ujjayini ki kuch visheshtaen 1) yahan par bhagvan surya, bhagvan shiv aur bhagvti shakti svarupa ek sath virajman hain 2) bhagvan shri krishn ka adhyayan sthali ujjayini 3) bhartiya jyotish men kal ki ganna ka sthan ujjayini 4) vishva men ekmatra dakshin mukhi jyotirling ujjayini 5) bhagvan surya narayan ke vilakshan putra angraj karn ke antim sanskar ka sthan ujjayini 6) devi rati ko kamdev ki prapti ka sthan ujjayini 7) yahan 7 sagar, 9 narayan, 108 hanuman aur 84 vishesh shiv ling (jinki sthapna bhi bhagvan shiv shankar ne hi ki). 8) svarg ki yatra karne vali vishvabhumi ka ek matra tukra. 9) kshipra men svayan ganga varsh men ek bar apne pap dhone ati hain. 10) eshiya ka sabse bara aur siddh shmashan 11) bhagvan narsinh ke krodh ki shanti ka sthan 12) bhagvan ram ne apne pita ka shraddh yahin kiya. 13) mangal grah ki utpatti ka sthan 14) bhagvan krishn ke dvara nau grahon ki sthapna ka sthan 15) yamraj ka kadachit ekmatra ati prachin mandir. shravahap tnr - 9871292741 dharmik jankari janie shivji kyon karte hain itne vichitra shringar, kya hain iske karan shiv ke svarup ka vishisht prabhav apni alg-alag prakriti ko darshata hai,
jiske antargat yadi ham pauranik manyata se dekhen to har abhushan ka vishesh prabhav tatha mahatva bataya gaya hai. janie shivji ke har shringar ka arth - pairon men kara: yah apne sthir tatha ekagrata sahit suniyojit charanabaddh sthiti ko darshata hai. yogijan bhi shiv ke saman hi ek pair men kara dharan karte hain. aghori svarup men bhi yah dekhne ko milta hai.
mrigchala: is par baithakar sadh ana ka prabhav barhta hai. man ki asthirta dur hoti hai. tapasvi aur sadhna karne vale sadhak aj bhi mrigasan ya mrigchala ke asan ko hi apni sadhna ke lie shreshth mante hain.
rudraksha: yah ek fal ki guthli hai. iska upyog adhyatmik kshetra men kiya jata hai. mana jata hai ki rudraksh ki utpatti bhagvan shankar ki ankhon ke jalbindu (ansu) se hui hai. ise dharan karne se sakaratmak urja milti hai.
nag: bhagvan shiv param yogi, param dhyani, param tapasvi hain. jab amrit manthan hua tha, tab amrit kalash ke purva garal (vish) ko unhonne kanth men rakha tha. jo bhi vikar ki agni hoti hai, unhen dur karne ke lie shiv ne vishaile nagon ki mala pahni.
khappara: mata annapurna se shiv ne praniyon ki kshudha shanti ke nimitt bhiksha mangi thi, iska yah ashay hai ki yadi hamare dvara kisi anya prani ka kalyan hota hai, to usko pradan karna chahie.
damru: sansar ka pahla vadya. iske svar se vedon ke shabdon ki utpatti hui. islie ise nad brahm ya svar brahm kaha gaya hai.
trishul: devi jagdanba ki param shakti trishul men samahit hai, yah sansar ka samast param tejasvi astra hai, jiske madhyam se yug yugantar men srishti ke viruddh sochne vale rakshason ka sanhar kiya hai. rajsi, satvik aur tamsi tinon hi gun samahit hain, jo samy-samay par sadhak ko upasna ke madhyam se prapt hota rahta hai.
shish par ganga: sansar ki pavitra nadiyon men se ek ganga ko jab prithvi ki vikas yatra ke lie ahvan kiya gaya, to prithvi ki kshamata ganga ke aveg ko sahne men asamarth thi, aise men shiv ne apni jataon men ganga ko sthan dekar siddh kiya ki aveg ki avastha ko drirh sankalp ke madhyam se santulit kiya ja sakta hai.
chandrama: chunki chandrama man ka karak grah mana gaya hai, chandra abha, prajjval, dhaval sthitiyon ko prakashit karta hai jo man ke shubh vicharon ke madhyam se utpann hote hain. aisi avastha ko prani apne yathayogya shreshth vicharon ko pallavit karte hue srishti ke kalyan men age barhen. gola, bhola jyotish manch (raji.) mo. 9971873978 dhan labh pane ke 12 achuk upay
1. dhan ke len-den sanbandhi koi bhi kam karne ke lie somvar aur budhvar ko chunen. is din kiya gaya dhan ka len-den faydemand mana jata hai.
