varshafal prashna: jatak ke lie ane vale varsh ka faladesh karne hetu varshafal, dashafal, gocharafal, lal kitab evan anya vidhiyon ka vistrit varnan karen. vibhinn jyotishi jatak ke lie ane vale varsh ka faladesh karne hetu apni-apni vidya ke anusar faladesh karte hain. faladesh karne hetu vibhinn paddhatiyan hoti hain jaise varshafal, dashafal, gocharafal, lal kitab, hast rekha, krishnamurti paddhati, maindaskop, ank shastra adi. varshafal dvara ane vale varsh ka faladesh: varshafal men sanpurn jivan ki ghatnaon ka varnan n hokar, kisi ek ya do vishesh varsh ki mukhya evan akasmik ghatnaon, svasthya rogadi ka vichar, padonnati, stri evan santan sukh, pariksha men saflta, vyapar men utar-charhav ya sthanantaran adi mukhya vishyon ka samavesh rahta hai. varshafal dvara faladesh karne hetu kisi jatak ka ishtakalin surya agami varsh jab thik usi rashi, ansh, kala, vikla par a jata hai, to tatkalin var, tithi, nakshatra evan ishtakal par adharit jo varsh kundli banai jati hai, us samay ki kundli ko varsh pravesh kundli kaha jata hai. varsh kundli men grahon ki sthiti evan muntha ya munthesh grah ki sthiti ashubh ho, to janm ke din sanbaddh grahon ki puja, jap evan danadi karne se grah-janit doshon ki shanti ho jati hai tatha varsh men sanbhavit badhaen dur hokar abhisht karyon men saflta evan siddhi prapt hoti hai. varshafal men muntha ka vishesh mahatva hota hai. varsh kundli men chaithe, chathe, satven, athven evan 12ven bhavon men sthit muntha ashubh faldayak hoti hai. jaise yadi varsh kundli men muntha chathe ya athven bhav men ho, to shatru, rog evan rin men vriddhi, sharirik kasht, kalah adi ka karak hoti hai. isi tarah dvadash bhav men muntha sthan hani evan vyay karak hoti hai. muntha yadi pap grahon se yukt ya drisht ho, to shubh sthanon men hone par bhi ashubh fal deti hai. yadi duahsthan pap grast ho, to aur bhi adhik anishtakarak hoti hai. kintu yadi manutha shubh grah ke sath ya drisht ho, to shubh faldayak hoti hai. yadi bhav 4, 6, 7, 8 ya 12 men shubh grah yukt ho, to adhik anishtakari nahin hoti hai. muntha jis rashi men sthit hoti hai, us rashi ke svami ko manuthesh kaha jata hai. muntha ki tarah munthesh fal ka bhi vichar karna chahie. yadi manuthesh aur ashtamesh varsh kundli men ek sath sthit hon, to varsh men mrityu tulya kasht hota hai. yadi muntha ya munthesh ko ashtamesh ya anya koi pap grah 4, 7, 10 drishti se dekhta ho, to dhan hani evan sharirik kasht hota hai. dvadash bhavon men munthesh ki shreshth sthiti lagn, dvitiya, tritiya, pancham, navam, dasham tatha ekadash bhav men hoti hai. tritiya, chaturth, shashth, saptam, ashtam ya dvadash men sthit manuthesh anisht fal pradan karta hai. panchadhikari nirnaya: jaisa ki niche ullikhit hai, varsh kundli men panch grah panchadhikari kahlate hainai tatha inmen se jo grah panchavargiya bal men sarvadhik bali hai aur lagn ko dekhta ho varshesh kahlata hai. janm lagn ka svami: janm kundli men jo grah lagn rashi ka svami ho, vahi lagn ka svami kahlata hai. varsh lagnapati: varsh kundli men jo grah varsh lagn rashi ka svami ho, vah varsh lagnapati kahlata hai. munthadhipti: varsh kundli men muntha jis rashi men ho, us rashi ka svami grah munthadhipti kahlata hai. rashipti: din men varsh pravesh hone ki sthiti men surya jis rashi men ho, us rashi ka svami tatha ratri men varsh pravesh hone ki sthiti men chandra jis rashi men