mesh rashi: ek mahila hone ke nate apko jivan men anek bhumikaon ka nirvah karna hota hai, ek peramika ke rup men ap chulbuli, shararat se bhari rahti hain. jab bat apke romans ki ati hai to ap apne premi ka picha karne se bhi piche nahin hatti hain. mata ke rup men apne bachchon ke samne ek neta ke rup men samne ati hain aur kariyar ko unchaiyon par lekar jane men pura sahyog karti hain. jab bat dosti ki ati hai to shighrata men dosti karne ke karan, dosti lanbe samay tak nahin chal pati hai.
vrish rashi: premika ke rup men ap rishta banane men pura samay leti hain. bilkul bhi jaldi men nahin rahti hain. mata ke rup men ap apne bachchon ke bare men bahut jagruk rahti hain, sanskar aur naitik mulyon ko sikhane ki puri koshish karti hain. apki visheshta hai ki ap kisi bhi rishte ko lanbe samay tak nibhati hain fir vah chahe dosti ka ho, santan se man ka ya fir premika ke rup men ho. bharosemand hona apko mitron ka priya banata hai. mitron ke sath ap atyadhik vishvasniya hoti hain.
mithun rashi: prem men hone par ap ek chulbuli aur jigyasa se bhari rahti hain. kai logon ke sath mitrata rakhti hain parantu koi ek hi apke lie khas hota hai. apke prem men, rishton men bhavukta santulit rahti hai. bhavnaon men bahakar koi galat kadam ap kabhi nahin uthati hain. ek man ke rup men ap bahut naram dil aur apne bachchon se lagav rakhne vali hoti hain. atyadhik milnsar hone ke karan apke bahut mitra hote hain aur ap sabko khush rakhti hain. apke rishton men vyavharikta pai jati hai.
kark rashi: dil dene men ap samay nahin lagati hanai. rishton ko lanba rakhne ke lie jaruri hai ki ap bhavnaon par kabu rakhen. naram dil hone ke karan bachchon ke lie apke dil men athah pyar ka sagar hota hai. iske karan bachchon par avashyak hone par bhi, kathor nahin hoti hanai jo bachchon ke bhavishya ke lie sahi nahin hota hai. mitra ke rup men apki chavi mitron par jan dene vale mitra ki hoti hai. apke jivan ka har rishta samarpan aur bhavukta se bhara hota hai.
sinh rashi: ek premika ke rup men ap sabka dhyan apni or akarshit kar leti hain. ap hamesha apne premi ki najron ka kendra bane rahna chahti hain. ek man ke rup men ap apne bachchon ke bare men bahut rakshatmak nahin hoti hain, kyonki ap janti hain ki yah bachchon ki kshamataon ko purn viksit hone men badhak ban sakta hai. dost ke rup men sachchi aur vafadar dost sabit hoti hain magar dil ke rishte kam hi bante hain.
kanya rashi: ap jab ek premika hoti hain to apna pyar jyada shabdon dvara vyakt nahin karti hain balki apke hav-bhav hi apke prem vyakt karne ka sadhan hota hai. bhavuk aur romantik to hoti hain par pyar men andhi nahin hoti hain. ap uski sari galtiyan maf kar deti hain. apne bachchon ke ujjval bhavishya ke lie kathor hone se bhi piche nahin hatti hain. ap apne mitron ki har bat nahin manti hain.
ap premika hon ya fir mitra hon, ap kisi prakar ki shikayat nahin karti hain parantu soch-samajhakar mitrata karti hain.
tula rashi: peramika ke rup men ap sahi sathi khojne ke lie kuch jyada hi mahatva deti hain. lanbe samay tak romans karne ke bad hi rishte ko kisi bandhan men bandhna pasand karti hain. man ke rup men ap apne bachchon ke bhavishya ke bare men bahut chintit rahti hain. kul milakar ap ek achchi man banti hain aur apke bachche apse pyar karte hain. ap apne doston ke sath kabhi vishvasghat nahin karti hain. parantu apna paksh rakhne ke lie mitron se bahas karne se bhi piche nahin hatti hain.
vrishchik rashi: apke premi ke lie apko samjhna itna asan nahin hota hai. ap apne sathi ko intjar karati hain, kabhi-kabhi to bahut jyada samay le leti hain. pyar men samarpan se ghabrati hain kyonki apko dil tutne ya nirash hone ka bhay rahta hai. man ke rup men ap apne bachchon ko ko jimmedar nagrik banati hain jo apne parivar aur apne rashtra ki niyati ko akar dene ke lie sakaratmak yogdan de saken. ek dost ke rup men, ap mahan aur vafadar hoti hain.
dhanu rashi: ek premika ke rup men hansmukh, maja masti karne vali hoti hain. prem men bar-bar sathi badlne ke bajay ap akele rahna pasand karti hain. mata ke rup men ap kafi udar hoti hain aur bahut pyar ke sath aur dhyan se dekhbhal karke apne bachchon ki parvrish karti hain. apne bachchon ke sath dostana vyavhar karti hain. jab bhi ap apne doston ke sarkal men hoti hain to apmen hasya ki bhi achchi bhavna hoti hai aur logon ko hansana apko achcha lagta hai. ap vafadar hoti hain aur lanbi dosti rakhti hain.
makar rashi: ap ek ganbhir peramika hoti hain jo pyar ko falne fulne ka pura samay dena chahti hain. pyar men ek-ek kadam age barhati hain lekin apke kriya-kalap apke pyar ka ijhar kar dete hain. ek man ke rup men bhi ap apne bachchon ke sath bahut sakht hoti hain. apne bachchon ko sahi disha men barhane ke lie prayasarat rahti hanai. ek dost ke rup men apne mitron ke lie bari ‘pajesiv’ rahti hain.
kunbh rashi: premika ke rup men apko sanskriti aur bhavishya ki yojna se bharpur batchit khush karti hai. apne bachchon ke sath dostana vyavhar karti hain. unhen sabhi prakar ki svatantrata pradan karti hain. rah men milne valon se bhi dosti kar leti hanai. magar dosti adhik tikti nahin. dost ke rup men ap vafadar aur dayalu hoti hain, keval apne dost ki madad hi nahin karti hain balki unki samasyaon ko hal karne ka bhi prayas karti hain aur unhen sabse achcha samadhan sujhati hain.
min rashi: premika ke rup men ap bahut romantik hoti hain. ap bhavuk premika hoti hain. ap kisi bhi anya rashi ki man ki tulna men adhik pyar aur dekhbhal karne vali man sabit hoti hain. apne bachchon se kuch bhi ummid nahin rakhti hain kyonki ap unhen har samay khush rakhna chahti hain. dost ke rup men bahut pyar aur dekhbhal karne vali hoti hain, hamesha jarurat ke samay apne dost ke pas hoti hain.
jab dosti karti hain to jindgi bhar ke lie karti hain. uprokt lekh men apne bare men janne ke lie apne lagn anusar parhen. yadi lagn n malum ho to chandra rashi anusar parhen. yah bhi n malum ho to janm tarikh anusar surya rashi gyat kar lekh parhen. lagn jo ki janm tarikh, samay v sthan par nirbhar karta hai apki chavi ko 100 pratishat charitarth karta hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ko darshati hai.