kundli men santan yog prashna: kaise janen ki santan kab aur kitni hongi? putra aur putrai ki sankhya kaise janane? santan prapti ya uttam santan sukh hetu karagar upayon ka varnan karen. jijivan ke samast sukhon men mahatvapurn hai santan sukh. bhartiya hindu dharmashastra men panch prakar ke rinon ki charcha ki gai hai jinmen ek hai pitri rin. pitri rin bagair santanotpaÿia ke nahin chukaya ja sakta. vansh ko age barhane hetu putrotpaÿia hi pitri rin chukane ka marg hai. kaha gaya hai aputrasya gati nasti shastreshu shruyate mune (parashar hora shastra) arthat putrahin vyakti ko sadgati nahin milti. jab log vivah bandhan men bandh jate hain, to santanotpaÿia ki or agrasar hote hain.
jyotish shastra ke anusar jatak ki janmakundli uske karmon ka lekha-jokha hai. santan sukh prarabdh, jise ham niyati kahte hain, se jura hua hai. santan sukh kab aur kitna milega yah bhi prarabdh se jura hua hai. santan prapti kab? shighra santan prapti- pancham bhav men mesh, vrish ya kark rashi men rahu ya ketu ho to santan sukh ki prapti shighra hoti hai.
saptamesh ki navansh rashi ke svami par lagnesh, dvitiyesh v navmesh ki drishti ho to santan shighra hoti hai. lagnesh pancham men ho tatha us par chandra ki purn drishti ho to putra santan hoti hai. stri ka kshetra sam rashi v sam navansh men tatha purush ka bij visham rashi v visham navansh men ho to avilamb santan ki prapti shighra hoti hai. bali guru par lagnesh ki drishti ho to santanotpatti shighra hoti hai. vilanb se santan prapti: rahu ekadash bhav men ho to santan adhik ayu men hoti hai. chandra kark rashi men pap yut ya pap drisht ho tatha surya par shani ki drishti ho to adhik ayu men santan ki prapti hoti hai. lagnesh, panchmesh aur navmesh shubh grahon se yut hokar trik bhavon men hon to santan vilanb se hoti hai. pancham bhav men pap grah tatha dasham bhav men shubh grah hon to santan hone men vilanb hota hai.
pancham mane guru ho tatha panchmesh shukra ke sath ho to 32 varsh ke ayu ke pashchat santan hoti hai. pancham men keval guru ho, ashtam men chandra ho, chaturth ya pancham men pap grah ho to 30 varsh ki ayu ke pashchat santanotpaÿia hoti hai. navam bhav men guru ho tatha guru se navam men shukra lagnesh se yut ho to 40 varsh ki ayu men santanotpaÿia hoti hai. kendra men guru tatha panchmesh ho to 36 varsh ki ayu men santan labh hota hai. lagn men mangal, pancham men surya tatha ashtam men shani ho to santan prapti men vilamb hota hai.
lagn men shani, ashtam men guru aur dvadash men mangal ho tatha pancham men jaliya rashi n ho to santan vilanb se prapt hoti hai. lagn men ashubh rashi (mesh, sinh, vrishchik, makar ya kunbh) men pap grah hon, mangal sam rashi men ho tatha surya nirbal ho to 30 varsh ki ayu ke pashchat santan hoti hai. guru chaturth men, chandra ashtam men tatha pap grah pancham bhav men ho to 30 varsh ki ayu ke bad santan prapt hoti hai. vrish, sinh, kanya aur vrishchik alp sut (kam santan vali) rashi kahlati hai. yah rashiyan pancham men hon to thori santati hoti hai aur vah bhi bahut samay ke bad. nimn sthiti men bahut yatn karne par santan prapti hoti hai- pancham men alpasut rashi (vrish, sinh, kanya aur vrishchik) men surya ho, shani ashtam men ho aur mangal lagn men ho. shani lagn men ho, guru ashtam men ho aur mangal dvadash men tatha panchven bhav men alpasut rashi ho. chandra ekadash bhav men ho, guru se panchven bhav men pap grah ho aur lagn men kai grah hon. santan prapti ka samy: lagnesh, saptamesh, panchmesh, guru evan jo panchve bhav ko dekhne vale grahon men se kisi ek ki mahadsha ya antardasha ho to santan ki prapti hoti hai.