ho, us rashi ka svami rashipti kahlata hai. trirashipti: niche chitrit chakra men dekhte hue din men varsh lagn pravesh hua to divatrirashipti grah tatha yadi ratri ko varsh pravesh hua ho, to tadnusar ratri trirashipti grah manna chahie. udahrnarth yadi kisi jatak ka lagn kunbh hai or ratrikalin janm hai to kunbh rashi ke niche aur ratri trirashipti ke age brihaspati likha hai to brihaspati trirashipti hoga janm lagn se varsh lagn ka vichar varshafal ki drishti se varsh kundli ka lagn bhi vishesh mahatva rakhta hai. yadi kisi jatak ka varsh lagn janm kundli ke pratham, chathe, ashtam athva barhven bhavasth ki rashi ka udit ho, to ashubh faldayi hota hai. dvitiya bhavasth rashi ka lagn ho, to mishrit faldayi hota hai. agar kisi jatak ka janm lagn kanya ho aur uska agami varsh lagn kanya a jae, to vah dvijanma lagn kahlata hai. isi prakar janm kundli ke dvadash bhavon ki rashiyan agar varsh lagn men lagn banakar prakat hon, to vah apna alg-alag prabhav deti hain. varsh lagn janm kundli ka pratham bhav udit ho, to vah dvijanma lagn kahlata hai. dvijanma varsh lagn hone ki sthiti men sharirik kasht, anavashyak vyay, gupt chintaon, svasthya hani evan bante karyon men vighn ki sanbhavna rahti hai. varsh lagn janm kundli ka dvitiya bhav ho, to jatak ko us varsh akasmik ay evan dhan labh, vahan sukh adi ki prapti ki sanbhavna rahti hai, parantu uska svasthya pratikul rahta hai. varsh lagn janm kundli ke tritiya bhav ki rashi ka ho, to jatak ko us varsh bhai-bandhuon evan mitron ka sahyog milta hai. bigad e kam banat e h nai aur dhan ki para pti hate i hai, partan u sath hi kharch evan akasmik yatraon aur parakram men vriddhi hoti hai. varsh lagn janm kundli ki chaturth bhavasth rashi ka ho, to us varsh ay men vriddhi ke sath-sath vahan sukh ki prapti hoti hai. sath hi bhumi, bhavan adi ki prapti ke avasar prapt hote hain. varsh lagn janm kundli ki panchamasth rashi ka ho, to us varsh purva se chal rahi yojnaon men anshik saflta prapt hoti hai. vidya men saflta tatha stri evan santan sukh ki prapti hoti hai. ghar men koi n koi mangal karya hota hai. karya vyavsay sanbandhi gupt yojnaen banti hain. varsh lagn kundli ki chathi rashi ka ho, to us varsh jatak ko sangharsh adhik karna parta hai. rog adi ke karan sharirik kasht tatha rin ki sanbhavna evan shatru ka bhay rahta hai. iske atirikt ay kam tatha kharch adhik hote hain. sath hi grih-kalah, mansik tanav evan dhan hani hoti hai. varsh lagn janm kundli ki satvin rashi ka ho, to ghar parivar men vivah adi manglik karya hote hain. vidya ya vivad adi men saflta athva purva se chal rahi yojnaon men kamyabi milti hai. stri sukh evan vilasadi karyon par adhik kharch hote hain. varsh lagn janm kundli ki athvin rashi ka ho, to us varsh rog, evan sharirik kasht ya durghatana ka dar rahta hai. ay men rukavten evan dhan hani tatha kharch bhi asha ke viprit adhik hote hain. parivarik uljhnane barhti hain. varsh lagn yadi janm kundli ka navam bhav ho, to us varsh dhan labh ke avasar prapt hote hain. dharmik karyon men abhiruchi barhti hai. bhagyonnati evan man-samman men vriddhi hoti hai. varsh lagn yadi janm kundli ka dasham bhav ho, to karya vyavsay men labh v unnati ke avasar milte hain. sarkari kshetra men ya sarvis men unnati ke avasar bante hain tatha man-samman men vriddhi hoti hai. varsh lagn yadi janmakunli ka gyarhvan bhav ho, to us varsh jatak ko