rahu ketu ke pratikul prabhavon ko dur karne vala chamatkarik yantra acharya ramesh shastri janm ke samay surya grahan, chandra grahan jaise doshon ke hone se jo prabhav jatak par parta hai, vahi prabhav kal sarp yog hone par parta hai. kundli men kalasarp hone se jatak ki apekshit pragti men archnen ati hain. aisa jatak sharirik evan arthik drishti se pareshan rahta hai. lekin yadi kal sarp yog se prabhavit jatak iske nivaran ka samuchit upay kare, to vah avashya hi apne lakshya ko prapt karne men safal ho sakta hai. upay: kal sarp yog men sarp ko devta man kar nagon ki puja-upasna ki jati hai. mahamrityunjay jap adi bhi sarthak siddh hote hain. yadi sanbhav ho, to kalasarp ki shanti ke lie surya evan chandra grahan ke din rudrabhishek karvana chahie. chandi ke nag-nagin ke jore ki puja adi kar ke use shuddh nadi men pravahit karne se bhi kalasarp ki shanti hoti hai. ganesh evan sarasvati ki upasna bhi labhkari mani jati hai. kalasarp yog ke samast upayon men nag-nagin ko pravahit karna ya shivling par charhana hi shreshth hai. kalasarp yantra ki pujadi karna bhi shreshth hai. is yantra ke prabhav se sanpurn sukh evan labh milta hai. kal sarp ke jatak ko rahu-ketu ki dasha-antardasha, ke dauran shanti karane se adhik labh milta hai. rahu-ketu tamoguni, vishaile evan rakshasi pravritti ke hone par bhi urja ke srot hain tatha navin taknik se jure videshi vyapar ke svami hain. atah inki upasna jivan ko safal evan sabal banati hai. yadi koi jatak kalasarp yantra ko apne ghar men, vyavsayik sthal par, athva apne aspas kahin bhi sthapit kare, to jatak ko pushti milti hai tatha vah mansik, sharirik evan arthik vikas ki or agrasar hone lagta hai. is yantra men anya kai yantron ko samahit kiya gaya hai, jo rahu-ketu ki samast nakaratmak prabhavon ko parivartit kar, sakaratmak parinam pradan karte hain. jab anek prakar ke dan-tap, yagya, pujadi karte samay kharchon, vighnon evan trutiyon ka bhay bana hota hai, to aisi sthiti men is yantra ko sthapit karna ek achcha vikalp mana gaya hai. is yantra ko shuddh bhavna se sthapit matra karne se anokha labh hota hai. bina kisi vastu ke, bina kisi mantra evan mala ke, matra shuddh bhavna se mansopchar puja karna hi sarvottam yagya hai. atah yadi koi yah soche ki yantra ko ghar men sthapit karne se anek niyam-sanyam palan karne honge, to yah uska mithya bhram hai. atah is yantra ko koi bhi jatak sthapit kar ke labhanvit ho sakta hai. kal sarp yantra ki sthapna ke pashchat yadi jatak chahe to laghu mrityunjay mantra, mrit sanjivni mantra, mahamrityunjay mantra, rahu ya ketu ka mantra athva nag stuti ka jap ya path kar sakte hain. yantra sthapna vidhi: vaidik, tantrik, mansik, vachik, kayik, chal, achal kisi bhi paddhati dvara ise pratishthit kiya ja sakta hai. jatak svayan, athva kisi karmakandi se kisi bhi mah shukla paksh, som, budh, guru, shukra, varon men sthapit kar sakte hain. vishesh: jin jatkon ke kundli men kalasarp yog nahin hai. ve rahu evan ketu ke yantra ko sthapit karke labh prapt kar sakte n.
Kya aapko lekh pasand aaya?
Subscribe