaktagan durga puja kar apne manorath siddh karte hain.
siddhi v vijay pradayini akshamala aur kamandl-dharini tapashcharini durga mata ki navratri ke dusre din ‘‘brahmacharini’’ rup men pujan ki jati hai. . chandra saman shitldayi mata ‘‘chandraghanta’’ ki tisre din navratri men pujan karne se jatak ka ihlok v parlok donon men kalyan hota hai.
rog-shok-nashini, ayu-yash-bal pradayini aur pind v brahmand ko utpann karne vali mata ‘‘kushmanda’’ ki chaithe din durga-puja hoti hai. . sada-sarvada shubhafalavarshini mata ‘‘skandamata’’ ki puja navratri ke panchven din karte huye bhakt sadhak durga mata ko prasann karte hain. . navratri ke chathe din shubh faldayi, danvvinashini, katyaynsuta ‘‘katyayni’’ devi ki puja ka vishesh mahatva mana gaya hai.
gardabharudha, krishnavarna, karali, bhayankri, bhayharini, bhakta-vatsala mata ‘‘ kalratri’’ ki puja navratri ke satvan din karne ka vidhan hai. . tapatrayharini trailokya mangla, chaitanyamyi, dhanaishvarya-pradayini, ashtavarshiya devi ‘‘mahagauri’’ ki athven din navratri men puja ka vidhan hai.
navratri ke navmen din ‘‘siddhi datri’’ ke rup men mata durga ki puja ki jati hai. bhagvti siddhi dayi asht siddhiyan pradan karne vali mani gai hain. navratriyan aur mahatva navratriyan ke dharma-sammat vihit mas char hain jinke shukla paksh ke pratham nau din shakti sadhna ke liye navratri-parva ke rup men pahchane jate hain. ye mas hain- chaitra, ashadh, ashvin aur magh.
chaitra mas ki navratri ko vasantey-navratra kahte hain. ashvin mas ki navratri ko shardey ya shardiya navratra kahte hain. ashadh evan magh mas ki navratriyon men tantropasak gupt sthanon men jakar, gupt rup men tantrik sadhnaon ke madhyam se siddhi prapti ke nimitt shakti- aradhna karte hain. isliye in navratriyon ko gupt navratri ke nam se jana jata hai. in charon navratriyon men ashvin masi shartkalin navratri sabse badi hai.
book navratri special puja online
ise varshiki - navratri ki sangya prapt hai. is navratri ke avasar par shri durga devi ki mahapujan ke karyakram ayojit kiye jate hain. ashvin mas ki shri durga navmi ke dusre din yani dashhre ke din aprajita devi puji jati hain. chaitra aur kvar mah ki navratri ri tu sandhya kahlati hain.
navratri kal men durga mata ke komal pranon ka pravah bhulok par hota hai. jaise din aur ratri ke milan kal ko sandhya kahte hain, aisi sandhya vela men ki gai puja-archana, stuti path, mantra-jap, prarthana arti vagairah ka punya fal, kisi anya samay men ki gai puja ki tulna men, adhik aur shighra prapt hota hai. isi vajah se ritu sandhyaon men arthat navratri kal men mata durga ki upasna, vrat adi karna shreyaskar mana gaya hai.
if you are facing any type of problems in your life you can consult with astrologer in delhi