mesh: ap tikshn svabhav, tej tarrar v unmukt vicharon ki mahila hain islie kabhi bhi, kahin, bhi kisi se bhi apko prem ho sakta hai. love at first sight vali ukti apke upar ekadam sahi utrti hai. ap prem ke mamle men bahut passionate hoti hain. apke prem sanbandh men uchchatam star ka passion hota hai islie prem sanbandh bahut teji se age barhta hai. parantu aisa ho sakta hai ki apke prem sanbandh jyada lanbi avdhi ke n hon. apko apni kamukta par niyantran rakhna chahie. yadi apka premi purnataya svasth, sahnshil, bharpur urja se sanpann tatha santulit vicharon vala ho to apka prem sanbandh falta-fulta rahega. vrish: is rashi ki mahilaen prem ki vastavik paribhasha ko samjhne vali hoti hain. prem inke jivan ki sabse bari avashyakta hoti hai islie ye prem ke bina apne ko adhura samjhti hain. ye prem ke prati vafadar rahti hanai.
inki prem ko abhivyakt karne ki shaili inke premi ko sada-sarvada akarshit karti hai. inki ankhen hi bahut kuch kah jati hanai. ye bar-bar premi nahin badltin. jiska ek bar chayan kar leti hain uske lie samarpit rahti hain tatha uske lie kuch bhi kar gujrne ki ichcha shakti se sanpann hoti hain. aksar aisa dekha gaya hai ki aisi mahilaen prem ke mamle men bhagyashali hoti hain tatha inhen prem ke kshetra men saflta milti hai. krodh par niyantran rakhne se inke prem sanbandhon men madhurta bani rahti hai. mithun: mithun rashi ki mahilaen asani se kisi ki or akarshit nahin hotin. lekin jab kisi se prem ho jae tab chanchlta ki apeksha santulan bana kar rakhti hain. adhikatar aisa dekha gaya hai ki mithun rashi ki mahilaen apne prem sanbandhon se santusht rahti hain.
batuni svabhav se apne premi ko bor nahin hone detin. kisi bhi viprit sthati ke a jane par ye apne chaturya se apne prem sanbandh ko sanbhal leti hain. inko bahut jyada batuni hone se bachna chahie kyonki inki is pravritti ke karan ye kai bar apni hi baton men fans jati hain athva vyarth ke vivad ka shikar bhi ho jati hain. yadi inhen aisa premi mile jo daya, karuna v sahanubhuti ke gunon ke sath-sath netritva shakti sanpann v vidvan aur buddhiman ho to inke prem sanbandh men nirantar sudhar hota hai. kark : is rashi ki mahilaen bahut bhavuk, samjhdar aur hriday se jurne vali evan kala aur saundarya ki preemi hoti hain. jivan men inhen kai bar aisa mahsus hota hai ki ye logon ki or akarshit ho rahi hain, to aisi sthiti men ye apni bhavnaon ko vyakt karne se pahle anek bar yah vishleshan karti hain ki kya inhen samne vale se sachmuch hi prem hai ya nahin aur yadi hai to kya is prem ko abhivyakt karna uchit hoga ya nahin. sanvedna ke star par bahut uthi hui hone ke karan apne premi ki har choti-bari bat ka dhyan se vishleshan karti hain. yadi inka premi hriday se sanbandhit vishyon jaise kavita, shayri, kalpana, kala adi men nipun ho to ye use sabse jyada pasand karti hain.
sinh: sinh rashi ki mahilaen sarvadhik vafadar tatha drirh nishchayi hoti hain. yee asani se kisi ki or akarshit nahin hotin. inke vivahetar sanbandh kam hi dekhe jate hain. inhen aise log pasand ate hain jo buddhiman hoene ke sath-sath paripakva vicharon ke hon. inhen mansik chanchlta vishesh pasand nahin hoti. ye bahri rup rang ki apeksha gunon ko adhik mahatva deti hain. inhen kayar v bhiru log pasand nahin. aise log jo manvtavadi aur udarvadi vichardhara se sanpann tatha sachche, pakke v imandar hon inki pahli pasand rahte hain. inke sanbandhon men kamukta kam aur sthirta adhik hoti hai. inka apne prem sanbandh ke prati purn samarpan hi inke sanbandh ko age barhata hai. inhen adhikaron ki bajay apne katrtavyon ke bare men jyada sochna chahie. kanya: kanya rashi ki mahilaen bahut jaldi sochti aur shighra nirnay leti hanai.
aisa dekha gaya hai ki inke prem sanbandh aise logon se hote hain jo jivan men bahut svatantra evan maulik vicharon ke hote hain. inke dimag ko bahut asani se badla nahin ja sakta hai. halanki inke bahut se mitra hote hain lekin antrang prem sanbandh adhik nahin hote. ye svabhav se sharmili tatha sushil hoti hain tatha hasya evan vinod ki vartaon men ruchi leti hain. ye apni duniya v apni alag soch se bahar akar apne premi ki mansikta aur bhavnaon ko samjhne ka prayas karti hain. ye vakpatu hoti hain tatha apne premi ke sath sanvad men kabhi bhi avrodh nahin ane detin aur aisa karne ki vishesh yogyata se sanpann hone ke karan hi ye apne prem sanbandh ko sada sarvada pragarh banae rakhti hain.