2. ghar ki divaron ya farsh par pensil ya chaek adi ke nishan n banane den, isse karj barhne ki sanbhavna rahti hai.
3. safed rang ke saman jaise dudh, khir, safed ful, chaval adi ka dan karne se dhan prapti ke yog bante hain.
4. ghar ki dhan sanbandhi pareshaniyan dur karne ke lie ate men shakkar mila kar kali chintiyon ko khilaen.
5. khane ke lie banai ja rahi pahli roti ya chaval ka kuch bhag gay ko khilaen, aisa karne se ghar men daridrata nahin rahti.
6. ate ke lie gehun shanivar ko pisvane ka niyam banaen, ho sake to gehun men thore se kale chane bhi mila den. iske alava shanivar ke din khane men kisi n kisi tarike se kale chane ka prayog karen.
7. subah ghar ke kisi bhi sadasya ke nashta karne se pahle ghar ki jharu jarur laga len.
8. ghar men sham ke samay jharu-poncha nahin karna chahie. aisa karne se lakshmi ruth jati hai.
9. ghar men sthapit bhagvan ki murtiyon ya tasviron par roj subah snan karke kunkum, chandan aur ful charhaen.
10. lakshmi ko prasann karne ke lie har guruvar ko kisi ek suhagan stri ko suhag ki samagri dan dene ka niyam banaen.
11. chekbuk, pasbuk ya paise ke len-den se jure kagjon ko shriyantra, kuber yantra adi ke pas rakhen.
12. ghar ki tijori men lakshmi yantra ya kuber yantra jarur rakhen. aisa karne se tijori men dhan hamesha bana rahta hai. pan kanval kant bharadvaj 886011799 kis vriksh ke upyog se manushya ko kis prakar ka fal milta hai.
- jo manushya apne ghar men faldar per, paudhe adi lagata hai aur uski bhali bhanti dekhbhal karta hai, use arogya ki prapti hoti hai.
- jo manushya 5 vat vrikshon ka ropan aur uska palan kisi chairahe ya marg men karta hai to, uski sat pirhiyan tar jati hain.
- jo bhi vyakti bilva vriksh ka ropan shiv mandir men karta hai vah akal mrityu se mukt ho jata hai.
- jo manushya nim ke vriksh jitne adhik lagata hai utni adhik uski pirhiyan tar jati hain.
- ghar men tulsi, anvla, nirgundi, ashok adi ke vriksh shubh faldayi hote hain.
- shisham ke 11 vriksh sarak par lagane se lok aur parlok donon hi sanvar jate hai.
- kanak champa ke 2 vriksh lagane vale ka sarvarth kalyan ho jata hai.
- 5 ya adhik mahua ke vrikshon ka ropan aur palan karne vala dhan prapt karta hai tatha use anurup yagyaon ka fal bhi prapt hone lagta hai.
- 10 pipal ke vrikshon ka ropan karne vala is lok men to kirti prapt karta hai, mrityoprant bhi moksh ko prapt hota hai.
- jo bhi manushya 2 ya 2 se adhik maulashri ke vrikshon ka ropan evan palan karta hai. vah ek sau yagyaon ko karne ka punya prapt karta hai.
- jo bhi manushya 5 ya adhik ashok vriksh ka ropan aur palan karta hai, uske ghar parivar men kabhi bhi akal mrityu nahin hoti hai. uske yahan achanak koi bari musibat khari nahin hoti tatha use agami janm men punyatma hone ka saubhagya prapt hota hai.