jyotishiya ganna ke anusar yah varsh am taur par shubh rahega. sahitya, kala, udyog adi ke kshetron ki sthiti achchi rahegi. puratatvik mahatva ke vastuon ke sanrakshan par vishesh jor diya jaega. antarrashtriya star par bharat ki shakh barhegi. vigyan ke kshetra men bharat uttarottar pragti karega. kintu, vahin kuch ashubh yogon ke karan kuch ashubh ghatnaon ki sanbhavna bhi hai. yahan is varsh ghatne vali shubhashubh ghatnaon ka falit sutra ke adhar par jyotishiya vishleshan prastut hai.
‘‘.. shomannavastaran dhatri prajanan rog shokda. tathapi sukhino loka vahusasyardh vrishtayah..‘‘ arthat is varsh janta ko rog, pira, shok, santap adi ka samna karna parega. lekin bhavnaon par niyantran se sukhdayak yog bhi banenge. vrishti badha ke karan sthiti pirajanak banegi, parantu anttah parinam anukul niklenge. jan bhavna ko mahatva milega. kuch deshon men andolan chirne ki sanbhavna hai. akashiya grah parishad ke vibhinn vibhagon ke anusar faladesh is prakar hai.
û raja mangl: bhaume nripe vahnibhyan janakshayan chairakulan parthiv vigrahan ch. duahkh praja vyadhi viyog pira svasyan payo varivah.. varsh ka raja mangal hai. iske falasvarup desh men atankvadi ghatnaon men vriddhi ke sath-sath chori ki ghatnaen barhengi, jisse janmanas tatha satta ke galiyaron men bhay ka vatavaran utpann hoga. yah yog anavrishti ka suchak bhi hai. kahin-kahin ag lagne se jan-dhan ki bhari hani ki sanbhavna bhi hai.
û mantri budh: shashi sute shubh mantri sabhagte svapti narmte madan kriyam. vakshu (bahu) dhan bahuvadisamanvitan yavam sur chagann madhryatam.. varsh ka mantri budh ek saumya grah hai. budh ki is sthiti ke falasvarup achchi varsha ka yog banta hai. paidavar bhi achi hogi. praja men sukh shanti ka vatavaran banega. kirane ke vyapariyon ke karobar men vanchit tarakki hogi. jau, chane adi vibhinn anajon dalahan ke bhav men teji ka yog banega. vahin kisanon men anaban jyada hogi, kintu samjhauta bhi hota rahega.
û sasyesh shukra: shukroydadhanya patirdharayanmegho janan varshati shobhan priyam. godhum shalikshudhnan priyangu vaksheshu pushpani sukh pradani.. shukra ke sasyesh hone ke karan is varsh varsha achchi hogi. chaval, ikh, gehun, chana, dhan adi ki paidavar achchi hogi. vrikshon men fal-ful adhik lagenge. vyapar evan krishi udyog tarakki hogi. kintu vahin ati vrishti ki sanbhavna bhi hai jiske falasvarup jan-dhan ki hani ho sakti hai.
û dhanyesh guru: gurudhanya patauyate yavgodhumshasay. panchyante sarva desheshu yajvano brahmanadyah.. dhanyesh guru grah ke prabhav se is varsh geehun, dhan adi ki paidavar bahut achchi hogi. jan jivan sukhamay rahega.
û meghesh bhaum: avnijo jaladsyaptau bhuvishrutin vichar vihin dharamra. kvachidpi prachuran jasmulya kan kvachidpi prashnan bahutapadam..
û mangal ke meghesh hone ke karan kahin ativrishti to kahin anavrishti ki sanbhavna hai. prithvi par tapman men vriddhi hogi.
û rasesh ravi: rasptaushravi dharanaitda vichar rasbhag ratalp vayodhraah. vasan tel ghrit priyamanvaah sukhenashsannam munakti mahipti.. surya ke rasesh hone ke karan is varsh vanchit varsha ki sanbhavna kam hai. rasakar padarthon ka utpadan kam hoga tatha ras vali vastuen mahangi hongi. sarkar aur janta ke bich samanjasya ka abhav rahega. vastra, tel, dudh adi ka utpadan kam hoga.
û nirsesh shukra: karmaragrgandha nan hem bhauktik vassam. ardh vrishtiah prajayet nirsesho bhriguryadiah.. is varsh shukra ko nirsesh hai. faltah bhag milne se sona, kapra, kapur, agr-tagar gandh adi ke bajaron men mandi rahegi. abhushnon ke bajar men bhi mandi ki sanbhavna hai. shukra ki yah sthiti stri varg ke lie shubh hai.