dhan prapti v pragti ke vishesh avasar prapt hote hain. bigre hue karya bante hain. parivarik sukh evan akasmik labh prapt hote hain. varsh lagn yadi janmakundli ka barhvan bhav ho, to us varsh jatak ko adhik sangharsh karna parta hai. ay kam v kharch adhik hota hai. sharirik kasht evan gupt chintaon ke karan vah mansik tanav se grast rahta hai. uske apne bhi parayon jaisa vyavhar karte hain. varshafal men vibhinn grahon ki dashaon ka fal: varshafal banane ke uprant mudda dasha nikalne hetu gat varsh men janmakalin nakshatra ko jorakar usmen se 2 ghatakar tatha 9 se bhag dene par jo shesh ank bachta hai, usi ank k anurup vibhinn grahon ki dasha janni chahie. is tarah, yadi 1 shesh bache to surya ki, 2 bache to chandra ki, 3 bache to mangal ki, 4 bache to rahu ki, 5 bache to guru ki, 6 bache to shani ki, 7 bache to budh ki, 8 bache to ketu ki aur 9 athva 0 bache to shukra ki dasha janni chahie. varsh kundli men faladesh karne hetu jaruri niyam: varsh kundli evan janm kundli men chathe, athven aur dvadash bhavon men krur, shubh tatha saumya grah ashubh faldayi mane jate hain. yadi varsh lagn janm lagn se ashtam ya shashth ho, to us varsh jatak ko mrityu tulya kasht hota hai tatha dhan ki hani hoti hai. varsh lagnesh tatha munthesh donon grah ast, vakri ya nich rashigat hon, to us varsh sharirik kasht, mansik tanav, santan sanbandhi chinta aur dhan ki hani hoti hai. yadi janm kundli ka ashtamesh grah varsh men lagnasth ho ya lagnesh ho, to us varsh jatak ko bahut adhik sangharsh evan kathinaiyon ka samna karna parta hai. janm kundli men jo grah shubh bhavon ke svami hon, ve yadi varsh kundli men kendra, trikon ya shubh bhav men hon, to varsh men un bhavane ke falon ki vriddhi hoti hai. varsh kundli men surya aur chandra ek hi rashi men hon, ya donon chathe, athven ya bahrven bhav men hon, to vah varsh anishtakari hota hai. yadi varsh lagnesh nirbal ho tatha manuthesh surya, mangal ya budh pap yukt ho, to karya hani, netra rog, evan najdiki bhai-bandhuon ya mitron ke karan duahkh hota hai. chandra ya shukra pap yukt hane, to stri, mata ya putri ke karan chinta, guru pap yukt hon, to pati, jyeshth bhai ya santan ki chinta hoti hai. shani papakrant ho, to bure karyon men abhiruchi, dhan ki kami, rog v shatru bhay ki sanbhavna rahti hai tatha karmachariyon ke karan pareshaniyan paida hoti hain. yadi varsh kundli men chandra chathe, athven ya dvadash bhav athva lagn men ho aur us par mangal ki drishti ho, to shastra se bhay ya durghatana se chot, shani ki drishti ho, to rog bhay, surya ki drishti ho to shatru bhay tatha budh, guru ya shukra ki drishti ho, to dhan labh ke sath-sath rog v sharirik kasht hota hai. janm lagnesh, varsh lagnesh, ashtamesh, varshesh aur munthesh balvan hon tatha panchven, chathe, athven aur barhven bhavon men n hon, to us varsh shubh fal ghatit hote hain tatha jatak ko dhan evan sukh ke sadhan prapt hote rahte hain. yadi ukt grah bal rahit hon aur in par shubh grahon ki drishti bhi n ho, to jatak ko dhan hani, dukh, pira evan rog ya shatru bhay dete hain. varsh kundli men varsh lagnesh, janm lagnesh, muntha ya munthesh tatha varshesh ka vishesh mahatva hota hai. ye sab apne bal ke anusar apni dasha men fal dete hain. ye sabhi athva inmen se adhikansh grah shashth, ashtam ya vyay bhav men hon, athva in par pap grahon ki drishti ho ya ye pap grahon se yukt hon, to us varsh