vaivahik jivan pati-patni ka dharm sammat samvet sancharan hai. isi mantavya se vivah sanskar men var-vadhu ajivan sath rahne aur kabhi viyukt nahin hone ke lie pratishrut karaya jata hai: itaiv stan ma vipeshtin. vishvamayuvryashnutam.. unhen ek-dusre se prithak karne ki kalpana bhi nahin ki ja sakti. ko dampati samnsa vi yuyodadh. var-vadhu ka sahacharya sanatan hai. yah sanbandh shabd aur arth ki bhanti avichched aur anyonyashrit hai. prayah saptam bhav, dvitiya bhav, saptamesh, dvitiyesh aur karak shukra ke (striyon ke lie karak guru) nirikshan se vaivahik vighatan ka purva gyan hota hai, kintu vighatan ka antim parinam parthakya hai ya nahin yah gyat karna atyant jatil karya hai.
is sandarbh men jivan vichitra udaharan prastut karta hai. anek dampaÿia paraspar ghor asantusht rahte hai, kintu is santap ko ve ajivan sahan karte hain aur prithak nahin hote. kuch dampaÿia nitant samanya tatha upekshapurn sthitiyon se hi vichlit ho uthte hain aur parthakya hetu nyayalay ki sharan lete hain. kin grah yogon ke parinamasvarup aise vichitra ghatnakram prarupit hote hain, yah gyat karna ati avashyak hai. brihaspati sadrish shubh grah ki saptam sansthiti vaivahik parthakya kar sakti hai aur shani, mangal, rahu aur surya ki saptam bhav men yuti ke pashchat bhi dampatya jivan samanyatah sukhad siddh ho sakta hai. vivah vichched ya talak ke yog:
- saptamadhipti dvadash bhavasth ho aur rahu lagnasth ho to vaivahik parthakya hota hai. saptam bhavasth rahu yut dvadshadhipti prithkta yog nirmit karta hai.
- saptamadhipti aur dvadshadhipti dashamasth ho, to pati-patni men talak hota hai.
- dvadashasth saptamadhipti aur saptamasth dvadshadhipti se yadi rahu ki yuti ho to vivah vichched hota hai.
- pancham bhavasth vyayesh aur saptamesh tatha saptamasth rahu ya ketu ke falasvarup jatak patni aur santanon se alag rahta hai.
- mangal aur shani ki rashi men janm ho, lagn men shukra sansthit ho aur saptam bhav papakrant ho to jatak ki patni uska parityag kar deti hai.
- saptam bhav shubh aur ashubh donon grahon se purit ho kintu shukra nirbal ho to patni apne pati ka tyag kar deti hai.
- papakrant saptam bhavasth chandra-shukra, pati-patni sanbandh vichched karte hain.
- surya saptamasth ho aur saptamadhipti nirbal ho athva surya papakrant ho to jatak patni ka tyag kar deta hai.
- yadi kisi jatika ke saptam bhav men balhin grah ho to vah parityakt hote hain.
- lagn men sah sansthit shani rahu ke falasvarup jatak logon ke kahne par apni patni ka tyag karta hai
- saptam bhavasth surya par shani sadrish shatru ki drishti ho to aisi jatika ka pati uska tyag karta hai.
- saptamadhipti dvadashasth ho tatha dvadshesh saptam bhavasth ho aur rahu, mangal athva shani saptam bhavasth ho to parthakya hota hai.
- saptamadhipti dvadashasth ho aur pap grah saptamasth ho tatha saptam bhav par shashthadhipti ka drishtipat ho to bhi talak hota hai.
- saptamadhipti aur dvadshadhipti shashthasth, ashtamasth ya dvadashasth ho aur pap grah saptam bhavasth ho to talak hota hai.
- chatha bhav nyayalay se sandarbhit kriyaklapon ko ghoshit karta hai. saptamadhipti shashthadhipti ke sath shashthasth ho athva shashthadhipti, saptamadhipti ya shukra ki yuti ho to paryapt nyayik sangharsh ke bad talak hota hai.
- shashthadhipti ka sanbandh yadi dvitiya, saptam bhav, dvitiyadhipti, saptamadhipti athva shukra se ho to dampatya anand badhit hota hai. uske sath hi yadi rahu aur anyanya pap grahon se saptam bhav dushit ho to nishchit parthakya hota hai.
- lagnasth rahu aur shani dampatya parthakya ko suchit karte hain.
- vakri aur papakrant saptamadhipti ho to faltah talak hota hai. aie ek satya udaharan dvara parthakya ke yogon ka parikshan karne ka prayas karen. prastut udaharan kundali men min rashigat brihaspati saptam bhavasth hai. saptam bhavasth brihaspati ko dampatya anand hetu atyant shreyaskar mana jata hai. is jatika ka vivah ek vyapari se hua parantu vaicharik, sanskarik aur bhavnatmak asmanjas ke karan uska jivan vyatha se purit ho gaya aur kuch samay bad talak ho gaya. sthan hani karo jiv.
santan, dhan, ay aur striyon ke nimiÿa vaivahik sukh ka karak hone ke karan dvitiya, pancham, saptam aur ekadashasth brihaspati shubh parinam pradata nahin hota. papakrant hone par viprit parinam pradan karta hai. udahrn: janm kundli men min rashisth brihaspati saptam bhav aur dvi tiyesh shukra se ashtamasth hai. shashthesh shani prithktavadi grah ke rup men brihaspati par drishtipat kar raha hai. ketu yukt dvadash bhav dvitiyesh shukra parthakya karak surya ki rashi men sthit hai. jatika ki janmakundli men ashtam bhav kalyan aur dampatya ka sukh deta hai. ashtamesh mangal parthakya bodhak surya se yukt hai. vahin mangal par shani ki purn drishti hai.
in karnon se ashtamesh mangal atyant papakrant hai faltah vaivahik sukh men badha ka kuyog upasthit hai. navansh kundli men shani saptam bhavasth hai. in samast karnon se jatika ka jivan parthakya hetu badhya hua aur jiske sath ajivan rahne ki kasmen khai thin usi se talak liya.