û falesh surya: duramvti var pushpavati dhara prabhuditafal bhog visheshta. bahujlan jaldo bhuvi bhuchanti kavchidpi pramitan falyo raviah.. ravi ke falesh hone ke karan is varsh varsha achchi hone ki sanbhavna hai. vrikshon par fal ful adhik lagenge. jan jivan sukhamay rahega.
û dhanesh guru: sumnsan ch gururdravinadhiyo vanijvriÿiapraah sukhmajnaah. falitpushpit bhumi ruhaah sada vividhe drivya yuta bhuvi manvaah..
û varsh ka dhanesh guru hai. islie achchi varsha ki sanbhavna prabal hai. prithvi par pap ka bojh kam hoga. vyapar men tarakki hogi, jisse vyaparigan khushhal rahenge. fal ful ki paidavar achchi hogi. desh bhar men dhan-samriddhi ki vriddhi heagi.
û durgesh chandra: ganptirmrigsadhan kau yada nrip surajya vilasipaurjaah. bahudhnekshujgorsbhogino narvra naravarnit vigrahaah. chandra is varsh ka raksha mantri (durgesh) hai.
falasvarup sattadhariyon men apsi sadbhav men vriddhi hogi. janjivan men sukh-shanti ka vatavaran banega. ikh ki paidavar achchi hogi. gopalan karne valon ko dhan labh hoga. varshanam-shravan fal manoshad prakurvatijnaah saukhya samayutaah. shravne vrishti ratyu gragomhisyadikan sukham.. janta men saukhya bhav men parivartan hoga. varsha achchi hogi. gramin janjivan sukhamay hoga. kintu kahin kahin adhik vrishti se sthiti pratikul bhi hogi. chaturth meghnam pushkar fal pushkar fal ka vishleshan alp vrishti ka sanket deta hai.
nadiyon ke sukhne ki sanbhavna bhi hai. rohini samudra tat fal akash men badal dikhai dega, lekin varsha kam hogi. pashchimi rajasthan men yog shubh banega. kintu rohini parvat tat ke lie megh mala ashubh yog ki sanbhavna hai. kunbhkar grih men yukti yog banega. parishram karne vale karmath logon ka jivan sukhamay rahega. daivagya drishti men sansar chakra sanvat raja vikramaditya: varshesh- lagnesh, akashiya parishad tatha anya sutron ke adhar par mediniya jyotish ki ganna se daivagya drishti men sansar chakra sanvat ke raja vikramaditya hain.
û udyog, vigyan, shiksha, rojgar, sarak parivahan, parmanu shodh karya men adi ka vikas hoga.
û kisi kisi pradesh men madhyavdhi chunav tatha ashubh ghatnaon ka yog banega. û apatkalin sthiti utpann ho sakti hai. janta vidroh ya kranti kar sakti hai.
û lok mandlon tatha nikayon men ashobhniya ghatnaon ki sanbhavna hai.
û dalagat rajniti se rajniti ka vatavaran dushit hoga.
û niji udyogon ki tarakki tatha svarojgar pranali ka vikas hoga.
û rajkiya pratishthanon par niji niveshon ka prabhav barhega.
û takniki shiksha ki vriddhi hogi kintu takniki karmi koni se udasin najar aega.
û kanya ka shani parichmoÿar deshon men yuddh ka vatavaran utpann karega.
û shri lanka, nepal evan marishas men prakritik apda ke karan jan-dhan ki hani ki sanbhavna hai.
û karyapalika apni vidhan niyamavli ka ullanghan kar sakti hai.
û thagi, chori, dakaiti, paekit mari adi ki ghatnaon men vriddhi hogi.
û vishisht netaon ka bara ujagar hone se janta ka vishvas nyun hoga.
û bijli evan jal ka abhav rahega.
û briten, japan, rus, iran, chin tatha muslim rashtra paraspar vivad se bache ya satark rahen.
û nari samuday ki garima to barhegi, magar nariyan svayan simaon ka ullanghan karengi.
û prashaskon par rajneta apna varchasva barhane ka prayas karenge.
û kendra evan rajya sarkaron men vipaksh ka varchasva rahega. kendriya tatha prantiya mantrimandlon men parivartan chalte rahenge.
û rel, vayu tatha jal durghatanaen ho sakti hain.
