shraddha-tarpan vishayak shanka-samadhan
prashn - mere man men sada ye sanshay rahta hai ki manushyon dvara pitron ka jo tarpan kiya jata hai, usmen jal to jal men hi chala jata hai, fir hamare purvaj usse tript kaise hote hain? isi prakar pind adi ka sab dan bhi yahin rah jata hai. atah ham yah kaise kah sakte hain ki yah pitar adi ke upbhog men ata hai ?
uttara- pitron aur devtaon ki yoni hi aisi hoti hai ki ve dur ki kahi hui baten sun lete hain, dur ki puja bhi grahan kar lete hain aur dur ki stuti se bhi santusht hote hain. iske siva ye bhut, bhavishya aur vartaman sab kuch jante aur sarvatra pahunchte hain. panch tanmatraen, man, buddhi, ahankar aur prakriti- in nau tatvon ka bana hua unka sharir hota hai. iske bhitar dasven tatva ke rup men sakshat bhagvan purushottam nivas karte hain. islie devta aur pitar gandh tatha ras tatva se tript hote hain. shabd tatva se rahte hain tatha sparsh tatva ko grahan karte hain aur kisi ko pavitra dekh kar unke man men bara santosh hota hai. jaise pashuon ka bhojan trin aur manushyon ka bhojan ann kahlata hai, vaise hi devyoniyon ka bhojan ann ka sar tatva hai. sampurn devtaon ki shaktiyan achintya evan gyanagamya hain. atah ve ann aur jal ka sar tatva hi grahan karte hain, shesh jo sthul vastu hai, vah yahin sthit dekhi jati hai.
prashn - shraddh ka ann to pitron ko diya jata hai, parantu ve apne karm ke adhin hote hain. yadi ve svarg athva nark men hon, to shraddh ka upbhog kaise kar sakte hain ? aur vaisi dasha men vardan dene men bhi kaise samarth ho sakte hain ?
uttara- yah satya hai ki pitar apne-apne karmon ke adhin hote hain, parantu devta, asur aur yaksh adi ke tin amurt tatha char varnon ke char murt -ye sat prakar ke pitar mane gae hain. ye nitya pitar hain, ye karmon ke adhin nahin, ye sabko sab kuch dene men samarth hain. ve saton pitar bhi sab vardan adi dete hain. unke adhin atyant prabal iktis gan hote hain. is lok men kiya hua shraddh unhin manav pitron ko tript karta hai. ve tript hokar shraddhakarta ke purvajon ko jahan kahin bhi unki sthiti ho, jakar tript karte hain. is prakar apne pitron ke pas shraddh men di hui vastu pahunchti hai aur ve shraddh grahan karne vale nitya pitar hi shraddh kartaon ko shreshth vardan dete hain.
prashn - jaise bhut adi ko unhin ke nam se ‘idan bhutadibhyah’ kah kar koi vastu di jati hai, usi prakar devta adi ko sankshep men kyon nahin diya jata hai? mantra adi ke prayog dvara vistar kyon kiya jata hai ?
uttara- sada sabke lie uchit pratishtha karni chahie. uchit pratishtha ke bina di hui koi vastu devta adi grahan nahin karte. ghar ke darvaje par baitha hua kutta, jis prakar gras (fenka hua tukra) grahan karta hai, kya koi shreshth purush bhi usi prakar grahan karta hai? isi prakar bhut adi ki bhanti devta kabhi apna bhag grahan nahin karte. ve pavitra bhogon ka sevan karne vale tatha nirmal hain. atah ashraddhalu purush ke dvara bina mantra ke diya hua jo koi bhi havya bhag hota hai, use ve svikar nahin karte. yahan mantron ke vishay men shruti bhi is prakar kahti hai
-”sab mantra hi devta hain, vidvan purush jo-jo karya mantra ke sath karta hai, use vah devtaon ke dvara hi sanpann karta hai. mantrochcharnpurvak jo kuch deta hai, vah devtaon dvara hi deta hai. mantrapurvak jo kuch grahan karta hai, vah devtaon dvara hi grahan karta hai. islie mantrochcharan kiye bina mila hua pratigrah n svikar kie bina mantra ke jo kuch kiya jata hai, vah pratishthit nahin hota. “is karan pauranik aur vaidik mantron dvara hi sada dan karna chahie.
