udar sanbandhi rogon hetu yogasan vinita gogiya jab man, buddhi aur chitt ki sam-vritti ho jati hai, to use samadhi kahte hain. indriyon ki sampushtata ko bhi samatva kahte hain. sharir se lekar atma tak samatva sadh an karna yog ka abhisht hai. chah varsh ki ayu se sattara-assi varsh ki ayu tak ke vyakti yogabhyas kar sakte hain. samta prapt karna hi yog ka uddeshya hai. jin logon ne yogabhyas ko jivan men niyamit rup se sammilit kiya hai, ve iske labh bhali-bhanti jante hain. arthat balak, tarun, vriddh, vyadhigrast athva durbal stri-purush sabhi yogasnon dvara svasthya labh arjit kar sakte hain. pet se sanbandhit rogon ke karan jinko bari kamjori ho gai ho, ve yadi dhire-dhire asnon ka abhyas karen to unka pet, yakrit, pliha tatha anten achchi prakar apna karya karne lagti hain, jisse rogi shighra hi svasth ho jate hain. udar sanbandhi rogon se nijat dilane men sahayak yogasnon men se mukhya asan hanai-halasan evan karnapirasan. halasan karne ki vidhi sabse pahle bhumi par sidhe let jaen. iske pashchat panvon ko uthate hue apne sir ke piche vale bhag ko jamin par lagayen. dhyan rahe, keval panv ke anguthe aur ungliyan hi bhumi ko sparsh karen aur ghutne samet panv sidhe saral sam sutra men rahen. hath bhumi par rakhe rahen. praranbh men panvon ko piche tak le jane ke lie hathon se kamar ko sahara de sakte hain. abhyas hone par hathon ko jamin par hi rakhen, adhik labh milega. is asan ko jitni der tak ap sugmtapurvak kar sakte hain, karen.
Kya aapko lekh pasand aaya?
Subscribe