hindu samaj men dipavli pujan prayah prachin kal se hi prachlit hai. dipavli ki rat ganesh ji ki puja se sadbuddhi aur gyan milta hai jisse vyakti men dhan kamane ki prerna ati hai. vyakti men is bat ki bhi samajh barhti hai ki dhan ka sadupyog kis prakar karna chahie. mata lakshmi apni puja se prasann hokar dhan ka vardan deti hain. aj ki is shanrikhla men ham apne pathkon ke sath unke lagna/rashi anusar vishesh pujan par charcha karenge taki pathakagan lakshmi ganesh ki purn anukanpa prapt kar saken aur unka varsh har rup se mangldayak ho aur har lagna/rashi ke lie batae gae mantra bhi is dipavli pujan ke sath-sath atyadhik labhkari hon.
mesh:: is varsh guru ka gochar apki lagna/rashi se pancham sthan par hone ke karan santan se shubh fal milne ki asha hai. lekin shani ka gochar apke svasthya aur mansik sthiti ko pareshan kar sakta hai. varsh ko shubh banane ke lie dipavli ki rat ko ap lakshmi ji ke samaksh 14 (sarson ke tel ka) dipak jalaen aur apne svasthya ki shubhkamna karen. sath hi lakshmi ganesh ko kale gulab jamun ka bhog lagaen. sat mukhi rudraksh mala par 5 mala lakshmi mantra (un ain hrin klin mahalakshmyai namah) ke sath 7 mala shani mantra (un pran prin praun sah shanaishcharay namah) ka path karen.
vrish: yah varsh apke lie nav vahan ya nav grih ke lie shubhfldayak hoga. parivar men sukh samanjasya bana rahega, kam men bhi vishesh tarakki prapt hogi. kintu pati-patni men choti -choti baton par apsi matbhed ho sakte hain. apsi samanjasya barhane ke lie do ya sat safed kamal ke ful lakshmi ji ko arpit karen. 5/10 ya 15 til ke tel ka dipak jalaen. khil batashe ka prasad charhaen. sfatik ki mala par lakshmi mantra un ain hrin klin chamundayaivichche ka jap karen. sfatik ka shri yantra ghar men sthapit karen.
mithun: is varsh apki vyaparik vriddhi hogi. shatruon ka daman hoga lekin kabhi-kabhi shatru havi hone ki koshish karenge. vighn badhaon ka nash karne ke lie char mukhi rudraksh mala par ganpti mantra (un ganptye namah) ka jap karen. lakshmi ganesh ko pan, ilaichi ke bire ka bhog lagaen aur shatru nash ke lie batuk bhairav mantra ‘un hrin batukay apduddharnay kuru-kuru batukay hrin’ ka jap karen. maragaj ke lakshmi ganesh sthapit karen. sarson ke tel ke 12 dipak lakshmi-ganesh ke sammukh jalaen.
karka: is varsh guru ka gochar apke lie mahalakshmi yog lekar aya hai. atah is yog ki purn prapti ke lie svarnim shri yantra dipavli ke din sthapit karen. ap kamalagatte ki mala par mahalakshmi ka bij mantra -un mahalakshmyai ch viùhe vishnupatnyai ch dhimhi tanno lakshmiah prachodyat.. ka jap karen aur lal kamal ke pushp lakshmiji ko samarpit karen. chandi ke lakshmi ganesh sthapit kar un par kamal ke ful charhaen. til ke tel ke 10 dipak jalaen aur khil batashe ka bhog lagaen.kren.
sinh: yah varsh apke lie bahut man-samman lekar aega. vahan v ghar ki prapti hogi. labh prapti ke lie roj kvartj ke lakshmi ganesh sthapit karen. lalita tripur sundri mantra un shri shri lalita mahatripursundarye shri mahalakshmyai namah ka 5 mala path karen. kamal gatte ki mala se jap karen. svarn shri yantra sthapit karen. 5/10 ya 15 til ke tel ke dipak jalaen. lakshmi ganesh ko gulabi chamacham ka bhog lagaen.
