vyapar par kyon lagti hai najar bharti anand dhingra hamare pas aise kai chote aur bare vyavsayi aur udyogpti ate hain jo prayah shikayat karte hain ki kuch samay pahle tak hamara vyapar ya karobar sucharu rup se chal raha tha
kintu ekaek vyapar bilkul manda par gaya, dhire-dhire thapp hone ke kagar par pahunch raha hai. iska karan unhen samajh mane nahin ata. aisi sthiti men vyakti apne star par khud upay karta hai, karya ke taur-tarike badalakar dekhta hai, mal ki gunavatta ki or bhi dhyan deta hai tathapi apekshit parinam nahin mil pata, akhir kyon? kya karan hai ki bina kisi thos vajah ke vyapar manda hone laga? avashya hi iska karan hota hai hastarekhaon men dosh aur vyapar par kisi ki kudrishti.
aj ke daur men sarkari naukriyan simit ho gayi hain, niji kshetron men jabaradast pratispardha chal rahi hai aur jansankhya ki vriddhi teji se ho rahi hai. aise men log vyavsay karna chahte hain. vyavsay men paryapt avasar aur vikalp maujud hain, sath hi arthik unnati ki sima bhi nahin hai jabki naukri men kamane ki sima hai.
yun to vyavsay men utar-charhav, nafa-nuksan samanya bat hai kintu achanak koi bara nuksan ho jana ya achanak mandi cha jana koi samanya bat nahin ho sakti. iska karan ho sakta hai ki apke vyavsay par kisi ki kudrishti ho, sath hi apke hathon men dosh vidyaman ho sakte hain. aie isi sandarbh m hastarekhaon men iske karan janen: yadi hath men shani grah kamjor ho, shani ki anguli bhi thik n ho, shukra utha hua aur guru ki anguli bhi choti ho to vyavsay par kisi ki kudrishti parne se vyavsay men ghata hota hai.
jivnrekha sidhi ho, bhagyarekha dushit ho aur mastishk rekha par hi ruk gai ho aur guru ki anguli bhi choti evan terhi-merhi ho to dhokha hota hai, kudrishti se vyavsay chaipat hone ke kagar par a jata hai. bhagyarekha der se shuru ho aur chairi ho, hridyrekha ki ek shakha mastishk rekha par a rahi ho, shukra unnat ho tatha moti bhagyarekha mastishk rekha par samapt ho rahi ho to vyavsay ruk-ruk kar chalne ke karan arthik samasya khari ho jati hai.
bhari hath men shani grah daba hua ho aur bhagyarekha v jivan rekha dushit ya khandit hon to vyavsay men nit navin badhaen khari hoti hain, dushmanon ki buri nazar vyapar par viprit asar dalti hai. chamsakar hath ki ungliyan chidrayukt hon, rekhaen doshyukt hon aur hath men kam rekhaen hon to tone-totke ki vajah se vyapar thapp ho sakta hai.
hath patla ho, sakht ho, ungliyon men chidra hon aur guru ki sthiti kharab hone ke sath-sath guru ki anguli choti, dushit aur terhi ho to vyapar-vyavsay par sankat ata hai, samjhen kisi ki kudrishti pari hai. mastishkarekha par ruki bhagyarekha ho, dohri jivnrekha ho kintu vah moti ho, bhagyarekha lahrdar ho aur hath bhari ho to vyavsayik asflta ka mukhya karan kisi ki kudrishti hoti hai.
upay: vyapar-vyavsay men vriddhi v kisi ki kudrishti se bachne hetu nimn upayon ko karen to avashya kuch labh milega: varshabhar safed suti vastra dharan karen. uni asan par uttarabhimukh hokar, vidhivat pujan karke nimn mantra ka jap karen-
‘¬ hrin shrin klin kraun ¬ kuru svaha’.
is mantra ki 80 mala dhanteras ko avashya karen. 42 mala rup chaidas ko, 83 mala dipavli ki ratri ko japen. kali billi ki jer tijori men rakhen aur nitya dhup den. pratyek shanivar ko
‘¬ pran prin praun sah shanaishcharay namah’
mantra ki 7 mala avashya japen. kali vastuen v sarson ka tel dan karen. ninbu, 7 hari mirch dhage men pirokar dukan, faiktari ya vyavsay-sthal ke mukhya dvar par latka den. baglamukhi yantra ki sthapna karke vidhivat uski puja karen.
jivan men jarurat hai jyotishiya margadarshan ki? abhi bat karen fyuchar point jyotishiyon se!