tula: is rashi ki mahilaen sabse jyada rasik mijaj tatha prem ko hi sarvopri manne vali hoti hain. ye ashavadi, sundar, prem ko achche se samjhne vali tatha prem sanbandhon men kushal, safal v bhagyashali hoti hain. ye apne premi ko khush rakhne men adhikatar kamyab hoti hain. bahut se log inki or akarshit hote hain islie inka bhi logon ko akarshit karne ka svabhav banta jata hai. ye sabhya aur adarshavadi vichardhara ko apnati hain. islie inhen samaj v rashtra kalyan ke karyon se jure hue lokapriya, sabhya tatha adarshavadi log adhik pasand ate hain. yadyapi ye santulit mastishk ki mahilaen hoti hain parantu apne premi men tvarit nirnay lene ki kshamata ko bhi dhundhti hain.
inhen jivan men prem sanbandh men asflta bardasht nahin hoti. kisi se prem sanbandh ko torna inke lie behad kashtakari hota hai. inhen apni svarthi bhavna par niyantran karna sikhna chahie. vrishchik: is rashi ki mahilaon ke lie prem hi sab kuch hai. aksar aisa dekha gaya hai ki aisi mahilaen jab kisi se prem karti hain to inka prem pagalapan ki had tak ja sakta hai. yah apne premi ki gatividhiyon par kari najar rakhti hain tatha us par anek prakar ke ankush lagati hui dekhi gai hain. isi karan ye kai bar unhen avashyak svatantrata se vanchit karne lagti hain aur parinamasvarup prem sanbandhon men karvahat ane lagti hai. ye kafi vafadar kism ki hoti hain tatha apne premi ko santusht karne ke lie har sanbhav hathkanda apnati hain. inmen sevabhav v prem kut-kut kar bhara hota hai. ye prem ki gahrai ko aur prem ke har rup ko bhali-bhanti samjhti hain. yadi inki bhavnaon ko samajh liya jaye to inke sath prem sanbandh karne vale ko svarg ke sukh ka anubhav hota hai.
dhanu: is rashi ki mahilaen sarvadhik akarshak hoti hain. inke vyaktitva men kuch aisa akarshan hota hai ki log anayas hi inki or khinche chale ate hain. inki bhavnaon ka veg tir ke saman hota hai islie ye apne premi men sharirik, mansik, adhyatmik v bhautik, arthat har prakar ka akarshan dhundhti hain. ye aisa partanar chahti hain jismen kuch aisa akarshan ho jaisa kisi anya men n ho. inka kamitment leval kafi achcha rahta hai. ye apne premi ke prati puri tarah se samarpit rahti hain. inka partanar inse hamesha hi santusht rahta hai. yadi inke premi men udarta, tivra buddhi, urja shakti v tvarit nirnay lene ki shakti ho to inka prem sanbandh uttarottar anandamay hota jata hai.
makr: is rashi ki mahilaen bahut asani se kisi ki bhi or akarshit ho jati hain. inke prem ki bhavna men sthirta ki kami hoti hai tatha bahut jaldi apne premi ko badlte hue dekhi ja sakti hain. ye apne mastishk se apne lakshya ko ek kshan ke lie bhi ojhal nahin hone detin islie yah avashyak nahin ki ye apni rah se bhatak jaen. ye vyavhar kushal tatha apne karya men daksh hone ke karan lokapriya hoti hain tatha sabhi log inki or inki sundar karyashaili ke chalte akarshit ho jate hain. ye apne karya aur vyavsay men bahut adhik vyast rahti hain lekin prem ka mauka milne par uska pura labh utha leti hanai.
adhunik vicharon vale, mehnti, bhavuk v batchit v vyavhar kushal log inhen jyada akarshit karte hain. ye prem ki apeksha apne lakshya ko adhik mahatva deti hain. kunbh: kunbh rashi ki mahilaen bahut adhik kamuk v bhavuk nahin hotin, islie apne premi ka chayan karte hue, sundrta aur akarshan ko bahut adhik mahatva nahin detin apitu jisse bhi dil mil jae aur vah chahe kisi bhi umra, jati, samaj, majahab ka vyakti kyon n ho ye use svikar kar leti hain. vaise to ye samajik rurhiyon aur samajik tatha jatigat manyataon ka palan karti hain tatha dharm v samaj ke prati vafadar rahti hain. parantu inke lie inka manvtavadi drishtikon kutumb, jati, samaj v dharm se upar hota hai. ye imandar v kartavyanishth hoti hain. aisa dekha gaya hai ki yadi inka premi samajik karyon se jura hua prasiddh, buddhiman v yogya vyakti ho to kul milakar achcha v safal prem sanbandh banta hai.
min: min rashi ki mahilaen sabse jyada bhavuk tatha kalpanaon ki duniya men rahne vali hoti hain. ye daya, karuna, sahanubhuti jaise gunon se bhari rahti hain. aisa bahut sanbhav hai ki ye apne inhin gunon ke karan daya v karunavash aise vyakti se prem kar baithen jo inke layak n ho. atah avashyak nahin hai ki inka prem sanbandh sahi samay par achche vyakti se ho. islie shighrata v jaldabaji men apne prem sanbandh par bharosa karna inke lie uchit nahin. inhen atyadhik bhavukta se bachna chahie tatha premi ka chayan karte hue yah avashya hi dhyan rakhna chahie ki inka premi bhi inke jaisa imandar, bhavuk v vafadar ho jo inke prem ke lie supatra ho. inke prem men udarta, samarpan tatha atmiyata ki kami nahin hoti atah prem sanbandh khub falta-fulta hai.