prashn - kush, til, akshat aur jal - in sab ko hath men lekar kyon dan diya jata hai? main is karan ko janna chahta hun.
uttara- prachin kal men manushyon ne bahut se dan kiye aur un sabko asuron ne balpurvak bhitar pravesh karke grahan kar liya. tab devtaon aur pitron ne brahma ji se kaha - svamin! hamare dekhte-dekhte daityalog sab dan grahan kar lete hain. atah ap unse hamari raksha karen, nahin to ham nasht ho jayenge.” tab brahma ji ne soch vichar kar dan ki raksha ke lie ek upay nikala. pitron ko til ke rup men dan diya jae, devtaon ko akshat ke sath diya jae tatha jal aur kush ka sambandh sarvatra rahe. aisa karne par daitya us dan ko grahan nahin kar sakte. in sabke bina jo dan kiya jata hai, us par daitya log balpurvak adhikar kar lete hain aur devta tatha pitar dukhpurvak uchchavas lete hue laut jate hain. vaise dan se data ko koi fal nahin milta.
islie sabhi yugon men isi prakar (til, akshat, kush aur jal ke sath) dan diya jata hai. tushar joshi mo. 9723172333 jivan men sarvatra saflta, yash, kirti hetu kuch khas upay
û ghar se bahar kisi mahatvapurn karya par jate samay mukhya dvar par kali mirch dalakar usapar pair rakhakar ghar se bahar niklen, fir vapas n aen, karyon men saflta milegi .
û sindur lagaye hue bhairvnath ji ki murti se sindur lekar apne lalat par tilak karen aur apne man ki sari bat bhairvnath ji ko kah den. aisa pratyek ravivar ke din karane kuch hi saptah men apke sabhi kam nirvighn rup se bante hi jayenge.
û kisi shanivar ko, yadi us din sarvarth siddhi yog’ ho to ati uttam. sayankal apni lambai ke barabar lal reshmi sut nap len. fir ek patta baragad ka toren. use svachch jal se dhokar ponch len. tab patte par apni kamna rupi napa hua lal reshmi sut lapet den aur patte ko bahte hue jal men pravahit kar den. is prayog se sabhi prakar ki badhaen dur hoti hain aur kamnaon ki purti hoti hai.
û pratyek prakar ke sankat nivaran ke liye bhagvan ganesh ki murti par kam se kam 21 din tak thori-thori javitri charhayane aur rat ko sote samay thori javitri khakar soyane. yah prayog 21, 42, 64 ya 84 dinon tak karen.
û budhvar ke din subah snan adi karne ke bad samip sthit kisi ganesh mandir jaen aur bhagvan shrignesh ko 21 gur ki dheli ke sath durva rakhakar charhaen. is upay ko karne se bhagvan shrignesh bhakt ki sabhi manokamnaen puri kar dete hain. ye bahut hi chamatkari upay hai.
ye kuch aise upay hain jinko sachche man se apnakar koi bhi vyakti apne jivan men tamam badhaon ko dur karte hue apne karyon men saflta prapt kar sakta hai . nitya pratidin ghar se bahar kam par jate samay apni man athva patni ke hath se thora mitha dahi ya kuch bhi mitha jaise ek chutki chini hi khakar fir us din ke hisab se upay karke bahar jayen apko sarvatra saflta milegi.
kisi bhi shubh karya men jane se pahle yadi saptah ke sabhi din yathasanbhav nimn baton ka dhyan rakhen to har prakar se unnati evan labh ki prapti hoti hai -
- ravivar ko pan khakar ya pan ka patta sath rakhakar jayen.
- somvar ko darpan men apna chehra dekhakar bahar kam par jaen.
- manglvar ko gur ya mishtann khakar ghar se bahar jayen.
