samay ke badlav ke sath manushya ki prathmikta bhi badlti jati hai. manushya javani ki dahlij par pahunchte hi apne kariyar ki or dhyan kendrit karta hai. kariyar v samay chakra ke badlav ke sath uski prathmikta shadi ke prati barh jati hai. shadi ke bad agle parav ki or barhta hai jahan pahle vah khud apne man-bap ka beta-beti kahlata hai ab vah khud man bap ki sangya men parivartit ho jata hai. uski prathmikta bhi ab bachchon ke palan poshan ki or jyada kendrit ho jati hai.
kintu is kal avdhi men usko alg-alag pareshaniyane ka samna karna parta hai. ham in pareshaniyon ka hal jyotish shastra se karne ki koshish karenge. bachchon par grahon ka prabhav shubh grahon ka prabhav agar bachche ki janmakundli men lagn, lagnesh, chandra lagn, chandra lagnesh, surya lagn v surya lagnesh par ho to bachcha sanskari hota hai. pap grahon jaise rahu, mangal, shani v ketu ka prabhav lagn, lagnesh, chandra lagn, chandra lagnesh, surya lagn v surya lagnesh par ho to bachcha upadrav failata hai.
- shani grah ka jyada prabhav ho to bachcha jhuth bolta hai.
- rahu grah ka jyada prabhav ho to bachcha chori karta hai aur janbujh kar dusron ko hani pahunchata hai.
- mangal ka jyada prabhav hone par bachcha upadrav failata hai.
- shukra ka jyada prabhav hone par bachcha kalpanaon men khoya rahta hai.
agar apka bachcha bar-bar bimar hota rahta hai aur upchar ke uprant bhi vishesh labh nahin mil pata hai to kya karen? aisi sthiti men manglvar ke din kisi sunar ko ashtadhatu ka kara balak ke nap ke anusar banvane ke lie den tatha us kare ko shanivar ke din sunar se ghar le ayen. kare ko gangajal se dhokar shuddh karen tatha us kare par thora sa sindur laga den. kare ko hanuman ji ki pratima ke samaksh rakhakar hanuman chalisa ya bajrang ban ka path karen.
iske bad us kare ko bachche ke dahine hath men pahna den. hanuman ji ki kripa se bachcha shighra hi svasth ho jaega.
agar ap apne bachche ki shiksha ke prati jyada chintit rahte hain to kya karen?
bachche ki achchi parhai ke lie bhi ganpti ji ke mandir men safed kanbal den.
bachche ke gale men chandi men moti jarit laeket dharan karvayen. iske alava bachche ke pita ko ganesh-sarasvati ke age 7 brihaspativar shuddh ghi ka dipak jalakar bachche ki achchi shiksha ke lie prarthana karni chahie.
agar apka bachcha pariksha ke samay narvas ho jata hai aur pariksha men pepar galat kar ata hai to kya karen?
jis din bhi pariksha ho, bachche ko pariksha dene jane se pahle ghar se dahi ka sevan karvayen. har pariksha vale din yah prakriya avashya karen kintu samay har bar alg-alag hona chahie. agar apka bachcha jhuth bolta hai to ap kya karen? do tulsi ke patte roj subah suchche (bina khae-pie) munh apne bachche ko khilayen aur chandi ke tukre par ‘ain’ likhva kar lal dhage men dalakar somvar ko bachche ke gale men dharan karvayen.
apka bachcha chori v fareb karta hai to kya karen?
ap hanuman chalisa ka path bachche ko pas men baitha kar karen, agar ap hanuman chalisa ka path bachche se karvayenge to aur bhi achcha rahega. bachche ko hanuman mandir lekar jayen aur vahan par hanuman ji ke charnane ka tilak bachche ke mathe par lagayen.
agar apka bachcha buri adton v nashe ki lat men fans gaya ho to kya karen?
do tulsi ke patte hanumanji ko charhayen v bajrangban ka path karen aur bhagvan se prarthana karen ki mera bachcha in buri adton se bahar nikle, ab in do patton ko apni santan ko khila den. dhire-dhire avashya hi apka bachcha buri adton se bahar niklega.
agar apka bachcha kam ayu men hi kisi ke prem men fans gaya hai to kya karen?
ek lohe ke tukre ya char ko ag par achchi tarah garm karen fir pani men dubo kar use thanda karen. is prakriya ko tin bar karen aur pratyek bar lohe ko thanda karte samay kahen, jis prakar yah garm loha pani men shital hua hai usi prakar mere bachche ka prem amuk (jis larke ya larki ke prem men hai uska nam) se shital ho jaye. fir us pani se bachche ka munh dhulvayen aur us par chiten maren. yah prakriya dohrate rahen. dhire-dhire avashya hi apka bachcha kachche prem se bahar nikal ayega.