û mansun ki aniyamitta ke karan kahin kahin ativrishti to kahin anavrishti hogi jisse krishi prabhavit hogi aur janjivan dukhamay hoga. ukt lagnon ke adhar par mediniya jyotish sutra evan shakun yog tatha grah gati ke vishleshan se gyat hota hai
ki varshafal men achche yog banenge. raja evan mantri ka bhav yog se shatru har manenge. vishva men mangal ke prabhav se yuddh ka vatavaran banega. kintu saumya grahon ke chah aur krur grahon ke char padon ke yog ke falasvarup sthiti sakaratmak hogi. logon men ishvar ke prati shraddha tatha dharmik karyon men ruchi barhegi. gannanusar yog men grahon ka fal kavya rup men- lagn varsh pravesh ka pahle bhav men rahu ka sthan .
saptam ketu mithun ka kare nari varg ka utthan.. nich mangal athvan kark ka shital nari may. uchch isht dhan bhav men udyog vyapar barhay.. chaturth bhav men ashtamesh yukti chandraditya ka yog. budhaditya yog bhi shiksha diksha shukraditya ka yog. bhumi par bhar barhe, tape surya pratidin akash. shani dasham bhav kare vyapar krishi ka vinash.. guru tritiya shani kshetra men karta drishti surya rashi. savdhani se chalen karen sarvajan hasi.. varshalagn ke yoganusar fal dvisvabhav lagn, lagnesh guru kunbh men tatha chaturth bhav men guru ki rashi men surya, chandra, shukra aur budh ki yuti ashubh suchak hai.
yah yog varshaparyant prabhavi rahega. hatya ki ghatnaen barhengi. chatra bhang ki sanbhavna bhi hai. log apne man-bap ka apman karenge. pashchimi deshon par shani ki drishti tatha dakshini deshon par kudrishti ke falasvarup sthiti pratikul hogi. lagn men rahu yada lagne sadhe dhanu rashau tanda rogopadrav bhavanti. ketu yada saptam mithune nari maryada khandan karoti.. is yog ke karan rog vyadhiyan jyada barhengi. nari jati ka prabhutva barhega lekin ve apni maryadaon ka ullanghan karengi.
mangal nich ashtabhav agni kandoti yatra-tatra jayte. drishti uchch sthane makre udyog vyapar bhumi upjayte.. dasham kanya gate shani ravi sutam drishti pita guro kshetre. yoga samsantkadi prabhav kendriya satta mandal parivartan te. gurau kunubhe tritiya yatha drishti surya rashi sinh pari. ete nav graha sthiti shubhshubh yog kaushik narayan hari.. grahon ka kuprabhav bharat par hi nahin, sanpurn vishva par parega. isse mukti hetu rashtra star par yagyadi shubh karya karne chahie. varshabhar lagn char shukraditya aur budhaditya yogon ke falasvarup is varsh shiksha ka vikas antarrashtriya star par hoga.
navin taknik tatha shaikshik unnayan ki karyashalaon ka ayeajan vibhinn shaikshanik sansthaon dvara hota rahega. shukra grah ki is sthiti ke karan navin vaigyanik prayog honge. vigyan ke kshetra men bharat agrani rahega. kintu chaturthasth mangal tatha dvadashasth chandra ke karan vishva men prakritik apdaen aengi. shani rogotpatti karak hoga. vishisht jan hridyaghat ke shikar honge. navasth rahu tatha tritiyasth ketu khanij sanpda ke vikas ke shodh men sahayak hoga. kintu dakshini purvi deshon men janta men akrosh barhega.
samaj men stri utpiran ki ghatnaen barhengi. log parivarik klesh se grast rahenge. jal, bijli aur tel ki kami ki sanbhavna bhi hai. mangal, shani aur shukra ke karan vahan udyog men nivan taknik ka avishkar hoga. nari varg pratyek kshetra men kadam rakhega. bharat men dakshini pranton men bhi nari shakti ka prabhutva barhega. nepal, shrilanka, pakistan, bhutan, afrika, amerika aur iglaind men nari jati ka samman barhega. samanya jan chinta evan berojgari se pidit honge. adrra pravesh lagn sinh lagn yut mangal ka lagn men hona ag lagne se jan-dhan ki hani ka sanket deta hai.
yatra-tatra tej andhi ane aur ag lagne se dhan-jan ki hani ki sanbhavna hai. asman men badal chae rahenge, kintu varsha naganya hogi. bunda-bandi hogi ya badal ke fatne ki ghatnaen hongi. bharat ke mausam men kuch parivartan jaisa vatavaran banega. krishak evan vyapari chintit rahenge. guru ke ashtam men pravesh ke falasvarup varsha samay par nahin hogi jisse krishi ka bhari nuksan hoga. labh bhav ki chaturth grah yuti se raj vigrah ya mantrimandal men parivartan sanbhavna hai. khadyann mahange kintu mashinen sasti hongi.
