nav varsh 2010 us samay shuru ho raha hai jab antarrashtriya kshitij par atankvad charon taraf apne pair faila raha hai, atankvadi sangathan sashakt ho rahe hain tatha hamara desh charon taraf se inse ghira hua hai. videshi sangthnon ke sath-sath desh ke andar ki sanpradayik evan atanki takten sir uthane lagi hain. is varsh sanvat 2067 men 16 march san 2010 i. se shobhan namak sanvatsar hoga, jo varshaparyant rahega. is sanvatsar ka svami shukra hai. varsh kundli men shukra pratham kendra sthan men surya v budh ke sath hai. is grahasthiti ke falasvarup sabhi ann mahange honge. prithvi par anavrisht ka yog hai. desh men bhay ki sthiti utpann heagi.
chaitradi chah mahine tak bhusi vale sabhi ann mahange honge. is varsh ke raja bhaum tatha mantri budh hain. raja bhaum ke shasan kal men manav jati ko agni bhay, choron ke utpat, deshon ke bich vigrah, janta ko kasht tatha rogadi ki sanbhavna hai. kintu budh ke mantritva kal men uske pratham kendra sthan men surya tatha shukra ke sath sthit hone ke falasvarup adhik mas vaishakh men achchi varsha hone ki sanbhavna hai.
bharat ke viÿaiya kosh men vriddhi hogi. kabhi-kabhi uchch shaskon men saiddhantik matbhed bhi samne aega jo alpakalin rahega. suraksha ki drishti se bharat sridrirh rahega. prakshepastra ke marg men pragti hogi. bharat ka anya deshon se sanbandh maitripurn rahegas - visheshakar parausi rashtron ke sath maitri barhegi. stri varg tatha bal svasthya ke lie sarkar ke nae-nae karyakram banenge. kintu atankvadi gatividhiyon men vriddhi, vahan durghatanaon, antriksh durghatanaon, bhukpon, jvalamukhi visfoton adi ki sanbhavna bhi hai.
is varsh logon ka jivan purva ki tulna men adhik sangharshamay ho sakta hai. dhan-jan ki hani, am jan ke parivaron men algav aur viyog ki sthiti adi ke sanket hain. rajnitigyaon men yen-ken-prakaren saÿaa hathiyane ki hor lagegi evan shadyantra barhenge. kintu, vahin budh ka mantri hona kuch achche sanket bhi deta hai. budh ki is sthiti ke falasvarup mantriyon men samanjasya barhega. varsha adhik hogi, jisse faslon ke achche hone ki sanbhavna prabal hai.
khasakar jau, masur, chana adi ki paidavar barhegi. is varsh kanya rashi men shani ki vakra drishti dakshin disha men rahegi. shani ki is drishti ke falasvarup amerika, kanada aur iglaind samet yuropiya deshon men mandi ki mar varsh 2011 i. tak jari rah sakti hai. is varsh bharat ka uske kisi mitra desh se yuddh ho sakta hai, parantu usmen bharat ke vijyi hone ki sanbhavna prabal hai. annadi ka utpadan achcha hoga, kintu pashuon ka nash hoga. sath hi namak, til, kapas tatha rasakar padarthon ki hani ki sanbhavna bhi hai. kintu sasyesh shuakra ke dhanadhipti hone ke falasvarup vanchit varsha ke sanket hain. pashu dhan ki samriddhi men vriddhi hogi. is varsh guru dhanyesh hai.
falasvarup brahm vidya ka prachar-prasar hoa. gyani jan ek sath ikattha hokar sanpurn vishva ke kalyan ke lie chintn-manan evan yagyadi karm karenge. desh ki arthik sthiti ko sudharne ka prayatn hoga tatha utpadan men vriddhi ke lie vishesh yojnaen banengi. kintu mangal ka meghesh hona ashubh suchak hai. is sthiti ke falasvarup janta men ashanti ki sanbhavna hai. paryapt suvidhaen milne ke bavjud log anitipurn karmon ki or unmukh ho sakte hain. surya ke rasesh hone ke falasvarup prithvi bhog-vilas sanbandhi padarthon ke sath-sath dugdhadi padarthon ka utpadan paryapt matra men hoga.
