dipavli pujan sthir lagn men hi karna chahie, taki lakshmi ji ghar men sthirta se vas karen. dipavli ke din sthir lagn sandhya kal men vrish evan sinh lagn hote hain. dilli men vrish lagn 17:44-19:39 tak rahega evan sinh lagn madhya ratri uprant 24:18-26:35 tak rahega. vrish lagn grihasth ke lie evan sinh lagn tantrikon ke lie uttam hai. vyapariyon ke lie din men kunbh lagn men 13:16-14:44 tak apne pratishthanon men lakshmi pujan uttam rahega. pujan ke lie lakshmi-ganesh ji ke chitra ya murti lene chahie. sfatik, rajat ya svarn ki murtiyon ki vishesh mahima hai. sath hi koi shri yantra adi bhi sthapit karna lakshmi vas ke lie uttam mana gaya hai. in sabka pujan kar shri sukt ya lakshmi sukt adi ka path dhan ki kami ko dur kar, sthir lakshmi ka vas deta hai.
dipavli ka parva pratyek varsh kartik mas ki amavasya ko manaya jata hai. is din dipavli manane ka mahatva islie hai kyonki is din sabse adhik kali andhkarpurn ratri hoti hai, aisi sthiti men asuri shaktiyon ka prabhav kafi adhik barh jata hai. asuri shaktiyon ko roshni ya prakash sabse adhik apriya v kashtakari hota hai. atah asuri shaktiyon ko dur rakhne hetu ghar-angan ko adhik se adhik prakashit rakhne ka prayas kiya jata hai. kai tantrik is rat siddhiyon ko prapt karne ke lie vishesh rup se puja-archana tatha tantrik kriyaen bhi karte hain tatha bari-bari siddhiyon ko prapt karte hain.
yah parva hamen agyanta rupi andhkar se gyan rupi prakash ki or le jata hai, islie ham dipavli men adhik se adhik prakash karte hain, taki hamare jivan men gyan rupi jyoti jal sake. is din lakshmi ji ke lie ki gai puja-archana ka mahatva anek guna adhik ho jata hai. bhagvti mahalakshmi chal, achal sanpurn sanpattiyon evan asht siddhi nav nidhiyon ki adhishthatri sakshat narayni hain. agrapujya dev shri ganesh riddhi- siddhi, buddhi, shubh, labh ke svami evan sakal amanglon, vighnon ke vinashak hain, arthat dipavli ke shubh muhurt men shri lakshmi evan ganesh ji ka sanyukt pujan karne se ghar men sabhi prakar ke sukh, aishvarya evan anand ka agaman hota hai.
dipavli ke shubh muhurt par kie jane vale upay
prachur matra men dhanagaman hetu
dipavli se purva dhan trayodshi ke din lal vastra par dhatu se bane kuber evan lakshmi yantra ko pratishthit karke unki lal pushp, ashtagandh, anar, kamalagatte, kamal ke ful, sindur adi se puja karen. fir kamalagatte ki mala par nimnankit kuber ke mantra ka 108 bar jap karke mala ko gale men dharan kar len taduprant 1 mala jap pratidin karen.
un yakshay kuberay vaishravnay dhanyadhiptye. dhan dhanya samriddhi me dehi dapay svaha..
dhan sangrah hetu
dipavli ke din pratah kal snanadi karke man bhagvti ke shrisukt ka path karen. lakshmi ji ki pratima ko lal anar ka bhog lagaen aur arti karen. ghar ki uttar disha ki or se prasthan karke bel ka chota per ghar men laen aur use lakshmi sukt parhte hue ghar ki uttar disha men kisi gamle men lagaen. dipavli ki rat svarnim shri yantra sthapit karen aur nimn mantra ka pratidin 1 mala jap karen -
un shrin hi shrin kamle kamlalye prasid prasid shrin hi shrin un mahalakshmyai namah.
karj mukti hetu
dakshinavarti ganesh ji ki upasna karen tatha rinmochnmangal stotra ka path karen. dakshinavarti ganesh ji ki murti ke sath ganpti yantra ko bhi sthapit karen. is yantra ke dayin or kuber yantra ko sthapit karna chahie. yah path rinmukti hone tak nitya prati karte rahen.
