”pard“ shabd men ‘pa’ = vishnu, ‘a’ = akar (kalika), ‘ar = shiv aur ‘da’ = brahma ke pratik hai. aj ham is lekh ke dvara yah janenge ki, parad dhatu kya hai ? parad evan parad se bani vastuon ki shakti, labh, rahasya tatha shiv mahapuran men parad dhatu ki utpatti ko lekar ullekh ek satyaktha ke bare men, katha kuch is prakar hain- jab samast devta nirantar asuri shakti se parajit hone lage the, tab nistej v nirvirya indradi devtagnon ne brahma se stuti kar danvon par sthai rup se vijay prapt karne ka upay pucha. srishtikarta praja pita brahma ne javab diya ki shaktipunj shiv ke virya se utpann unka putra yadi devtaon ka senaptitva svikar kare to nishchit hi devtaon ki vijay hogi. devtaon ke atishay vinypurvak agrah ke karan sadamb shiv, parvati ki or putra kamna hetu pravritt hue. apne sasural men hi nagadhiraj himalay ki himachchadit nirjiv ekant giri kandra men svayanbhu shiv sanbhog ki kamna se parvatraj ki putri ki or unmukh hue. devtaon ne utsuktavash yah janne ke lie ki yogiraj rudrarup shiv kam ki or pravritt hote hain ya nahin. agnidev ko kapot pakshi (kabutr) ke rup men himalay ki kandra men bheja.
prakriti v purush ke vilakshan sanyog ko dekhakar agnidev (kabutr) ke munh se gutrgun ... gutrgun ... ka shabd anayas hi nikal gaya. apakshi sthan men, kamakrira se skhalit hote hue shiv ne kapot ko dekhakar lajja ka anubhav kiya evan kuch krodh aur kautuhal se nisritt hote hue virya ko kapodrupi agni ke mukh men dal diya. agnidev is tej ko sahan n kar sake tatha teji se vahan urakar us virya ka ganga men tyag kar shanti ka anubhav kiya. bhagirthi ganga ne asahya us tej ko punah prithvi par fenk diya. brihad rasraj sundar ke anusar ganga se nisritt shiv virya ke mal ki siddhi ke karan suvarnadi dhatuen utpann hui. atyant bojh evan vaman ke karan jitna virya agni rupi kapot ke mukh se ganga tak pahunchte-pahunchte prithvi par gir gaya vahi virya ”pare“ arthat ”pard“ ke rup men prithvi par vikhyat hua. prachinkal se chali a rahi ajashrutiyon ke adhar par agni dev ke munh se gire hue us tejasvi virya ke prabhav se prithvi par panch sthanon par gahre-gahre khadde (kuen ki akriti men) ban gae. usi kal se yah kupasth shivvirya panch alg-alag khaddon ke karan panch alg-alag namon se vikhyat hua.
pahle kup men gira para kuch lal rang ka hone se svayan shuddh evan sarvadosh rahit hone ke karan ise ”ras“ nam se abhihit kiya gaya. isi ke sevan se devta rog rahit ajar v amar ho gaye. dusre khadde men girne vala para kuch krishn varn (kale rang) ka ruksh, ati chanchal v dosh rahit hone ke karan ”rasendra“ nam se abhihit kiya gaya. iske sevan se vasuki v takshakadi nag mrityu tatha vriddhavastha rahit ho gae. kalantar men samast devtaon ne milakar mitti, patthar v chattanon se in donon kuon ko pat (dhak) diya. tabhi se ukt donon jati ke ”pare“ manushya lok men manav jati ko ati durlabh ho gae. tisre khadde men gira para kuch pitavarniya pilapan lie hue evan kuch doshyukt hone ke karan ise ”sut“ nam se abhihit kiya gaya. yah para ashtadash (18) sanskar karne se siddh hota hai tatha iske vidhivat sevan se manushya ki deh lauh v vajra ke saman sudrirh v kathor ho jati hai. chaturth kuen men jo parad nam se abhihit kiya gaya, vah para anek prakar ke yogon se v prakriyaon se sab prakar ke sadhya v asadhya rogon ka haran karta hai. yahi parad rasayan shastra ke madhyam se siddh hone par tamra v shishe v rajtadi dhatuon ke anu-parmanuon men visfot kar unhen svarn men parivartit kar deta hai.
bhumandal men is pare ki khanen yatra-tatra upalabdh hain. pancham kup men prapt pare, mor ki chandrika (mor pankh ke saman), anek prakar ke chitra-vichitra rang dikhlai dene se ise ”mishrak pard“ ke nam se abhihit kiya gaya. yah para bhi ashtadash (18) sanskar karne se siddh hokar, sadhak ko ichchit fal avashya deta hai. hamare shastron ke anusar parad men itni adbhut chamatkari shaktiyan hai ki iske prabhav se manushya sanbhv-asanbhav karya bhi kar sakta hai. mrityu tatha rogon par vijay prapt kar sakta hai, hava men urne v akash men vicharan karne ki shakti bhi prapt kar sakta hai. parad ki adbhut shaktiyon ke prabhav se manushya devtaon tulya parakram ko bhi prapt kar sakta hai. parad ki in adbhut chamatkari shaktiyon ko dekhakar devraj indra vichlit hokar punah devadhidev mahadev bholenath shankar ki sharan men gae aur unse vinti ki, ki he nath is parad ki adbhut chamatkari shaktiyon ke prabhav se yadi sarva manushya devtaon ke saman sarvaprabhutva sanpann prabhavshali evan shaktishali ho jaenge to fir devtaon ko kaun puchega? devraj indra ki is karunamay prarthana ko sunakar devadhidev mahadev ne us pare ko doshyukt kanchuki (kanchli) yukt kar diya.