yah sthit prachur annotpadan ka sanket bhi deti hai. niresh shukra ke karan sugandhit dav padarthon ke utpadan men vriddhi hogi. puja-path, yagyadi karmon men logon ki ruchi barhegi. chandrama ke falesh hone ke falasvarup ann, shak-sabji, fal adi ke utpadan men vriddhi hogi. vahin yagyadi karmon men logon ki abhiruchi barhegi. guru ke dhanesh hone se vyapari varg khushhal hoga. desh ki arthik sthiti aur sudrirh hogi. is varsh chandra ka durgesh hona ashubh suchak hai. is sthiti ke falasvarup sattasinon ke vilasi hone ka bhay hai.
faltah praja men asantosh failne ki sanbhavna prabal hai. jyeshth mas men shanivari, asharh men ravivari, shravan men manglvari, kartik men shanivari evan margashirsh men ravivari amavasya hone ke falasvarup ukt mason men dakshin, uÿar tatha pashchim ke deshon men durbhiksh hoga. janta men bhay ka vatavaran utpann hoga tatha sabhi vastuen mahangi hongi. kintu sikkim, bhutan, shilang, gova, surat, panjab, madhya pradesh, urisa, dilli, himachal pradesh tatha parvatiya kshetron men varsha achchi hogi. purvi pradeshon tatha uÿaranchal men tufan ke sath sadharan varsha hone ki sanbhavna hai. magh men shukrast hone ke falasvarup pashchimi v purvi jilon men achchi varsha ki sanbhavna hai. maghi purnima ka pratipdayukt hona bhi in bhagon men achchi varsha ka suchak hai.
kintu purnima se 15 din tak sabhi annon men bhari mandi aegi. ann ka sangrah karne se vyapariyon ko age chaiguna labh milega. falgun men mangal v shani ke vakri hone ke karan trin ka bhav tej hoga. is sthiti ke falasvarup rogadi men vriddhi ki sanbhavna hai. kahin-kahin andhi ke sath akasmik varsha ke sanket bhi hain. vahin garmi men uÿaroÿar vriddhi hogi. chatugrrahi yog se purvi pranton men sukh-shanti ka vatavaran banega kintu pashchimi deshon men upadrav tatha annadi ka ghor sankat utpann hoga. kuch anya maton se saÿaa parivartan ki sanbhavna bhi hai.
budh ke ast hone se pashchimi bhagon men achchi varsha ho sakti hai. kintu guru v shukra ke ek rashi men hone se kahin-kahin durbhiksh ki sanbhavna hai. is sthiti ke falasvarup am jan ko kasht ka samna karna parega. falgun men shukrast hone se gujrat men upadrav, rajasthan men ann ke sankat tatha telahan men teji ki sanbhavna hai. falgun shukla saptami ko krittika nakshatra ki yuti hone ke karan bhadrapad ki amavasya ko bhari varsha ho sakti hai. varsh pravesh ki kundli ka vishleshan karen, to paenge ki rahu lagnasth hai. yah yog ashubh suchak hai.
is yog ke falasvarup desh men andruni kalah, janta men asantosh, saÿaa aur vipaksh men tanav, mahatvapurn vyaktiyon ke nidhan aur sanpradayik, atanki evan naksali sangthnon ki sakriyata men vriddhi ki sanbhavna prabal hai. netagan desh evan janta ke utthan ke bare men sochne ki bajay desh ko jativad evan sanpradayikta ki ag men jhonk kar janta ka vot aur gaddi hasil karne ka prayas karenge. in netaon ki kartuton ke falasvarup atanki sangthnon ka marg prashast hoga. vahin bhrashtachar men chaiguni vriddhi hogi. dvitiya bhav par nichasth papi mangal ki drishti hone se arthavyavastha par dabav sanbhav hai.
