mahilaon ke lie nai lekh shrinkhla prarambh kar rahe hain jismen rashyanusar apke stail, faishan, rang, bal, abhushan, sajavat adi par nai jankari padhne ko milegi.
faishan ke prati ye sabhi rashiyan alg-alag rup aur matra men rujhan prakat karti hain . pahnava hamare charitra ka paradarshi ayna hota hai jo jhalkata hai ki ham kaise insan hain aur jindgi men hamari kya ichchaen hain. kisi angreji lekhak ne thik hi kaha hai ki ‘‘drais hamari parsanailiti ka vijiting kard hota hai’jiske dvara ham apne ap ko bahri duniya ke samaksh prastut karte hain. hamari kundli men ‘‘lagna’hi vah sthan hai jise vyaktitva ka mukhya dvar bhi kaha jata hai aur jab ham kisi se bat karte hain ya sanpark men ate hain to isi dvar dvara hamari parchain ya vyaktitva ki jhalak dusre vyakti par padti hai.
♣ mesh
pratham v mangal ki rashi hone ke karan ye faishan ki duniya men bhi nan. 1 par rahna chahti hain aur naye se naye stail aur faishan ko jald se jald apnakar naye trend set karti hain. inhen brait rang ke kapde lubhate hain aur apne paridhan ke rang aur stail ke mamle men bariki se chunav karti hain. rang inke lie sabse mukhya hota hai, dark pink, red, redish braun. atah is faimili ke sare sheds inko lubhate hain.
♣ vrishbh
ap kapdon men mukhyatah rang evan stail se jyada gunavatta aur aram par dhyan dena pasand karti hain. apko letest faishan ki jagah aise paridhan pasand ayenge jo hamesha sadabhar hon tatha kabhi faishan se bahar n hon. ap ek aisi mahila ki paribhasha hain jinka apna ek stail ya andaj hai jo lambe samay men bani paripakva pasand ka aena hai. apko behad saft kapde pasand ate hain, ek bar achcha paridhan lekar use lambe samay tak pahnna pasand karti hain. pink aur blu apko mukhyatya pasand hain.
♣ mithun
apko kapdon ka kalaikshan karna bahut pasand hoga, ek badi vardarob ki malkin hone ke sath-sath har mud ke lie ek nai ya alag dres pahnna pasand karengi. ap kapde kharidne men jyada soch vichar nahin kartin, lekin aram par jarur dhyan deti hain. rang apko bahut prabhavit karte hain, kai rangon ke paridhan pahnna apko priya hoga ya kapdon men kai tarah ka vichar bhi ap hi ki den hai. yadi ap kisi mahila se pahle inke kapdon se prabhavit ho rahe hain to ap yahi hain.
♣ kark
ap apne rishton ki tarah apne kapdon se lagava/sneh rakhne vali bhavuk aur kalpanik soch ki mahila hain. har daur ke faishan men se kuch chuninda kapde aj apne bhi sanjokar rakhe honge. apki pasand kafi striyochit hogi tatha apko krieshanal kapde, karigri , embraydri aur lesej pasand hogi, ap apne kapdon ko kafi sanbhal karke rakhengi. inka apka sath lambe samay ka rahega. inke pasandida rang hain - hara, khaki, af vhait, krim.
♣ sinh
surya jaise tej vali sinh lagn ki stri jatak sarvashreshth paridhan dharan karne ki ichcha se yukt hoti hain. vah rang aur achchi kvaliti donon ke adhar par kapde pasand karti hain. faishan se prabhavit hone par bhi apne stail ko prathmikta deti hain. jo mainne pahna hai vahi faishan hai ki dharna rakhne vala prabhavi vyaktitva. branded aur dijainar kapdon ki taraf inka jhukav, samaj men uncha pad hasil karne ki lalsa ko jhalkata hai. mesh ki tarah brait rang lekin narangi, sunhla, pila, safed evan baingni ka mishran.