vyapar men dhan vriddhi hetu
dipavli ki rat ko shrisukt v lakshmisukt ke sfatik shriyantra ke samaksh solah path karen tatpashchat nitya prati shrisukt v lakshmisukt ka 1 path v nimnalikhit kisi ek mantra ka jap kamalagatte, sfatik ya lal chandan ki mala par karne se vyapar men nishchit rup se vriddhi hoti hai. pratidin ek mala jap lakshmi dosh ko sarvada ke lie dur karne men saksham hai.
un shrin hi shrin mahalakshmyai namah..
duahkh, daridray v vipatti nash hetu
dipavli ki rat durgasaptashati ke path ka aranbh karen v tatpashchat nitya prati durga kavach ya durga chalisa ka nitya prati path karne se duahkh-daridray ka nash hota hai tatha arogya v saubhagya ki prapti hoti hai.
svasthya labh hetu
dipavli ki rat nimnankit mantra ka jap karna aranbh karen tatha 43 dinon tak nitya prati niyamit rup se 3 mala jap karte rahne se nishchit rup se rogon ka nash hota hai tatha arogya ki prapti hoti hai -
dehi saubhagyamarogyan dehi me parman sukham. rupan dehi jayan dehi, yasho dehi dvisho jahi..
vidya labh v vaksiddhi hetu
jab vidya prapti ke upay prabhavi n ho rahe hon to dipavli ke shubh avasar par vishesh rup se madhyaratri men nimnankit mantra ka brahmacharya vrat ka palan karte hue ek mala jap karne se mantra siddhi hoti hai. tatpashchat vidya prapti ke apne uddeshya ki siddhi ke lie nitya prati 1 mala jap karen.
un ain hi shrin vagdevyai sarasvatyai namah..
santan prapti hetu
dipavli ki rat nimnankit mantra ka 1, 3, 5, 7 ya 9 mala ki sankhya men jap karna aranbh karen tatha tatpashchat manokamna purti hone tak nitya prati japte rahen. aisa karne se nishchit rup se yogya santan ki prapti hoti hai.
sarvabadha vinirmukto dhandhanya sutanvitah. manushyo matprasaden bhavishyati n sanshyah..
santan ke shighra vivah hetu
santan ke vivah men anavashyak vilanb ho raha ho to shighra vivah hetu dipavli ke din madhyahn kal se nimnankit mantra dvara bhagvti matangi ki aradhna karna aranbh karen tatha manokamnapurti hone tak nitya prati 1 mala jap karen -
un hi ene shrin namo bhagvti uchchishth chandali shrimatangishvari sarvajnvshankri svaha.
shatru nash v mukdme men vijay hetu
yadi koi shatru apko akaran hi pareshan kar raha ho athva kort kachhri men koi mukdma adi chal raha ho to shatru nash v mukdme men vijay prapti hetu dipavli ki ratri se aranbh karke baglamukhi ke nimnankit mantra ka 3 mala jap 43 dinon tak nitya prati karen -
un hi baglamukhi sarvadushtanan vachan mukhan padan stanbhay jihvam kilay, buddhi vinashay hi un svaha.
bhut pret/upri badha nivaran hetu
yadi apke upar kisi ne tona-totka kar diya hai athva apka kam ya vyapar bandh diya hai to dipavli ki rat kali man ki aradhna karen tatha nimnankit mantra ka 1 mala jap karne ke pashchat apne upar se sat bar nariyal varakar use bahte jal men pravahit karne se bhut badha dur hoti hai.
un krin krin krin hi hi hun hun dakshin kalike krin krin krin hi hi hun hun svaha.
uprokt mantra ka dipavli ki rat men jap aranbh karne ke pashchat 43 dinon tak nitya prati ek mala jap karne se purn badha nivaran ho jata hai.
jap ya manokamna purn hone par jap sankhya ke dashansh ka havan avashya karen.