antarrashtriya bhavishya kathan raja bhaum tatha mantri budh ke prabhavavash is varsh amerika, afrika tatha asteªliya ka anya deshon ke prati vyavhar katu hoga. niti nirdharan men ye desh bhulakar sakte hain. anu-parmanu anusandhan ke kshetra men nai takniki ka avishkar hoga. arthik drishti se in deshon ke kamjor hone ki sanbhavna hai. chaturth grah yuti ke karan apatkalin sthiti banegi. berojgari men vriddhi hogi. prakritik apdaen aengi jisse janjivan prabhavit hoga. vayuyan apaharan ki ghatnaen ghatengi. inhin deshon ke karan vishva men tanavpurn sthiti utpann hogi.
is varsh surya, chandra, budh, shukra tatha brihaspati ke prabhavavash evan shani ki drishti ke karan landan, rus, barma, chin, afganistan, pakistan, hindchin tatha bangla desh men janjivan prabhavit hoga. bhukhmri tatha agnikandki ghatnaen ghatengi aur vyapar sanbandhon men vivad ki sthiti banegi. shasak varg men fut ka vatavaran utpann hoga. kanun vyavastha ke prati logon ke vishas men kami aegi. mahila varg ka in deshon men prabhutva barhega, ve har kshetra men agrani rahengi. kintu apaharan tatha yaunachar ki ghatnaen bhi barhengi.
is varsh jun se agast tak ka samay satarurh parti ke lie sanktpurn rahega. andhi, tufan adi prakritik apdaon ke karan jan-dhan ki hani ki sanbhavna hai. bachchon men vibhinn rogon ka prasar hoga, jisse am jan pareshan honge. puratatvik evan vibhagon aitihasik mahatva ke sthanon ki khoj men pragti hogi. varsh pravesh lagn evan varshesh lagn ki grah ganna ke anusar frans, ijrayal, nepal, bhutan, shrilanka, yugoslaviya, marishas, maleshiya tatha koriya ka bhavishya is varsh ujjval pratit hota hai
dharmik karyon men logon ki abhiruchi barhegi. antrik samasyaon ka samadhan hoga. naitik shiksha ko anivarya karne jaisa yog banega. kahin-kahin shasan ki dhilai ke karan kranti ki sanbhavna hai. hartal, nari utpiran, parivarik kalah adi ki ghatnaen ho sakti hain. shukraditya yog ke karan sharir-vyapar men vriddhi ki sansbhavna hai. saÿaa men parivartan ki sanbhavna bhi hai. janta men rosh barhega. bhaum raja aur mantri budh ke karan dashadhikar padm yog ka nirman ho raha hai.
shiksha ke kshetra men kranti aegi jisse vikas ki gati tej hogi. atankvad ka bolbala barhega. krishi utpadan men vriddhi hogi. yah varsh jarmani, japan, irak, iran, nyujilaind, singapur, baluchistan tatha kanada ke lie chamatkarik pratit hota hai. dashmesh v navmesh ke karan vyapar, takniki adi ke kshetron men sudhar hoga. kintu prakritik apdaon ki sanbhavna bhi prabal hai, jisse dhan-jan ki hani hogi. kisi desh vishesh men satta men vivad ke karan vidroh fut sakta hai.
nari jati ka prabhutva barhega. bhukanp, jvalamukhi ke fatne adi ke falasvarup dhan-jan ki hani ke sath-sath khanij sanpda ke nash ki sanbhavna bhi hai. shani, mangal, rahu aur ketu ke prabhavavash paekitmari, lutkhsot, chori adi ki ghatnaen adhik hongi. ativrishti ki sanbhavna bhi hai, jisse janjivan prabhavit hoga. kahin kahin saÿaa parivartan bhi ho sakta hai.
dhanu lagn ke yog tatha grah parishad ke prabhavavash bharat ka shaikshik star is varsh shreshth rahega. shiksha ke kshetra men agrani deshon men bharat ka nam hoga. kintu dakshini evan uÿari bharat men sthiti ashubh rahegi. nyayalyon ke prati janta ka vishvas kam hoga. kanya ka shani bharat ke lie pareshaniyon ka suchak hai. rajnetaon ki vani prabhavhin hogi. bharat ko arthik sankat se gujrna parega. karmachari varg ko bhi pareshaniyon samna karna par sakta hai.
purane vivad suljhenge tatha lanbit mamlon ke nibtare ke lie sarkar vishesh kadam uthaegi. vartaman mantrimandal men parivartan ki sanbhavna hai. vahin yu.pi.e sarkar ko vishvasamat hasil karna parega. vivadit partiyon apsi katuta ke karan netaon ki chavi dhumil hogi. is pratikul sthiti men bhi bharat achcha utpadak evan niryatak banega. kintu vayu tatha jal durghanaon ki sanbhavna prabal hai.