♣ kanya
budh ki buddhim evan javan dikhna tatha vyavharik paridhanon ko adhik pasand karne vali mahila hain jo aise kapdon ka chunav karti hain jinhen adhikatar har mauke par pahna ja sake. atah vah kafi istemal men ae. naye-naye kanbineshan banane men apko maharat hasil hai. ap apne kapdon ka khas khyal rakhti hain, atah pres kie hue achche kapde pahnna apki pasand hai. aise paridhan jo aramdeh hone ke sath sadharan aur sharir men thik se fit hote hain. indra dhanush ke sabhi rang apko pasand hain.
♣ tula
shukra ka lagn hone ke karan khubsurat rajkumari ki tarah akarshan aur pure paridhan ka sendal aur abhushan ke sath jabaradast ‘‘maich’krna hi apki anokhi kushlta hai. mahange kapde, dijainar viyar, kamar par halke tait hote kapde apki kamjori hain. purnataya saj sanvarakar taiyar hone ka adbhut gun rakhne vali ap hi hain. kalar aur stail donon men hi apki ruchi hai. ap adhikatar halke rang ya kale rang pasand karengi.
♣ vrishchik
apka sajne ka mukhya uddeshya hi akarshit karna hai. tait fiting ke kapde pahnna apko pasand hai. purani chijon ya faibriks ko naye andaj men pahnna apka gun hai. jaise indo-vestarn stail, kanpliketed stail. sabse alag dikhne ki chah hi apko nae-nae kapdon men prayog karne ki lalak paida karti hai. lekin ap is dharna ko manne vali hain ki paridhan se jyada vyaktigat akarshan ki mahatva hai. lal rang, tamra rang, halka pila apko atyadhik pasand hai.
♣ dhanu
faishan ek samajik prakriya hai. atah samajik dayron ko dhyan men rakhakar hi kapdon ka chunav karna chahie is soch ko charitarth karti hain ap. samaj men apni chavi aur pad ke hisab se adhikatar amtaur ke sadharan paridhan hi lekin badhiya faishan apko auron se alag karte hain. braked, velvet evan halke vastra apko lubhati hain. apke pasandida rang pila, gahra baingni hain.
♣ makar
ap aise paridhan ya stail ke kapde pahnna pasand karengi jo kafi samay se prachlit hain. anya shabdon men kaha jay to purnataya shani ki adhin rashi hone ke karan jyada paridhanon men antar pasand nahin karengi. apke stail men lambe samay men thoda hi antar aega. chamkile kapdon se rijarva stail vale kapde, kam vajan vale samanya, sidhe kapde jo adhikatar ghutnon par akar khatm hote hain apka stail hai. apko dhari vale ya dark rang jaise dark gre,kale, nile, safed kapde pasand ayenge.
♣ kunbh
apki man ki duniya kalpana aur khubsurti se prerit hai, aise men ap khud ko aise paridhan men dekhna pasand karengi jo nivanatam faishan stail aur apki madarn chavi se mel khate hon. ap jo duniya se kahna chahti hain, vah kahin n kahin apke kapdon se jhalkta hai. paranpragat kapdon men adhunikta ubhar kar stail stetment banana ap hi ke vash ki bat hai. afis viyar men bhi stail ed karne ki kshamata, saft, deliket kapde pahnna pasand karti hain.
♣ min
blu, pink aur hare rang ki halki dhunon men saje lambe dohre shed vale paridhan apko behad pasand ayenge. har stail ko karne ki kshamata aur shauk rakhne vali stri ap hi hain. jo ek stail men jyada din tak nahin rahna pasand karti (bor mahsus karti hain). rojamarra men bhi alg-alag stail aur andaj ko sahej kar chalna hi inki apni imej hai jo sabko samane ki kshamata rakhti hai.
uprokt lekh men apne bare men janne ke lie apni lagn anusar padhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh padhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.