kintu dvitiyesh shani ke dasham bhav men mitra rashi men dashmesh budh, shukra aur chandra se purn drishti sanbandh ke karan arthavyavastha men sudhar, bhartiya udyog ke vistar tatha desh-videsh men vyaparik sangthnon ke adhigrahan se vishva men bharat ki sakh ke punah barhne ke sanket hain. tritiya bhav men shubhagrah brihaspati ke kunbh rashi men papi mangal se santusht hone ke karan parosi rajyon - vishesh rup se pashchimi simavarti rashtra - se sanbandhon men katuta a sakti hai. vahin, atanki sangthnon ke sakriya hone ki sanbhavna bhi prabal hai. fir bhi sanbandhon men sudhar ke prayas honge.
chaturth bhav men sthit surya, chandra, budh aur shukra ke shani se santusht hone karan is varsh mausam pratikul rah sakta hai. kahin sukha to kahin adhik varsha ke karan barh, makanon ke dhahne, bhukanp ke jhatke tatha shahron men jal bharne ki sanbhavna hai. panchmesh mangal ke ashtam bhav men nichasth hone ke falasvarup sheyar bajar men utar-charhav aur yahan tak ki giravat ki sthiti bhi ban sakti hai. vahin kisi bare ghotale ke karan dhan-nash ki sanbhavna bhi hai. saptam bhav men gupt grah ketu ke dashamasth shani se santusht hone ke karan bharat ke lie antarrashtriya star par pareshaniyan utpann ho sakti hain. kintu vahin sanyukt rashtra ki suraksha parishad ki sthayi sadasyata milna sanbhav hai.
ashtam bhav men mangal ke nichasth hone se is varsh mrityu-dar men barhotri ki sanbhavna prabal hai. atmahatya ki ghatnaon men vriddhi hogi. vahan durghatanaon, mahamariyon adi ke karan bhi mrityu dar men vriddhi sanbhav hai. navmesh surya ke chaturth bhav men chandra, budh aur shukra se yukt hone ke karan nyaypalika ke dvara kuch mahatvapurn nirnay se am janta ka nyayik prakriya ke prati vishvas barhega. iske atirikt desh men kuch vishesh badlav bhi sanbhav hai. dasham bhav men shani ke kanya rashi men surya, chandra, budh aur shukra se santusht hone ke falasvarup bharat ki rashtrapti evan pradhanmantri ki pratishtha, yash aur samman men vriddhi hogi.
bharat ki svatantrata kundli ke anusar tarikh 16.10.2009 se 04.08.2010 tak surya ki mahadsha mane brihaspati ki antardasha har drishti se labhaprad siddh hogi. janjivan men sukh-samriddhi ki vriddhi hogi. vikas ki gati tej aur arthik sthiti sudrirh hogi. uske shatru desh sankat to khara karenge, kintu vijay usi ki hogi. kuch mahatvapurn rajnitik aur samajik vyaktiyon ka manipur vas hona sanbhav hai. naye rajnitik samikaran athva nai sarkar ka gathan bhi sanbhi hai. pratikul vatavaran men bhi desh ki ekta, akhandta aur sukh-shanti bani rahegi. tarikh 04.08.2010 se 16.07.2011 tak surya ki mahadsha men shani ki antardasha har drishti se unnati ka marg prashast karegi.
virodhon ke hote hue bhi is antardashakal men antarrashtriya manch par bharat ki sakh aur prabhuta barhegi. is tarah, vikram sanvat 2067 ki samuchi grahasthiti ka vishleshan karne par yah spasht hota hai ki bharat ki prabhavrashi ka svami shani aktubar men min ke brihaspati ki drishti men aega. agami 06 disanbar 2010 i. se sanvat ke ant tak brihaspati ki drishti bharat ki prabhav rashi par rahegi. atah bharat anekvidh samasyaon se jujhte hue bhi har kshetra men pragti karega tatha aur anushakti sanpann hokar vishva ki mahashaktiyon men apna prabhutva sthapit karne ke lie agrasar rahega. yuvashakti ka prabhutva barhega aur yuvanetritva men bharat uttarottar tarakki karega.