- budhvar ko hara/sukha dhaniya khakar ghar se jayen .
- guruvar ko jira ya sarson ke kuch dane mukh men dalakar jayen.
- shukravar ko dahi khakar kam par jayen.
- shanivar ko adarak aur ghi khakar jana chahiye.
devendra dayare mo. 9823260614 bhakti ka pratham marg sarlta hai ek alsi lekin bhola-bhala yuvak tha anand. din bhar koi kam nahin karta bas khata hi rahta aur sota rahta. ghar valon ne kaha chalo jao niklo ghar se, koi kam-dham karte nahin ho bas pare rahte ho. vah ghar se nikal kar yun hi bhatkte hue ek ashram pahuncha. vahan usne dekha ki ek guruji hain unke shishya koi kam nahin karte bas mandir ki puja karte hain.
usne man men socha yah barhiya hai koi kam-dham nahin bas puja hi to karna hai. guruji ke pas jakar pucha, kya main yahan rah sakta hun. guruji bole han, han kyon nahin? lekin main koi kam nahin kar sakta hun guruji. koi kam nahin karna hai bas puja karni hogi. anand: thik hai vah to main kar lunga ... ab anand maharaj ashram men rahne lage. n koi kam n koi dham bas sara din khate raho aur prabhu bhakti men bhajan gate raho.
mahina bhar ho gaya fir ek din ai ekadshi. usne rasoi men jakar dekha khane ki koi taiyari nahin thi. usne guruji se pucha aj khana nahin banega kya. guruji ne kaha nahin aj to ekadshi hai. tumhara bhi upvas hai . usne kaha nahin agar hamne upvas kar liya to kal ka din hi nahin dekh paenge ham to .... ham nahin kar sakte upvas... hamen to bhukh lagti hai. apne pahle kyon nahin bataya? guruji ne kaha thik hai tum n karo upvas, par khana bhi tumhare lie koi aur nahin banaega tum khud bana lo.
marta kya n karta. gaya rasoi men, guruji fir ae ‘‘dekho agar tum khana bana lo to ram ji ko bhog jarur laga lena aur nadi ke us par jakar bana lo rasoi.’’ thik hai, lakri, ata, tel, ghi, sabji lekar annad maharaj chale gae, jaisa-taisa khana bhi banaya, khane laga to yad aya, guruji ne kaha tha ki ram ji ko bhog lagana hai.
vah bhajan gane laga...ao mere ram ji, bhog lagao ji prabhu ram aie, shriram aie mere bhojan ka bhog lagaie... koi n aya, to bechain ho gaya ki yahan to bhukh lag rahi hai aur ram ji a hi nahin rahe. bhola manas janta nahin tha ki prabhu sakshat to aenge nahin. par guruji ki bat manna jaruri hai. fir usne kaha, dekho prabhu ram ji, main samajh gaya ki ap kyon nahin a rahe hain.
mainne rukha sukha banaya hai aur apko tar mal khane ki adat hai islie nahin a rahe hain. to suno prabhu ... aj vahan bhi kuch nahin bana hai, sabki ekadshi hai, khana ho to yah bhog hi kha lo. shriram apne bhakt ki sarlta par bare muskurae aur mata sita ke sath prakat ho gae. bhakt asmanjas men. guruji ne to kaha tha ki ram ji aenge par yahan to mata sita bhi ai hain aur mainne to bhojan bas do logon ka banaya hai.
chalo koi bat nahin aj inhen hi khila dete hain. bola prabhu main bhukha rah gaya lekin mujhe ap donon ko dekhakar bara achcha lag raha hai. lekin agli ekadshi par aisa n karna pahle bata dena ki kitne jan a rahe ho. aur han thora jaldi a jana. ram ji uski bat par bare mudit hue. prasad grahan kar ke chale gae. agli ekadshi tak yah bhola manas sab bhul gaya.