panchmesh ya yamkantak jis rashi ya navansh men ho usse trikon mane jab gocharavash guru ata hai, tab bhi santan prapti hoti hai. lagnesh jab gochrvsh- panchmesh se yog kare, apni uchch rashi men ae, apni svarashi men ae tab putra prapti ho sakti hai. yadi lagnesh gocharavash pancham men ae ya panchmesh jahan sthit hai us rashi men ae tab bhi santan prapti ke lie anukul avasar hota hai. ;paddh lagnesh ki rashi, ansh, kala, vikla ;papaddh saptamesh ki rashi, ansh, kala, vikla ;papapaddh panchmesh ki rashi ansh kala, vikla- (rashyanshon ka yog karne par yadi rashiyon ka yog 12 se adhik ae to 12 rashiyan ghatakr) inko jorne se jo rashi ansh, kala, vikla ae vah kis nakshatra ke antargat parti hai, yah nikalen.
us nakshatra ke svami ki jab mahadsha ae aur pancham bhavasth grah ya pancham ko dekhne vale grah athva panchmesh ki antardasha ho to santan prapti hoti hai. yah dekhie ki panchmesh, panchmesh jis rashi men hai uska svami, panchmesh jis navansh men hai uska svami, guru, guru jis rashi men hai uska svami guru jis navansh men hai uska svami inmen se kaun balvan hai? uparyukt men jo balvan ho uski dasha-antardasha men santan prapti hoti hai. yah dekha jae guru se pancham kaun sa sthan hai? guru se pancham men jo rashi ho uska svami kis rashi aur navansh men hai? us rashi ya navansh se jab trikon men gocharavash guru ae tab santan prapti hogi. yah bhi dekhie ki chandra kis nakshatra men hai.
is nakshatra ka svami aur is nakshatra se panchve nakshatra ka svami jo grah ho uski rashi ansh, kala, vikla apas men jor lijie. jo yog ae, us rashi ansh, kala, vikla, par ya usse navam, pancham gocharavash guru ae to santan prapti hogi. garbh thahrne ki sthiti- yadi purush ki kundli men surya aur shukra apni rashi aur apne ansh men balvan hokar upachay sthanon men ja rahe hon aur stri ki kundli men mangal aur chandrama apne bhav aur ansh men balvan hokar upachay sthan men ja rahe hon to garbh dharan ka yog banta hai. garbhadhan ke lie anukul sthitiyan- rajodarshan ke bad 16 dinon tak stri prayah garbhadharan ke yogya hoti hai, kintu yah avashyak nahin ki vah is avdhi men garbhavati ho hi. garbhadhan ki sanbhavna grah sthitiyon par nirbhar hai.
pancham bhav evan bhavesh ke adhar par stri v purush ki prajanan shakti ka pata lagaya jata hai. yadi pancham bhav evan bhavesh shaktishali hon, to santan prapti ka sanket mil jata hai. purush ki janm kundli se pancham bhav ki kshamata ko bij tatha stri ke pancham bhav ki kshamata ko kshetra kaha jana upyukt hai. yon kahen ki apratyaksh rup se bij shukra ka tatha kshetra raj ka pratinidhitva karta hai. yadi bij aur kshetra donon hi kamjor hon to prajanan sanbhav nahin hai. samanya rup se surya prajanan shakti tatha shukra shukranuon ka karak hai, islie kundli men in grahon ki anukul sthitiyan jaruri hain.
jab ye visham rashiyon men hon, tab sanbhavna barh jati hai. isi prakar stri ki janm kundli men mangal rakt ka svarup badlne ki kshamata rakhta hai tatha chandra garbhadharan ki kshamata, islie in donon ka sam rashi men hona labhaprad hota hai, basharte anya grahon ka pratikul prabhav n ho. santan hogi ya nahin, shighra hogi ya vilanb se adi ki jankari ke lie sarvapratham purush evan stri ki janm kundliyon ke vishleshan se bij evan kshetra spasht kar vichar karna jaruri hai. purush ki kundli men surya spasht, shukra spasht aur guru spasht, surya, guru aur shukra tinon grahon ki rashi, ansh, kala aur vikla jor len. jorne par yadi visham rashi aur visham navansh ae to samjhen ki is purush men putra utpann karne ki purn kshamata hai. yadi rashi aur navansh men se ek visham aur ek sam ae to milajula fal samjhna chahie aur yadi sam rashi tatha sam navansh ae to samjhna chahie purush men santanotpaÿia ki kshamata nahin hai.
stri ki kundli men chandra spasht, mangal spasht aur guru spasht (arthat in tinon grahon ki rashi, ansh, kala aur vikla) ko jorne se jo fal ae vah yadi sam rashi, sam navansh men ho to us stri men santanotpaÿia ki purn kshamata, rashi aur navansh men ek sam aur ek visham ho, to adhi aur donon visham hon, to purn akshamata samjhni chahie. santan kitni hongi? guru aur shukra pancham bhav men ho, to anek santan hoti hain. pancham bhav men shukra ki rashi ya navansh ho tatha pancham par shukra ki drishti ho, to santan adhik hoti hain. pancham bhav men panchmesh tatha guru ho tatha surya svagrihi ho, to panch santanen hoti hain. budh ya rahu tritiya bhav men hane, to do putra v tin putriyan hoti hain. budh makar rashi men pancham bhav men ho, to tin santan hoti hain. chandra v ketu pancham men hon, to keval ek santan hoti hai. budh v shani pancham men hon, to bhi keval ek santan hoti hai. mangal makar rashi men pancham bhav men ho, to tin santanane hoti hain.