jatak ko mrityutulya kasht hota hai evan use atyadhik sangharsh karna parta hai. jis bhav ka svami apne bhav men shubh grahon se yukt ya drisht ho, us bhav ke fal ki vriddhi hoti hai. jaise yadi varsh lagn ka svami navam bhav men parakar lagn bhav ko pancham mitra drishti se dekhta ho, to us varsh jatak ke bhagya men unnati hoti hai aur use dhan labh ke avasar prapt hote hain. isi tarah, jo bhav pap grah se yukt ya drisht ho, us bhav ke fal ki hani hoti hai. shubh evan papi donon prakar ke grahon se yukt athva shubh grah se yukt v krur grah se drisht ho, to mishrit fal milte hain. yo yo bhav, svami saumyaiah drishto yukto'medyate. pap drisht yutairnasho mishraiah mishrafal vadet.. varsh lagn, muntha, munthesh, varsh lagnesh ye sab pap grahon ke madhya men hon, to us varsh jatak ko rog hone ka bhay rahta hai. nich rashi ka evan shatru ke ghar sthit grah, us bhav ke fal ka nash karta hai. samrashi men madhyam faldayi hota hai. mitra rashigat ya svarashigat, athva trikon bhav men sthit grah uchch rashisth ho ya mitra grah se drisht ho, to us bhav ki vriddhi avashya karta hai. varsh kundli sanbandhi 16 vishesh yog tajik granthon men varsh kundli sanbandhi solah yogon ko vishesh mahatva diya gaya hai. in yogon ke adhar par kiya gaya faladesh satik v chamatkarik hota hai. varsh kundli ke saman in yogon ka prayog janm kundli tatha prashn kundli men bhi kiya ja sakta hai. in yogon ke nam is prakar se hain: ikkabal yog induvar yog itthashal yog ishraf yog nakt yog yamya yog manau yog kanbul yog gairi kanbul yog khallasar yage radad yog dafu alikatu th yage datu thakatu thir yage taban ir yage kutth yog duruf yog upar varnit sabhi 16 yog prayah farsi bhasha se prabhavit lagte hain, parantu inka upyog bhartiya jyotish pranali men hi hua hai. ikkabal yog: varsh kundli men yadi sabhi grah kendra tatha panafar bhavon men arthat 1, 4, 7, 10 tatha 2, 5, 8, 12ven bhavon men sthit hon, to ikkabal namak yog banta hai. is yog ke falasvarup varsh men vyavsay men tarakki, sarvis men padonnati, stri ya santan sukh ke sath-sath bhumi, bhavan, vahan adi ke sukhon ki prapti tatha saubhagya men vriddhi hoti hai. induvar yog: varsh kundli men yadi sabhi grah apoklim bhav 3, 6, 9, 12 men hon, to induvar namak yog banta hai. is yog ke falasvarup varsh men ay kam tatha kharch adhik hota hai. stri, santan evan vyavsay sanbandhi chinta, avanchit sthan par sthanantaran, mansik tanav v sharirik kasht, shatru bhay adi ashubh fal ghatit hote hain. itthashal yog: varsh kundli men lagnesh aur karyesh grahon ka paraspar drishti sanbandh diptanshon ke bhitar ho, to itthashal yog banta hai. falasvarup varsh bhar bhagya men unnati ke yog bante hain tatha abhisht karya ki siddhi hoti hai. ishraf yog: ise mushrif yog bhi kahte hain. yah itthashal yog ke viprit hai. jab shighragami grah mandgami grah se age ho, tab ishraf namak yog banta hai. is yog men lagnesh aur karyesh paraspar kabhi nahin mil pate hain. falasvarup varsh men hani evan karya nishfal hota hai tatha anekanek vighn utpann hote hain. parantu yadi donon shubh grah hon, to ashubh fal nahin hota hai. nakt yog: jab varsh kundli men lagnesh aur karyesh ki paraspar ek dusre par drishti n ho, parantu donon grahon ke madhya diptanshon ke abhyantar tivra gati vala koi anya grah ho, jo lagnesh aur karyesh donon par drishti dalta ho athva anya prakar se sanbandh rakhta ho, tab