kanya: videsh yatra ke yog banenge. sanpatti ya shubh karya men nivesh ho sakta hai jaise santan ki shadi ya fir sanpatti kharid sakte hain. yah nivesh keval shubh ho ashubh n rahe iske lie ap mahalakshmi gayatri mantra -un mahalakshmyai ch viùhe vishnupatnyai ch dhimhi tanno lakshmiah prachodyat.. ka 5 mala sfatik ya rudraksh mala par jap karen. maragaj ke shri yantra sthapit karen. sarson ke 12 tel ke dipak jalaen. pile rang ke rajbhog ka prasad charhaen. lakshmi ganesh ko pan ka jora charhaen.
tula: lagna/rashi se dusre men shani, gyarhven men guru ka gochar hai. yah varsh apke lie atyadhik labhdayak, dhan dhanya se bharpur hoga. ismen ap 15 dipak til ke tel ke jalaen. lakshmi-ganesh ko khoye ki barfi ka prasad charhaen. sfatik ke lakshmi ganesh sthapit karen aur sfatik ki mala par sat mala un shri mahalakshmyai namah mantra ka jap karen.
vrishchik: yah varsh apse navin karya, nayi unnati karvakar usmen labh dega. yah varsh apke lie uttam hai. ap ismen munge ke lakshmi ganesh v shri yantra sthapit karen. pujan shri mahalakshmi mantra ya devi sarvabhuteshu lakshmirupen sansthita. namastasyai namastasyai namastasyai namo namah.. koe munge ya lal chandan ki mala se 5 bar jap karen. ap bundi ke ladduon ka prasad charhakar lakshmi ganesh par lal ful arpit karen.
dhanu: yah varsh apke bhagya men vriddhidayak hoga. fainens ke lie ati uttam hai lekin rog, rin ka sankat bana rahega. amdni achchi rahegi. is varsh dipavli ki rat ke vishesh pujan se ap rog v asann nuksan se apna bachav kar sakte hain. ap mahamrityunjay mantra - un trayanmbakan yajamhe sugandhin pushtivardhanam, urvarukmiv bandhnanmrityormukshiya ma'mritat.. ka saptamukhi rudraksh mala par 11 mala jap karen. shani mantra un shan shanaishcharay namah ka 7 mala jap karen. parad ke lakshmi ganesh sthapit karen jisse svasthya vriddhi hogi. bhagvan ko pili mithai ka bhog lagaen. nile kamal ke ful charhaen. 4 sarson ke tel ke dipak jalaen. apki paravidya men ruchi barhegi.
makr: paitrik sanpatti ya achanak dhan labh ke yog bane hain. is sal fainainsiyali achcha karenge. ap mitti ke lakshmi ganesh sthapit karen aur panchmukhi rudraksh mala par mahalakshmi gayatri mantra -un mahalakshmyai ch viùhe vishnupatnyai ch dhimhi tanno lakshmiah prachodyat.. ka 5 mala jap karen . vyapar vriddhi yantra sthapit karen. lakshmi-ganesh ko badam ki barfi ka bhog lagaen. safed pushp charhaen. til ke tel ka 10 dipak jalaen.
kunbh: apke lagna/rashi se dasham men shani tatha saptam bhav men guru ka gochar hai. avivahit ka vivah, santan prapti, nai naukri, bhavan ke yog hain. yah varsh manokamna purn karne vala hoga. sfatik ke lakshmi-ganesh sthapit karen. sfatik ki mala se un shrin hrin kamle kamlalye prasid prasid shrin hrin shrin un mahalakshmyai namah ka 5 mala jap karen. lakshmi-ganesh ko kaju ki barfi ka bhog lagaen, khil batashe charhaen. til ke tel ke 11 dipak jalaen. safed ful chadhaen. sfatik shriyantra, sarvakarya siddhi yantra ki sthapna karen.
min:: apke lagna/rashi se ( chathe men guru, navam men shani) ka gochar hone se dharmarth yatraen hongi. svarnim shri lakshmi ganesh v shri yantra ki sthapna karen. til ke tel ke 12 dipak jalaen. haldi mala par bhagya ki purn fal prapti hetu lalita tripur sundri ka bij mantra un shri shri lalita mahatripursundarye shri mahalakshmyai namah ka 5 mala jap aur shri lakshmi sukt ka jap karen. lakshmi-ganesh ko rajbhog ka bhog lagaen, kesriya rang ke ful charhaen, pile laddu charhaen.