kark rashi men shani pancham men ho, to anek santanen hoti hain. jitne purush grah pancham ko dekhte hon utne putra aur jitne stri grah ko dekhte hon utni putriyan hoti hain. shani kunbh rashi men pancham bhav men ho, to panch santan hoti hain. putra kitne hongen? yadi pap grah panchmesh hokar pancham men ho tatha pancham men anya pap grah hane, to putra adhik hote hain. guru, mangal, surya tatha panchmesh purush rashi ke navansh men hon athva purush grahon se yut ya drisht hon to putron ki sankhya adhik hoti hai. pancham bhav men panchmesh purush rashi ke navansh men ho athva purush grahon se yut ya drisht ho to putron ki sankhya adhik hoti hai. makar rashi men keval guru ho aur vah pancham men ho to kai putra hote hain. lagn men rahu, pancham men guru tatha navam men shani ho, to chah putra hote hain. kunbh rashisth shani ekadash men ho, to anek putra hote hain. pancham bhav men tula rashi ho tatha pancham bhav par chandra v shukra ki drishti ho, to kai putra hote hain. pancham bhav men surya shubh grahon se drisht ho, to tin putra hote hain. pancham men surya ho, to ek putra, mangal ho, to tin tatha guru ho, to panch putra hote hain. makar athva kunbh se pancham rashi kramshah vrish ya mithun men shani ho to keval ek putra hota hai. putriyan kitni hongi? ekadash men budh, chandra ya shukra ho, to putriyan adhik hoti hain. chandra aur budh pancham men ho, to anek putriyan hoti hain. lagn ya chandra mangal ki rashi men tatha shukra ke trishansh men ho to kai putriyan hoti hain.
pancham men sam rashi ya navansh ho, usmen budh ya shani sthit ho tatha us par shukra ya chandra ki drishti ho to anek putriyan hoti hain. pancham bhav men chandrama ki rashi athva shukra ki sam rashi ho us par chandrama ya shukra ki drishti ho to anek putriyan hoti hain. panchmesh dvitiya ya ashtam men ho to anek putriyan hoti hain. chandra, budh ya shukra pancham men ho to putriyan adhik hoti hain. chandrama, budh ya shukra panchmesh hokar dvitiya ya ashtam men ho to putriyon ki sankhya adhik hoti hai. makar rashisth shani pancham men ho to putriyan adhik hoti hain. budh pancham ya saptam bhav men sam rashi men ho to anek putriyan hoti hain. pancham men sam rashi ho tatha ekadash men budh, chandrama v shukra ho to putriyan adhik hoti hain. pancham men chandrama ho to do, budh ho tin, shukra ho to panch tatha shani ho to sat putriyan hoti hain. tritiya bhav men bali budh ho tatha pancham men chandrama ho to panch putriyan hoti hain. budh pancham men ho athva panchmesh budh ho to tin putriyan hoti hanai. kark rashi men guru pancham men ho to kanyaen adhik hoti hain.
chandra ya shukra makar rashi men pancham men ho, to putriyan adhik hoti hain. santan prapti men badhakarak yog: faldipika ke anusar yadi janm kundli men pancham bhav ka svami shatru rashi ya nich rashi men ho ya ast ho aur lagn se shashth, ashtam ya dvadash ho to santan prapti men badha ati hai. isi prakar koi nich, shatru athva ast grah pancham bhav men sthit ho ya shashth, ashtam athva dvadash ka svami hokar pancham bhav men sthit ho, to bhi putra ka abhav ya putra kasht hota hai. jo badhakarak grah jis rashi men sthit ho uske anusar yah nirnay karna chahie ki kis devta, vriksh ya jiv ke karan badha a rahi hai, aur fir uski shanti ka upay karna chahie. yadi santan badhakarak grah surya ho, to samjhna chahie ki yah bhagvan shanbhu aur garur ke droh ya pitron ke shap ka fal hai. yadi santan pratibandhak grah chandra ho, to mata ya kisi anya sadhva stri ko duahkh pahunchane ya bhagvti ke shap ke karan santan men badha hoti hai. yadi santan pratibandhak grah mangal ho, to gram devta ya bhagvan kartik ke prati anastha ya shatruon athva bhai bandhuon ke shap ke karan santan kasht hota hai.