vah grah shighra gati vale grah ka tej mand gati vale grah ko deta hai. nakt yog men kisi anya vyakti ki sahayta se karya siddh hota hai. yamya yog: jab lagnesh aur karyesh (jis bhav ke fal ka gyat karna ho, uske svami ko karyesh kahte hain.) grahon ke paraspar drishti n ho aur anya koi mand gati ka grah diptanshon ke bhitar hi donon grahon ko dekhta ho, tab vah shighragami grah ki shakti (tej) mand grah ko deta hai. isi ka nam yamya yog hai. is yog ke karan us varsh jatak ke karya ki siddhi to hoti hai, kintu use vighna-badhaon ka samna karna parta hai. manau yog: yadi lagnesh v karyesh grahon men itthashal ho raha ho, parantu koi pap grah mangal aur shani donon ko athva kisi ek ko bhi shatru drishti 1, 4, 7 ya 10 se dekhta ho aur yah drishti sanbandh diptanshon ke bhitar ho, to manau yog banta hai. yah yog karya ka nash karne vala ek ashubh yog hai. kanbul yog: lagnesh aur karyesh grahon men paraspar itthashal ho aur chandra in donon men se kisi ek se bhi itthashal karta ho, to kanbul namak yog banta hai. yadi lagnesh, karyesh aur chandra tinon uchch rashisth ya svarashigat hon, to ati uÿam kanbul yog banta hai. yah atyant shubh faldayak evan karya siddhi karak yog hai. yadi lagnesh, karyesh tatha chandra nichasth, shatru rashisth ya ast hon, to nirbal kanbul yog banta hai. uÿam kanbul yog se varsh men santan sukh ki prapti hoti hai. gairi kanbul yog: yadi lagnesh aur karyesh donon grahon ka paraspar itthashal ho aur chandra ki in par drishti n ho, parantu chandra agrim rashi men jakar kisi anya balvan ya shubh grah ke sath parivartan kare, to gairi kanbul yog banta hai. is yog ke falasvarup varsh men jatak kisi gair vyakti ki sahayta se kam karta hai. khallasar yog: jab lagnesh aur karyesh grahon ka paraspar itthashal ho, parantu shunya margi chandra svarashi, uchch athva kisi grah dvara drisht n ho aur donon men se kisi se bhi itthashal n karta ho, to khallasar nam ka ashubh yog banta hai. yah karya men badha utpann karne vala ek vinashak yog hai. is yog ke karan kanbul yog nasht ho jata hai. yah putra santan ki prapti men badha utpann karta hai. radd yog: yadi lagnesh ya karyesh nich, ast, shatru kshetri athva bhav 6, 8 ya 12 men ho aur vah paraspar itthashal karte hue kisi krur grah se yukt ya drisht ho, tab radd namak yog hota hai. yah yog karyon men badhak tatha hanikarak hota hai. kai bar karya siddh hokar bhi nishfal ho jata hai. dufali kutthayog: yadi lagnesh aur karyesh grahon men itthashal ho tatha inmen se mand gati vala grah svarashi, svochch ya svadreshkan men bali ho tatha shighragami grah svarashi ya uchch rashi men sthit n ho, to dufali kutth namak yog banta hai. is yog ke falasvarup kathinai evan archnon ke sath karya ki siddhi hoti hai. dutthakutthir yog: yadi lagnesh aur karyesh grah nirbal (shatru kshetri) pap grahon se yukt hokar itthashal karen aur unmen se ek grah kisi anya uchchasth, svakshetri ya bali grah ke sath itthashal karane, to dutthakutthir namak yog banta hai. is yog ke falasvarup karya ka siddh hona kisi dusre vyakti ki sahayta se mumkin hota hai. tanbir yog: jab lagnesh aur karyesh grahon men paraspar drishti n ho, parantu donon men se ek grah rashi ke ant men sthit ho aur agami rashi men sthit grah svagrihi aur uchchadi bal se yukt ho tatha rashyant vala grah nikat bhavishya men bali grah se milakar karyesh aur lagnesh ke sath itthashal kare, to tanbir