tab se lekar aj tak yah para bina sanskar ke siddh nahin hota. atah pare ki siddhi ke lie manushya ko shastrokt shuddhi karni parti hai. halanki shuddh parad ki shastrokt shuddhi evan pran pratishtha ki vidhi thori jatil evan lanbi avashya hai. vaigyanik anusandhan ke anusar yah bat pramanit ho chuki hai ki parad dhatu agni garbh men nahin rah sakta hai. 100 digri ka tap milne par yah failne lagta hai aur 300 digri ka tap par yah akashgami hokar adrishya ho jata hai. parad dhatu tatha parad se bani samagri ka tapman hamesha hi nyunatam hota hai, jise chute hi uski gunavatta ka abhas ho jata hai. parad dhatu men ve anupam evan asimit gun paye jate hain, jo manav jivan ke lie atyant avashyak hote hain. parad se nirmit vastuon ko sukshmata se dekhne par un par chote-chote dhabbe dikhte hain. parad dhatu vajan men lohe se solah guna adhik bhar ka hota hai. parad ko lekar hamare shastron men anek baton ka ullekh hai, jaise parad ki shakti, labh adi. ayurved shastra men parad ko lekar kuch aisa ullekh hai- ayurdravinnan arogyan vanhirmeshamahadbalam. rup yauvn-lavanyan rasopasnya bhavet.. arthat ayu, dravya(dhn), arogyata, jathragni, buddhi, atishay bal, rup-yauvan evan lavanyata, ye sabhi ras upasna arthat parad bhakshan se hoti hai.
hatohanti jara vyadhi, muchrchito vyadhi ghatkah. baddhah khechrtan dhatte ko nyah suta kripakar.. arthat sadhya rog ke nidan hetu to aushdhi ke sevan ka ullekh milta hai parantu asadhya rogon men ayurved shastra men anya chikitsa shastron men koi aushdhi, koi nahin kahi kintu, yah parad hi hai, jo asadhya rogon ka bhi shaman karta hai. yah pare ki sarvochch shreshthata ka praman hai. mrit para burhape ka nash kar mantron ki siddhi ko pradan karta hai. murchit para vyadhi (sabhi prakar ke rogon) ka nashak hai tatha baddh para manushya ko akash gaman ki shakti bhi deta hai. parad ka bhakshan tin janmon ke papon ka nash karta hai. ayurved shastra men muchrchit parad ko chandan, agar, kapur aur kesar se antargat sthapna karna hi ”shivpuja“ kahlati hai. isse manushya ”shivatva“ ki prapt karta hai. hamare shastron men parad dhatu ke keval darshan karne ka bhi atyant mahatva hai, ayurved shastron tatha dharmashastron ne ek svar se parad darshan ke labh v punya ko svikar kiya hai. yatha- shatashvamedhen kriten pupyangokotibhiah svarnasahaspradanat. nrinan bhavetsutakadarshanen yatsarvatitheshu kritabhishekat.. arthat, jo punya 100 ashvamegh yagya karne se tatha karor gaudan karne se evan ek sahasra (1000) tole ke svarn dan karne se tatha sab tirthon ke snan karne se jo punya arjit hota hai vo punya ”pard“ ke darshan matra se sahaj men hi prapt ho jata hai.
parad shivling ko lekar hamare shastron men saf-saf ullekh hai- kedardoni lingani, prithivyan yani kanichit. tani drishtnvasu yatpunyatatpunyan rasadarshanat.. arthat, kedar adi pavitra tirthasthalon se lekar prithvi tal par jitne bhi shivling hai unke darshan se jo punya milta hai vahi punya parad nirmit shivling se sahaj men hi prapt ho jata hai aur bhi kaha hai- svayanbhuling sahastraiah, yatfalan samyagaryanat. tatfalan koti gunitan, raslingachrchanad bhavet.. arthat jo punya hajar svanirmit parthiv shivling ke pujan se hota hai, usse karor guna fal parad shivling ke pujan se prapt hota hai. parad shivling men sakshat devadhidev mahadev bhagvan shiv ka vas hota hai. atah parad shivling ko ghar ke puja mandir men sthapit kar, is par nitya bilva patra arpit karen tatha dudh, pani evan dhup dip se nitya puja karen tatha nitya ”un namah shivay“ athva ”mahamrityunjy“ mantra ka 1, 3, 5, 7, 21 ya 108 bar jap avashya karen. parad shivling ki sthapna shravan mah ke somvaron men atyant shubh evan faldai hota hai. shastrakaron ne parad evan parad shivling men sakshat shiv ka vas kaha hai. atah ap parad dhatu evan parad dhatu se nirmit parad shivling ki adbhut mahima ko samajh sakte hain.