krishak tatha majdur vargon ke lie yah varsh achcha rahega. 30 jun 2010 se 20 navanbar 2010 tak kandra sarkar vishesh sankat men rahegi. surya aur shani ka saptam yog: panchavarshiya yojnaon tatha takniki shiksha ke kshetra men nae ayam jurenge. kintu, atankvad, yaunachar, anachar adi ki ghatnaon men vriddhi hogi. desh men vibhinn pranton ke bhavishyafal ka vishleshan yahan prastut hai. rajasthan ki vidhan sabha ka karya kal niyamanusar pura hoga. lekin bich bich men uthl-puthal ki sanbhana hai. mantrimandal men tin bar parivartan ke yog hain.
vahin prant men prakritik apda ke karan janta ko kasht ka samna karna parega. surya, shukra, budh aur chandra ke yog ke karan am log dhokhadhri kar apna ullu sidha karenge. samaj men nari ki sthiti dayniya hogi. shiksha ke kshetra men bhi parivartan ka yog hai. ag lagne tatha sanpradayik dange ki ghatnaon men vriddhi hogi. krishi, sinchai tatha vyaparik karyon men mahangai barhegi. chori, thagi, paekitmari, yaunachar, deh vyapar adi ki ghatnaon men vriddhi hogi.
is varsh lagnesh ke prabhav se panjab, himachal pradesh, kashmir, uÿaranchal tatha bihar men vikas ki gati men teji aegi. kintu in pranton ki sarkaren vivadagrast rahengi. purush rajnetaon ki tulna men mahila rajnetaon ka prabhutva barhega. rajkiya karyon men ghotalon ka pardafash hetu guptacharon ka bolbala jyada hoga. vidhan sabhaon men vighatan jaisi ghatnaen ghatengi. krishi utpadan evan vidyut utpadan men ye prant agrani rahenge. mantriyon evan naukrshahon men matbhed se janta pirit hokar andolan ka sahara legi. jagh-jagah durghatanaon aur prakritik apdaon ki ghatnaon men vriddhi hogi.
grah ganna ke anusar hariyana, asam, chaÿaisagarh, jharkhand, urisa, pashchimi, panjab tatha andhrapradesh men ashanti ka mahaul rahega. sarkarane bhi chintit tatha nek nirnay lene men vifal rahengi. hatya ki ghatnaon men vriddhi hogi. andolan ki sanbhavna bhi hai. nichasth mangal ke karan in pranton men saÿaapaksh ka prabhutva barhega jabki vipaksh kamjor hoga. chandra, budh aur shukra ke surya ke sath hone se chatugrrah yog ban raha hai.
is yog ke falasvarup in pranton ka janjivan dukhamay rahega, jisse ashanti failegi. sarkari mashinri par rajneta jyada prabhavi rahenge. kunbh aur min ka guru logon ko dharmik karyon ki or prerit karega. stri varg ko rojgar ki prapti hogi. jagah jagah ag lagne ki ghatnaen hongi jisse janta men tabahi machegi. prakritik apdaon ka yog bhi hai. gujrat, maharashtra, madhyapradesh, karnatak, tamilnadu, meghalay, sikkim tatha dilli men is varsh varsha ka yog achcha rahega. prakritik vatavaran bhi suhavna rahega.
audyogik vikas ki gati barhegi. vaigyanikane dvara nae nae shodh honge. lekin rajnitik dalon men shatruta barhegi. andhiyon, sarak durghatanaon, aphrnon adi ki ghatnaon men vriddhi ki sanbhavna hai. pashuon men bimari failegi. pashu mahange honge. arunachal, bhutan, goa, bangal evan kendra shasit sabhi pranton men is varsh rajnetaon men ghamasan chalta rahega. parisiman ka mamla kendra tak pahunchega. barh evan mausam men pratikul parivartan ke karan krishkon aur machuaron ko kasht ka samna karna parega.
kintu khanan vibhag tatha van vibhag ke vikas men teji aegi. varsh men kshatra bhang yog bhi ban raha hai. ‘‘ekadashyan shanau tasmin yantra bhangadhva bhuvi. nagar bhangashch syudvairichoran dhupadravaah..’’ is vakyansh ke anusar ukt rajyon ki sarkaron ke girne ki sanbhavna bhi hai. madhyavdhi chunav bhi ho sakte hain aur kahin kahin rashtrapti shasan bhi lagu ho sakta hai. vahin prakritik apdaen bhi a sakti hain, jisse jan-dhan ki hani hogi.