yadi budh badhakarak ho, to billi ko marne ke karan ya machliyon athva anya praniyon ke andon ko nasht karne ke karan ya kam umra ke balk-balikaane ke shap athva bhagvan vishnu ke kop ke karan santanotpatti men kathinai ati hai. yadi janm kundli men guru ki sthiti shubh nahin ho aur uske karan santan nahin ho rahi ho, to samjhna chahie ki vyakti ne vartaman janm men ya purva janm men faldar vrikshon ko katvaya hai ya apne kul guru ya kul purohit se droh kiya hai. yadi shukra badhakarak hai, to samjhna chahie ki vyakti ne pushp ke vrikshon ko katvaya hai ya gay ko kasht diya hai athva yah badha kisi sadhvi ke shap ke karan aya hai. yadi janm kundli men shani ki sthiti thik nahin ho, to santan badha pipal ke per ko katvane ya pishach, pret tatha yamraj ke shap ke karan a sakti hai. kalasarp yog evan santan badha: yadi kundli men pancham bhav se kalasarp yog nirmit ho raha ho, to aisi sthiti men santan badha hoti hai. pancham bhav men rahu ya ketu ho aur rahu aur ketu ki dhuri men sabhi grah aen ya kundli men rahu-chandra, rahu-mangal, rahu-shukra, shani-chandra, rahu-guru ya chandra-ketu ki yuti ho, panchmesh aur pancham bhav dushit hon ya panchmesh ke sath rahu ya ketu dvara kalasarp yog nirmit ho raha ho, to santanotpaÿia men badha hoti hai aur is yog ki shanti ke uprant santan sukh ki prapti hoti hai.
sarpashap ke karan santan badha: brihat parashar hora shastra ke anusar nimnalikhit yogon men sarparaj ke shap athva purva janm ya vartaman janm men jane-anjane ki gai sarp hatya ke dosh ke karan bhi santan prapti men kathinai hoti hai- pancham men sthit rahu ko mangal purn drishti se dekhe athva rahu mesh ya vrishchik men ho. panchmesh rahu ke sath kahin bhi ho tatha pancham men shani ho aur shani ya mangal ko chandra dekhe ya unse uski yuti ho. santankarak arthat pancham bhav ka karak guru rahu ke sath ho aur panchmesh nirbal ho tatha lagnesh v mangal sath-sath hon. guru v mangal ek sath hon, lagn men rahu sthit ho, panchmesh bhav 6, 8 ya 12 men ho. kuch anya yogon ka vivaran, jinmen sarp shap ke karan santanotpatti men badh ati hai, is prakar hai- pancham men 3, 6 rashi hane, mangal apne hi navansh men ho, lagn men rahu v gulik hon. pancham men 1, 8 rashi hon, panchmesh mangal rahu ke sath ho athva panchmesh mangal ka budh ke sath drishti sanbandh ho. pancham men surya, mangal aur shani ya rahu, budh aur guru ekatra hon aur lagnesh v panchmesh nirbal hon. lagnesh v rahu, panchmesh v mangal aur guru v rahu ek sath hane. sarpashap ki nivriÿia ke lie nagpuja kul paranpranusar karni chahie. nagraj ki murti ki pratishtha athva sone ke nagraj ki murti banvakar nitya puja karni chahie.
isi prakar, pitrishap, matrishap, bhratrishap, matulshap, brahmashap, patnishap ya pretadishap ke karan santan hani hoti hai. in shapon se mukti ka upay karne ke pashchat santan sukh ki prapti ho sakti hai. vansh age chalega ya nahin: faldipika men bataya gaya hai ki nimn yogon se prabhavit jatak ka vansh age nahin chalta. chaturth men ashubh grah hon, saptam bhav men shukra ho aur dasham bhav men chandra ho. pratham, pancham, ashtam ya dvadash bhav men ashubh grah hon. saptam bhav men budh aur shukra hon, pancham men guru ho aur krur grah chaturth bhav men ho. chandra pancham men ho aur pratham, ashtam tatha dvadash bhaavon men pap grah hon. yadi santanotpatti men budh aur shukra badhak hon, to shiv pujan karna chahie. guru ya chandrakrit dosh ho, to mantra, yantra aur aushdhi prayog ka prayog karna chahie. rahu badhak ho, to kanyadan kanyadan karna chahie.
surya ka dosh ho to bhagvan vishnu ke mantra ka jap ya harivansh puran ka shravan karna chahie. samanyatah santan se jure sab doshon ko dur karne tatha achchi santan ki prapti ke lie harivansh puran ka bhaktipurvak shravan karna chahie.