manushya ke jivan men adhyayan ka vishesh mahatva hai. adhyayan ki visheshta yah hai ki yah buddhi ke kosh ko gyan se yukt karta hai. gyan vyakti ko sad evan asad men jo bhinnata hai, usse parichit karata hai.
vastushastra ke arshagranthon men vrihat san¬ihta ke bad vashishth sanhita ki bhi bari manyata hai tatha dakshin bharat ke vastushastri ise hi pramukh rup se mante hain. is sanhita granth ke anusar vastushastra men vishesh sthiti men baithakar adhyayan karne ka disha nirdesh diya gaya hai. vashishth sanhita ke anusar ‘‘rakshasambupyormadhye vidyabhyasasya mandiram’’ athar¬at adhyayan kaksh niriti se varun ke madhya hona chahie.
vastumandal par drishtipat karen, to niriti evan varun ke madhya dauvarik evan sugriv ke pad hote hain. dauvarik ka shabdik arth hai pahredar tatha sugriv ka arth hai sundar griva ya sundar kanth vala. dauvarik ki prakriti chust evan chaikanni hoti hai. usmen alasya nahin hota hai. atah dauvarik pad par adhyayan kaksh ke nirman se vidyarthi chust evan chaikanna rah kar adhyayan kar sakta hai tatha kshetra vishesh men saflta prapt kar sakta hai. nirantrta se kiya gaya adhyayan gyan ke kosh men vriddhi karta hai.
gyan kosh ka samy-samay par prayog karne ke lie sundar abhivyakti ki avashyakta hoti hai anyatha gyan vyarth chala jata hai. gyan ki sundar prastuti men sugriv ki bhumika mahatvapurn hai. is prakar dekha jae to dauvarik evan sugriv ek dusre ke purak hain. in padon ki in visheshtaon ke karan hi vastushastra ke acharyon ne is sthan ko adhyayan kaksh ke nirman ke lie prashast mana.
pashchim disha aur rnaitya kon ke bich ka bhag adhyayan kaksh ke lie prashast manne ke piche ek karan yah bhi hai ki yah kshetra brihaspati, budh tatha chandra ke prabhav kshetra men ata hai. budh buddhi pradan karne vala tatha brihaspati gyan pipasa ko barhakar vidya pradan karne vala grah hai. chandra mastishk ko shitlta pradan karta hai. atah is sthan par vidyabhyas evan adhyayan karne se nishchay hi saflta prapt hoti hai.
adhyayan kaksh ki antrik sanrchna karte samay nimn baton ka dhyan rakhna chahie- adhyayan kaksh ka dvar purva ya uÿar ki or hona chahie. parantu agney, rnaitya ya vayavya kon men nahin hona chahie. kaksh ki khirkiyan bhi uÿar, purva ya pashchim men honi chahie.
adhyayan kaksh men almariyon ka nirman kaksh ki dakshin v pashchim ki divaron par karvana chahie. kaksh men mej is prakar lagaen ki vidyarthi uÿar ya purva ki or munh karke parhne baithe. adhyayan kaksh ke ishan kon men purva ki or ishtadev ki choti murti ya chitra rakhna shubh hota hai. pine ka pani bhi isi kone men rakha ja sakta hai.
adhyayan kaksh ki divaron, farnichar, pardon adi ka rang halka nila ya hara, badami ya safed hona shubh hota hai. badami rang pratibhavardhak hota hai. halka nila ya hara rang adhyatmik v mansik shanti pradan karta hai. in rangon ke prabhav se netron evan mastishk ko shitlta bhi prapt hoti hai. vastusammat adhyayan kaksh ki sthiti tatha antrik sanrchna vidyarthi ko sarlta se saflta ka marg pradan karti hai.
vartaman samay men samay ke prabhavavash hamara vidyarthi varg pareshan hai ,pra tiyo gita m e natishigh ra lakshya pra apt kar lena chahta hai. aise men pashchim men nirmit adhyayan kaksh vidyarthi ki manokamna ki purti men sahayta kar sakta hai.
janm kundli ke vishleshan ke lie bat karen desh ke prasiddh jyotishiyon se keval fyuchar point par