kali bhi durga ka hi rup  

kali man ka nam ate hi hamare man men rakshason ka sanhar karne vali vikral rup lie, mund mala gale men pahne apni kai bhujaon se dusht rakshason ka vadh karti devi najar a jati hain. kali man ka un dusht rakshasan ka vadh karna vastav men dharti se papiyon, dusht pravritti v mansik prabhav ko dur karna tha. lekin jab kali man krodhavash badi sankhya men teji se rakshason ka sanhar karne lagin to unse bhaybhit ho bache-kuche rakshason ne mahadev ki sharan li v unse apni galtiyon ki kshama mang, jivan raksha hetu prarthana ki. mahadev jante the ki mahakali jaisi shakti aise hi shant nahin hongi. ab vah kisi ki nahin sunengi. atah vah svayan hi unke raste men let gae. jaise hi mahamaya ka pair unke upar pada unhonne ekadam se pashchatap ki bhavna se jibh nikal li (jaisa ki ham unke rup men dekhte hain) tab jakar vah shant huin. tab se man kali ke is rup ka manan v pujan karne matra se hi hamare man-mastishk men ae tamsik prabhav svatah hi khatm ho jate hain. atah ek achcha satvik jivan bitane ke lie tatha jivan men tamsik prabhav se mukt rahne ke lie hamen man kali ka smaran karna anivarya hai. bangal ke log man kali ki puja-vishesh rup se karte hain tatha bhav-vibhor ho man kali ko mund bhent chadhate hain. man mahakali mahakal shabd ka striling hai arthat inka kal se sambandh hai. kal ka arth samay bhi hota hai aur mrityu bhi hota hai. arthat janm hai to mrityu sunishchit hai. isi kali se juda hai bharat ke mahanagar kolkata ka itihas. kali aur kolkata ka rishta bahut purana hai. kolkata ke kalighat ko bharat 52 shaktipithon men se ek mana jata hai. sati ke ang bharat ke jin sthanon par gire, ve sthan shaktipith kahlae. shakti pithmala men ganga ke kinare jahan sati ke dahine pair ki ungliyan girne ka ullekh hai, vahi sthan kalighat sthit kali mandir kolkata ka sabse prachin kali mandir hai. yah karib 200 varsh purana hai. kali ko shakti ka raudravtar mana jata hai. amtaur par kali ki pratima ya chavi men devi ko vikral kale rup men gale men mandmal aur kamar men kathe, hathon ka ghaghra pahne, ek hath men rakt se sana khadg aur dusre men khappar dharan kie, inhen lete hue shankar par khadi jihva nikale darshaya jata hai. par kalighat mandir men kali ki jo pratima hai, usmen kali ka mastak aur char hath najar ate hain. yah pratima ek chaikor kale patthar par ukeri hui hai. pura sharir lal vastron se danka rahta hai, devi ke hath svarn abhushnon se susajjit rahte hain, gale men lal fulon ki mala hoti hai. devi ke netron men itna tej hai ki koi bhi najar milakar darshan nahin kar sakta. man kali ko prasann karne ke lie yahan har roj subah bakre ki bali di jati hai. yahan darshanarthiyon ko prasad ke sath sindur ka chola bhi diya jata hai. bhaktagan use apne mathe par lagate hain. is siddhapith par darshan karne duniya bhar se shraddhalu kolkata ate hain. mana jata hai ki is mahanagar ka nam hi kali kshetra ke bangla shabd kali kata se kalakatta pada jo ab kolkata ho gaya hai. kali kolkata ki pradhan devi hain. yahan ka janjivan kali se bahut gahrai se juda hai.