namak yog banta hai. is yog ke falasvarup purva nirdharit karya ki siddhi hoti hai. kutth yog: jab varsh kundli men lagnesh aur karyesh grah bali (sarvochch, svagrihi, svanvansh, shatru-yut, udyi) hon, to kutth namak yog banta hai. kutth yog hone se karya-vyavsay men vishesh saflta tatha unnati v sukh sadhnon men vriddhi hoti hai. duruf (nirbali) yog: yah kutth yog ka viprit hai. iske falasvarup sharirik kasht, vipÿia, mansik tanav, dhan-hani, kalh-klesh adi hote hain. yadi varsh kundli men lagnesh evan anya grah nirbal hon, tab yah yog hota hai. jatak ke lie ane vale varsh ke falodash ke lie gochriya grahon ka fal janmakalik nakshatra, rashi evan lagn kundli ko adhar manakar vartaman kalik nav grahon ke us varsh men vibhinn rashiyon ke bhraman ke anusar gochar fal ka vichar kiya jata hai. jatak par chal rahe vartaman samay ki shubhashubh jankari ke lie gocharafal ka vichar atyant sugamya evan upyogi sadhan hai. gochar grahon ke prabhav unki rashi evan nakshatra parivartan ke sath-sath badlte rahte hain. samanyatah gochar vibhinn grahon ka gochriya fal surya: janm rashi se surya gocharavash pratham bhav men hani, dvitiya men rog bhay, tritiya men dhan labh, chaithe men man hani, panchven men dhan ka nash, chathe men shatru nash, satven men dhan hani, vyarth yatra, athven men rog bhay, nauvane men man hani, dasven men karya siddhi, gyarhven men dhan labh evan barhven men dhan ka nash hota hai. chandra: janm rashi se lagn, dvitiya, tritiya, shashth, saptam, dasham ya ekadash bhav men sthit chandra dhan labh karata hai. mitron se sahacharya aur buddhi ka vikas karata hai. janm rashi se chaturth, pancham, ashtam, navam ya dvadash men sthit chandra ke falasvarup dhan ki hani, chori, agni adi ka bhay evan priya vyakti ka viyog, kasht adi hote hain. mangl: janm rashi se tisre, chathe evan gyarhven bhav men mangal ho, to bhumi aur dhan labh, bhratri sukh, shatruon par vijay aur rajya kripa, arogya adi ki prapti hati hai. iske alava lagn, dvitiya, chaturth, pancham, saptam, ashtam, navam, dasham ya dvadash men sthit mangal kramshah bhay, kasht, dhanhani, netra pira, kasht, asvasthata, rog bhay, pap-vriddhi, kasht, fijul kharch adi ka karak hate a h.ai budh: janm rashi se dvitiya, chaturth, shashth, ashtam, dasham ya ekadash men sthit budh labh, bhagya vriddhi, sukh, prasannata, ay evan akasmik labh ka karak hota hai. anya rashiyon men hone se dhan-sukh ka nash, bhaiyon se virodh, shok, sharirik kasht, shatru bhay aur chintaen paida karta hai. guru: guru janm rashi se dvitiya, pancham, saptam, navam ya ekadash bhav men ho, to man-pratishtha men vriddhi, dhan-hani, vivah, santan sukh ki prapti aur vyapar men vriddhi hoti hai. rashi 3, 4, 8, 10 ya 12 men ho, to vyadhi aur videsh yatra tatha padonnati men badha adi ashubh fal hote hain. shukra: shukra janm se pratham, dvitiya, tritiya, chaturth, pancham, shashth, ashtam, navam, ekadash ya dvadash men ho, to jatak ko dhan, aishvarya, vahan sukh, mitron se sahyog adi ki prapti hoti hai. iske janm se shashth, saptam ya dasham bhav men sthit hone se dhan, aishvarya, vahan adi sukhon ki hani hoti hai. iske atirikt karyon men badhaen ati hain evan stri se virodh utpann hota hai. shani: shani janm rashi se tisre, chathe ya gyarhven bhav men ho, to dhan ka labh aur sukh sanpÿia ki prapti hoti hai. iske atirikt abhisht karya ki siddhi, vyapar men labh, adhikari