use laga prabhu aise hi ate honge aur prasad grahan karte honge. fir ekadshi ai. guruji se kaha, main chala apna khana banane par guruji thora jyada anaj lagega, vahan do log ate hain. guruji muskurae, bhukh ke mare bavla hai. thik hai le ja aur anaj le ja. abki bar usne tin logon ka khana banaya. fir guhar lagai prabhu ram aie, sitaram aie, mere bhojan ka bhog lagaie. .. prabhu ki mahima bhi nirali hai.
bhakt ke sath kautuk karne men unhen bhi bara maja ata hai. is bar ve apne bhai lakshman, bharat shatrudhn aur hanuman ji ko lekar a gae. bhakt ko chakkar a gae. yah kya hua. ek ka bhojan banaya to do ae aj do ka khana jyada banaya to pura khandan a gaya. lagta hai aj bhi bhukha hi rahna parega. sabko bhojan lagaya aur baithe-baithe dekhta raha.
anjane hi uski bhi ekadshi ho gai. fir agli ekadshi ane se pahle guruji se kaha, guruji, ye apke prabhu ram ji, akele kyon nahin ate har bar kitne sare log le ate hain? is bar anaj jyada dena. guruji ko laga, kahin yah anaj bechta to nahin hai dekhna parega jakar. bhandar men kaha ise jitna anaj chahie de do aur chupakar use dekhne chal pare. is bar anand ne socha, khana pahle nahin banaunga, pata nahin kitne log a jaen.
pahle bula leta hun fir banata hun. fir ter lagai prabhu ram aie, shri ram aie, mere bhojan ka bhog lagaie. sara ram darbar maujud. is bar to hanuman ji bhi sath ae lekin yah kya prasad to taiyar hi nahin hai. bhakt thahra bhola bhala, bola prabhu is bar mainne khana nahin banaya, prabhu ne pucha kyon? bola, mujhe milega to hai nahin fir kya fayda banane ka, ap hi bana lo aur khud hi kha lo. ram ji muskurae, sita mata bhi gadagad ho gai uske masum javab se. lakshman ji bole kya karen prabhu. prabhu bole bhakt ki ichcha hai puri to karni paregi.
chalo lag jao kam se. lakshman ji ne lakri uthai, mata sita ata sanne lagin. bhakt ek taraf baithakar dekhta raha. mata sita rasoi bana rahi thi to kai rishi-muni, yaksh, gandharva prasad lene ane lage. idhar guruji ne dekha khana to bana nahin bhakt ek kone men baitha hai. pucha beta kya bat hai khana kyon nahin banaya? bola, achcha kiya guruji ap a gae dekhie kitne log ate hain prabhu ke sath. guruji bole, mujhe to kuch nahin dikh raha tumhare aur anaj ke siva. bhakt ne matha pakar liya, ek to itni mehanat karvate hain
prabhu, bhukha bhi rakhte hain aur upar se guruji ko dikh bhi nahin rahe yah aur bari musibat hai. prabhu se kaha, ap guruji ko kyon nahin dikh rahe hain? prabhu bole: main unhen nahin dikh sakta. bola: kyon ve to bare pandit hain, gyani hain, vidvan hain unhen to bahut kuch ata hai unko kyon nahin dikhte ap? prabhu bole, mana ki unko sab ata hai par ve saral nahin hain tumhari tarah. islie unko nahin dikh sakta. anand ne guruji se kaha, guruji prabhu kah rahe hain ap saral nahin hain islie apko nahin dikhenge.
guruji rone lage. vakai mainne sabkuch paya par sarlta nahin pa saka tumhari tarah, aur prabhu to man ki sarlta se hi milte hain. prabhu prakat ho gae aur guruji ko bhi darshan die. is tarah ek bhakt ke kahne par prabhu ne rasoi bhi banai. bhakti ka pratham marg sarlta hai ! hariom parashar 9873630299 ’vhatsaaip jyotish’
û jiski disple profail (foto) sthir rahti hai uska svabhav shant rahta hai.
û bar-bar disple profail badlne vale chanchal svabhav ke hote hain.
û chote stetas rakhne vale santoshi pravritti ke hote hain.
