shukla paksh evan krishn paksh men panchon pakshiyan saptah ke alg-alag divas ko din tatha rat men bhinn prakar ke karya sanpadit karte hain. din ki avdhi ke panch yamon men panchon pakshiyan panch alag tarah ke kritya men prathmikta ke adhar par sanlipt rahte hain. koi pakshi yadi pratham yam ki avdhi men shasan karne ki gatividhi men sanlipt hota hai to vahi pakshi anya 4 yamon ki avdhi men dusra karya kar raha hota hai. isi prakar ki vyavastha ratri men bhi sanchalit hoti hai jo ki din ki gatividhiyon ke kram se bilkul bhinn hoti hai. is alekh men ham brihaspativar ki ratri men pakshiyon ke dvara kie gaye karyon ka vivaran prastut kar rahe hain. yadi apne pakshi ke anusar uchit samay ka chayan karke us avdhi men avashyak evan mahatvapurn karya sanpadit kie jaen to vah abhisht faldayi sabit hota hai.
ratri men panch pakshi ke kritya brihaspativar
1. pratham yam ki avdhi sham 6 baje se 8ah24 tak mayur - khana ullu - ghumna murga - shasan karna giddh - sona kaua - marna brihaspativar ko sham 6 se 8ah24 tak panchon pankshiyan uparyukt gatividhiyane men sanlipt rahte hain. is avdhi men yadi janm pakshi murga vala jatak koi mahatvapurn karya sanpadit karta hai to uske karya ke shat-pratishat safal hone ki purn sanbhavna hoti hai. jiska janmapakshi mayur hai uska karya kuch pareshani ke uprant vilanb se banega. janmapakshi ullu vale jatak ko kathin parishram karna hoga, iske uprant bhi fal bahut kam hi milne ki sanbhavna hai. giddh evan kaua janmapakshi vale jatak to apna prayas nirarthak hi samjhen kyonki is avdhi men inke karya safal hone ki sanbhavna naganya hai kyonki inke janmapakshi is samay kramshah sone evan marne ki gatividhi sanpadit kar rahe hain. atah yadi karya men saflta chahie to inhen us samay ka intjar karna hoga jab inke janm pakshi achchi gatividhiyon arthat shasan karna athva khana khane ke karya men sanlipt honge. isi prakar se panch pakshi ke adhar par uchit samay ka chayan kisi bhi karya men saflta ka marg prashast karta hai.
2. dvitiya yam ki avdhi ratri 8ah25 se 10ah48 tak giddh - khana kaua - ghumna mayur - shasan karna ullu - sona murga - marna arthat shukla paksh ke brihaspativar ko yadi sham 8ah25 se 10ah48 tak janm pakshi mayur vale jatak koi mahatvapurn karya sanpadit karenge to unhen nishchit rup se saflta milegi. janmapakshi giddh ko kuch prayason ke uprant thora vilanb se saflta milegi jabki kaua ko saflta ke lie kafi adhik mehanat karni hogi fir bhi saflta unse ruthi rah sakti hai. ullu evan murga janmapakshi vale jatak ko purn nirasha prapt ho sakti hai.
3. tritiya yam ki avdhi ratri 10ah49 se 1ah12 tak ullu - khana murga - ghumna giddh - shasan karna kaua - sona mayur - marna shukla paksh brihaspativar ko janm pakshi giddh vale jatak ke dvara ratri 10ah49 se 1ah12 tak sanpadit kiya gaya har karya safal hoga. ullu dvara sanpadit karya kuch pareshani evan vilanb ke sath saflta prapt karega jabki murga ko saflta prapt karne ke lie athak parishram karna hoga. parishram ke uprant bhi saflta men sandeh hai. kaua evan mayur ko is samyavdhi men avashyak evan mahatvapurn karya ko sthagit kar dena chahie kyonki inke karya men badha upasthit hone tatha karya ke asafal ho jane ki purn sanbhavna hai.
4. chaturth yam ki avdhi ratri 1ah13 se 3ah36 tak kaua - khana mayur - ghumna ullu - shasan karna murga - sona giddh - marna shukla paksh brihaspativar ko janm pakshi ullu vale jatak ke dvara ratri 1ah13 se 3ah36 tak sanpadit har karya apne ichchit parinam ko prapt hoga. kaua dvara sanpadit karya kuch badhaon evan vilanb ke sath purnata ko prapt hoga jabki mayur dvara sanpadit karya men yathesht parinam milne men sandeh ki sthiti bani rah sakti hai. murga evan giddh ko pareshani se bachne ke lie apne mahatvapurn karya kuch samay ke lie sthagit karke uchit samay ka intjar karna chahie.
5. pancham yam ki avdhi ratri 3ah37 se subah 6 baje tak murga - khana giddh - ghumna kaua - shasan karna mayur - sona ullu - marna shukla paksh brihaspativar ko ratri 3ah37 se subah 6 baje tak ki samyavdhi men janm pakshi kaua shasan karne ki gatividhiyon men sanlagn rahta hai. atah is samyavdhi men janmapakshi kaua vale jatak ke dvara sanpadit har karya saflta ki gagnchunbi unchaiyan chuega. janm pakshi murga ko apne karya men saflta hetu atirikt prayason ki avashyakta hogi. janm pakshi giddh athak parishram ke uprant bhi apne karya men safal hoga ismen sandeh ki sthiti bani rahegi. is samyavdhi men mayur evan ullu dvara sanpadit karya asafal hone ki hi adhik sanbhavna hai kyaneki donon kramshah sona evan marna gatividhi men sanlagn hanai. atah mayur evan ullu janm pakshi vale jatak yadi is samyavdhi men apne mahatvapurn karya ko sthagit kar uchit samay ka intjar karen to shreyaskar hoga.