varg se mel-milap aur shatruon ka nash hota hai. shani janm rashi se pratham, dvitiya, chaturth, pancham, saptam, ashtam, navam, dasham ya dvadash rashi men ho, to jatak ko apne parivarjnon se kasht milta hai, uske dhan ki hani hoti hai aur shatru bhay bana rahta hai. janm se chaithi, agami rashi men sthit shani vyadhi, bandhuon se virodh, kasht, aur chinta paida karta hai. janmarashi se pratham, dvitiya ya dvadash men sthit hone par shani mansik santap, sharirik kasht, dhan hani, stri, putradi ke karan kasht aur prayatnon men viflta ka karak hota hai. shani ke janm rashi se pratham, dvitiya aur barhven men gochar ko hi shani ki sarhesati ka nam diya gaya hai. iske prabhavasvarup jatak ko dhan hani, kalh-klesh, shatru v rog bhay evan sharirik kasht adi ashubh fal bhogne parte hain. janm rashi par shani ki chaturth, ashtam sanchar gati ko shani ki dhaiya kaha jata hai. iske prabhavasvarup jatak ko lagabhag dhai varsh tak mansik santap, vritha kharch, bhai-bandhuon se viyog, dhan hani v sharir kasht adi ashubh fal bhogne parte hain. rahu: rahu janm rashi se tritiya, chathe, dasven ya gyarhven janm rashi tatha navam bhav men ho, to putra tatha stri sukh ki prapti aur dhan labh hota hai. yadi janm rashi se bhav 2, 4, 5, 7, 8 ya 12 men ho, to dhan ki hani hoti hai aur shatru evan rog bhay tatha anek prakar ki vipattiyan paida hote hain. ketu: ketu janm rashi se tisre, chathe ya gyarhven bhav men ho, to dhan ka labh, sukh-sanpÿia ki prapti, abhisht karya ki siddhi, vyapar men unnati tatha shatruon ka nash hota hai. iske viprit lagn, dvitiya, chaturth, pancham, ashtam, navam, dasham ya dvadash bhav men hone par kutunb se kasht milta hai, prayatnon evan dhan ki hani hoti hai aur shatru bhay bana rahta hai. janm rashi se chaturth ya ashtam rashi men sthit ketu vyadhi, bhai-bandhuon se virodh, kasht aur chinta utpann karta hai. janm rashi se bhav 1, 2 ya 12 men hone par ketu mansik santap, sharirik kasht, dhan hani aur stri, putradi ke karan kasht paida karta hai. jatak ke lie ane vale varsh hetu lal-kitab ke anusar fal vichar prachin bhartiya paranpragat jyotish ke anusar lagn evan bhav spasht ke uprant hi lagn kundli ka nirdharan kiya jata hai. parantu lal-kitab jyotish ke anusar bhavane tatha grahon ke prathmadi (sthir) ghar nishchit kie jate hain. prachin bhartiya jyotish ke anusar varsh kundli ka nirman jatak ki janma-kundli, var, janmesht tatha janmakalik surya spashtadi ke adhar par hota hai. parantu lal kitab jyotish ke anusar jatak ka varsh pravesh chahe kisi bhi varsh ka ho, varsh kundli ke pratham bhav ki sankhya 1 se hi praranbh kiya jaega. kundli ko nanbar 1 se shuru karke 12 tak ki sankhya men likhakar pura kar lena chahie. fir janm kundli men pare grahon ki sthiti ke anusar chart men di gai ayu ke varshon ke samne likhi gai bhav sankhya ke anusar nav varsh pravesh kundli men grahon ki sthapna ki jati hai. lal kitab anusar varshafal kathan ke niyam: pratyek grah se sanbandhit sajiv vastuon par uska sadharan prabhav dekhne ke lie janm kundli vale ki ayu ke varshon ko us ank se bhag den, jis khana nanbar men vah grah janm kundli men sthit ho. bhag dene ke pashchat jo ank shesh bachega, lal kitab varsh kundli usi shesh bachi sankhya ke anusar khana se sanbandhit grah us ayu ke sal men apna prabhav karenge. shunya bachne athva shesh ank bachne vala ghar khali hone ki sthiti men sanbandhit