û hamesha stetas badlne vale shaukin hote hain.
û satat kuch n kuch sheyar karne vale dildar man ke hote hain.
û kabhi bhi kisi ko laik n karne vale ghamandi hote hain.
û pratyek post par dil se pratikriya dene vale rasik aur dusrane ki bhavnaon ka adar karne vale hote hain.
û idhar ke maisej udhar fenkne vale rajnitik pravritti ke hote hain.
û foto ya post dekhte hi opan karne vale adhir svabhav ke hote hain.
û purani post bar-bar chipkane vale uddand hote hain.
û dusre ki post ko piche kar svatah ki post age dhaklne men mahir vyakti khud ke bolbale karne vale hote hain.
û mesej parhakar bhi pratikriya n dene vale sankuchit pravritti ke hote hain.
û kabhi bhi kuch bhi sheyar n karne vale kanjus hote hain.
û bare maisej n parhne vale alsi ya ati vyast hote hain.
û alg-alag vhatsaaip grup banane vale ati mahatvakankshi hote hain.
û kam tak simit vhatsaaip chalu rakhne vale jivan men yashasvi hote hain. not - dekhiye ....ap kahan fit hote hain.
- kamal dev mo. 9810771206 roj ek mutthi kam hota hai govardhan parvat mathura nagar (uttar pradesh) ke pashchim men lagabhag 21 kimi. ki duri par yah pahari sthit hai. yahin par giriraj parvat hai jo 4 ya 5 mil tak faila hua hain. is parvat par anek pavitra sthal hai. pulastya rishi ke shrap ke karan yah parvat ek mutthi roj kam hota ja raha hai.
kahte hain isi parvat ko bhagvan krishn ne apni choti anguli par utha liya tha. govardhan parvat ko giriraj parvat bhi kaha jata hai. garg sanhita men govardhan parvat ki vandna karte hue ise vrindavan men virajman aur vrindavan ki god men nivas karne vala golok ka mukutmni kaha gaya hai. pauranik manyata anusar shri girirajji ko pulastya rishi draunachal parvat se braj men lae the. dusri manyata yah bhi hai ki jab ram setubandh ka karya chal raha tha to hanuman ji is parvat ko uttarakhand se la rahe the
lekin tabhi devvani hui ki setu bandh ka karya purn ho gaya hai to yah sunakar hanumanji is parvat ko braj men sthapit kar dakshin ki or punah laut gae. pauranik ullekhon ke anusar bhagvan krishn ke kal men yah atyant hara-bhara ramnik parvat tha. ismen anek gufa athva kandraen thin aur unse shital jal ke anek jharne jhara karte the. us kal ke braj-vasi uske nikat apni gayen charaya karte the, atah ve ukt parvat ko bari shraddha ki drishti se dekhte the. bhagvan shri krishn ne indra ki paramparagat puja band kar govardhan ki puja braj men prachlit ki thi, jo uski upyogita ke liye unki shraddhanjli thi.
bhagvan shri krishn ke kal men indra ke prakop se ek bar braj men bhayankar varsha hui. us samay sampurn braj jalamagn ho jane ki ashanka utpann ho gai thi. bhagvan shri krishn ne us samay govardhan ke dvara samast brajvasiyon ki raksha ki thi. bhakton ka vishvas hai, shri krishn ne us samay govardhan ko chatri ke saman dharan kar uske niche samast braj-vasiyon ko ekatra kar liya tha, us alaukik ghatna ka ullekh atyant prachin kal se hi puranadi dharmik granthon men aur kalakritiyon men hota raha hai.
braj ke bhakt kaviyon ne uska bara ullaspurn kathan kiya hai. ajakal ke vaigyanik yug men us alaukik ghatna ko usi rup men manna sanbhav nahin hai. uska buddhigamya abhipray yah gyat hota hai ki shri krishn ke adesh anusar us samay brajvasiyon ne govardhan ki kandraon men ashray lekar varsha se apni jivan raksha ki thi. devendra dayare 9823260614