har lagna/rashi ke vyakti ki apni pasand napsand hoti hai. sabhi ki khane-pine ki adten alg-alag hoti hanai. mahila jatak ko dhyan men rakhakar bat karen to sabhi ka kuking stail bhi kuch hat ke hota hai. kuch ko paranpragat khana banana aur khana hi pasand hota hai to kuch nai-nai alg-alag dish trai karti rahti hain. jabki kuch mahilaen sabhi prakar ka khana pasand karti hain kyonki vo jyada chuji/piki nahin hotin. aie sabhi 12 rashi/lagnon ki visheshtaon par gaur karte hain.
♣ mesh
mesh lagn men janmi jatikaen jaldi ban jane vale masaledar khana pasand karti hain. apke pas lanbe samay tak baithakar khane ki fursat nahin hoti kyonki prayah vyast rahti hain, akele baithna kam pasand karti hain aur khana dusron ke sath bantakar khana pasand karti hain. agni tatva rashi hone ke karan apko masalon ki kafi jankari bhi hoti hai aur unka khana banane men adhik prayog karti hain. naye-naye tarah ka khana trai karna apko kafi pasand hota hai.
♣ vrishbh
shukra ka rashi lagn hone ke karan ap behtrin gunavatta vala khanpan pasand karti hain. apko saja hua khana pasand ata hai aur ghar ke bahar hotal ke vyanjnon ka bhi khasa shauk hota hai aur khane par dil khol kar kharch karti hain. dayting karna apke lie kisi taerchar se kam nahin hota. apko khana banane ka bhi khub shauk hota hai. mithai aur chaeklets apki kamjori hoti hai. khana khate samay ap kafi nishchint mahsus karti hain aur tasalli se iska anand lena pasand karti hain.
♣ mithun
mithun lagn men janmi jatikaon ko milnsar aur batuni svabhav hone ke karan khane ke dauran baton ka khub shauk hota hai. apko akele khana bilkul pasand nahin hota hai aur apko khane-pine ka bhi khas shauk nahin hota jiske karan apke upar jyada vajan bhi nahin charhta. apko khana banana pasand hota hai. kichan apke lie ek aisi jagah hai jahan ap alg-alag tarah ki nai dishej trai karke apni pratibha dikha sakti hain. svasthya ke prati jagruk hone ke karan ap asvasthyakar khana kam pasand karti hain yani tala-bhuna kam aur hari sabji-salad jyada.
♣ karka
kark lagna/rashi ki jatika apne mitra-rishtedaron men apne khane-pine ke lie mashhur hoti hai. apke hathon men mano ek adbhut kala hoti hai. apko ghar ka bana khana jyada pasand ata hai aur purani paranpragat chijen banane ka khasa shauk hota hai. apko akele bhi khane se parhej nahin hota aur khana sheyar karna kam pasand karti hain. kintu kisi priyajan ke sath milakar khane aur uski resipi ki charcha karna khub bhata hai.
♣ sinh
ap mahange khane ki bahut shaukin hoti hanai jo sabse achche gunavatta ki samagriyon se bani ho. kisi achche restorent men khane ka koi mauka ap nahin chortin. ap poshan ka khas dhyan rakhti hain tatha usi ke anurup khan-pan par niyantran bhi rakhti hain. ap thora jaldi khati hain kintu akele khana apko bhi nahin bhata. apko khana banane ka khas shauk nahin hota par jab banati hain to kisi priyajan ko khush kar bahut khushi mahsus karti hain.
♣ kanya
apka pet thora sanvednshil rahta hai islie ap iska khas khyal rakhti hain. ap bari asani se daiting kar leti hain aur kam tel-masale ka aisa khana pasand karti hain jo jaldi pach jae. apko fal bahut pasand hote hain aur jyada nai chijen trai n karke apni pasandida chijen hi khana pasand karti hain. fal-sabjiyon ke paushtikta ka khasa khyal rakhti hain aur svasthyakar khana banati hain.
♣ tula
ap asli khanpan premi hoti hain. apko tarh-tarah ka khana trai karna pasand hota hai aur ek bar men kai vyanjan ikatthe khana pasand ata hai. kahin bahar jane par salad, epetaijar, men kors, dijart sabhi ke sath ek achchi evan khushnuma sham bitana apko pasand ata hai. mitha apko namkin se jyada pasand hota hai jinmen chaeklets apki priya hoti hai. apko khane ke svad ke sath-sath uski saj sajja ka bhi khub khyal rahta hai. shukra pradhanta ke karan achchi dijayning skils se khane ko khub achcha dekoret karti hain.
♣ vrishchik
apko naye-naye tarah ka khana trai karne ka shauk hota hai. rat men der tak kam karne ke karan ap apna frij kabhi khali nahin rakhtin aur man pasandida chijen usmen taiyar rakhti hain. apko rasdar khana pasand hota hai. vaise to ap achcha, barhiya khana khati hanai par ek bar agar than len to strikt dait karne men saksham hoti hain aur islie mentend rahti hain.
♣ dhanu
ap khane pine ka shauk rakhti hain aur jyada nakhrili nahin hotin. ap thora jaldi men khati hain. kyonki apko bhi nai-nai tarah ka ekjotik khana trai karna pasand ata hai islie kai bar dait se jyada kha leti hain to bahut bar achcha n lagne par jarurat se kam hi kha pati hain. apko bhi mithe ka shauk hota hai. ate se bani chijen pasand karti hain. apke lie dayting atyadhik mushkil hoti hai.
♣ makr
apka mehnti vyaktitva hota hai parantu ap bhi achche khane ke lie jarur vakt nikalti hain. apke lie gunavatta, matra se jyada mahatvapurn hoti hai. khate samay ap aspas shanti pasand karti hain taki nishchint hokar khana kha saken. sammelnon men khana-pina apko kafi pasand ata hai. svabhav se paranpragat hone ke karan apko ghar ka khana hi pasand ata hai. apko kam mircha-masalon ka khana pasand ata hai aur khud bhi gharelu sada khana banane men nipun hoti hain.
♣ kunbh
apko kam tala-bhuna halka khana pasand ata hai aur ise ap logon ke sath bant kar khana pasand karti hain. apko hari sabjiyan aur fal kafi pasand ate hain aur bhinn bhinn prakar ki sabjiyon aur falon ki salad khana pasand karti hain. apko khana banana kam pasand hota hai, banati bhi hain to apne anusar adhikatar resipi chenj kar leti hain. kaefi apko khas pasand hoti hai.
♣ min
apko paranpragat khana jyada pasand ata hai aur islie eksaperiment karne se bachti hain. khane ke rang-rup ko uske svad se jyada mahatva deti hain. apne man-pasandida logon ke khane ki tebal par hone se apko jyada achcha lagta hai. ap khana jarurat ke lie khana pasand karti hain n ki maje ke lie. apko kuking karna pasand hota hai aur apne karibi logon ki kuking skil se bhi khub prabhavit bhi hoti hanai.
uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.