grah janm kundli vale ghar men hi prabhavkari hota hai. udaharanasvarup yadi kisi jatak ki ayu ka 27van varsh shuru ho aur janm kundli men khana nanbar char men arthat chaturth bhav men ho, to 27 ko 4 se bhag dene par shesh 3 bacha arthat janm kundli ka mangal, jo chaturth bhav men tha, 27ven varsh vahi prabhav dega jo tritiya bhav sanbandhi likha gaya hai. isi prakar shesh ath grahon ke falon ka nirnay karna chahie. lal kitab ke anusar grahon ke lie vibhinn bhavon pakke bhav niyat kie gae hain. jaise surya ka pakka ghar pratham bhav, brihaspati ka pakka ghar dvitiya, pancham, navam aur ekadash, mangal ka tritiya aur ashtam, chandra ka chaturth, shani ka ashtam, ketu ka chatha, shukra aur budh ka satvan, rahu ka barhvan pakke ghar nirdharit kie gae hain. yadi 27ven varsh santan sanbandhi faladesh janna ho, to santan sanbandhi pancham ghar ke ank 5 se 27 ko bhag dene par shesh 2 bachenge. is prakar varsh kundli ke dusre ghar ke anusar fal hoga. yadi shunya bache to santan sanbandhi fal, varsh men bhi pancham ghar ki sthiti ke anusar hi hoga. jaise kisi jatak ki janm kundli men pancham bhav men rahu hai, to rahu pancham ghar men ashubh hai. aisi sthiti men yadi varshafal men bhi rahu panchven ghar men a jae, to panchvan mahina santan ke lie kashtakari hoga. janm kundli men kai bhav khali hote hain. aise men varsh kundli men koi bhi grah apna nirdharit fal usi mahine men dega, jis ghar men surya nav varsh kundli men baitha ho, jaise yadi teve men khana nanbar 4 khali ho aur varshafal ke anusar mangal nanbar 4 men aur surya nanbar 8 men ho, to mangal nanbar 4 ka ashubh fal janm din se ath mahine men prakat ho jaega. ayu ke varsh ka aranbh aur ant deshi mahinon ki tarikh ke hisab se grahan karna chahie, kyonki surya se varsh ka praranbh vaishakh se hota hai. surya ko ekam ke hisab se khana nanbar 1 men lakar baki sab mahinon ko bhi usi tarah badal diya jana chahie. pratyek grah keval isi tarah ghumaya ja sakta hai. arthat jitne nanbar ke khane (janmakundli) men koi grah baitha ho, dekhna chahie ki ayu ka kaun sa varsh hai. us ayu ke varshon ke ank ko janm kundli men grah tishthit khana nanbar se bhag den. shesh jo bache varsh kundli ke usi khana nanbar ke anusar prabhav hoga. shunya bachne ki sthiti men bhi vahi prabhav karega, jaisa ki janm kundli men fal de raha hoga. udaharanasvarup kisi kundli men yadi surya nanbar 11 men ho aur jatak ko 52van varsh chal raha ho, to 52 karen. ab 52 ko 11 se bhag dene par shesh 8 bacha, to 52 varsh ki ayu surya nanbar 8 men gina jaega aur shesh anya grahon ko janm kundli men sthit grahon ke anusar hi sthapit karke surya se sanbandhit vastuon ka prabhav dekha jaega. isi prakar pratyek grah ke fal ka nirnay karna chahie. jis grah ka prabhav janna ho, usi grah ko ghumana chahie, shesh grahon ko janm kundli ke hisab se hi rahne dena chahie. is prakar karak grahon ko alg-alag karke jo kundli banegi vah us varsh ka lal kitab ke anusar varshafal hogi. jatak ke lie ane vale varsh ka faladesh karne hetu anya vidhiyan: yogini dashafal vichar: yoginiyan ath prakar ki hoti hain. agar janm kundli men kharab grahon ki dasha bhi chal rahi ho, lekin yogini dasha achchi ho, to jatak par jyada bura prabhav nahin parta hai, kyonki vibhinn yoginiyon ke svami vibhinn grah hote hain. islie jatak ke lie ane vale varsh ka faladesh karne hetu yogini dasha janna bhi anivarya hai.