parivar rupi rath ke pahie hain pati aur patni. yadi inke madhya vaicharik evan sharirik sanbandh achche nahin honge to parivar men kalah hona nishchit hai. parivarik kalah grihastha-sukh ko nasht kar deti hai. iske piche pati-patni ke parasparik sanbandhon ka achcha n hona athva parivar ke anya sadasyon ke madhya vaicharik asmanta mul karan hoti hai. bharpur parivarik sukh tabhi mil pata hai jab pati-patni ek dusre ko bhali-bhanti samjhen, unmen vaicharik samanta ho, sharirik rup se bhi ek dusre ko janen aur ek dusre ko bharpur sahyog den.
kaise janen ki pati-patni ke madhya sanbandh kaise honge? jab ap yah jan jaenge ki pati-patni ke madhya parasparik sanbandh kaise honge, to yah bhi nishchit kar sakenge ki parivarik kalah hogi ya nahin. yadi apke pas var-vadhu athva pati-patni ki kundliyan hon to ap pati-patni ke parasparik sanbandh ka vichar panch prakar se kar sakte hain-
- lagnesh v saptamesh ki sthiti se
- lagnesh, janm rashish v saptamesh ki sthiti se
- navmansh kundli ke vishleshan se
- ashtak varg dvara - melapak dvara lagnesh v saptamesh ki sthiti se pati-patni ke parasparik sanbandh ka vichar pati-patni ke parasparik sanbandh ka vichar karne ke lie kundli men adholikhit panch jyotishiya yogon ka vishleshan karen.
- lagnesh saptam bhav men evan saptamesh lagn bhav men sthit ho to pati-patni ke bich uttam priti rahti hai.
- lagnesh evan saptamesh ke madhya paraspar drishti sanbandh ho to pati-patni ke sanbandh madhur rahte hain.
- lagnesh evan saptamesh paraspar yut sanbandh achche rahenge.
yadi lagnesh aur saptamesh ke svamiyon ke madhya paraspar panchdha maitri vichar karne par adhimitra ya mitra sanbandh hon, to sone men suhage vali sthiti ho jaegi aur paraspar sahyog barh jaega. iske viprit yadi adholikhit char sthitiyan kundli men hon, to parivar men pareshaniyan, kalah, badhaen, sankat adi ate hain. falasvarup apman, apayash, mansik evan sharirik kasht ke sath-sath arthik kshati uthani parti hai aur santan ka bhavishya bhi andhkaramay ho jata hai.
- lagnesh evan saptamesh paraspar chathe-athven ya dusre-barhven men sthit hon, to grihasth jivan men pareshaniyan ati hain.
- lagnesh v saptamesh men se ek nich rashi men ya trik bhav men sthit ho to grihasth jivan men anek kasht ate hain.
- yadi pati ka lagnesh ashubh sthiti men ho to svayan ki or se tatha yadi saptamesh ashubh sthiti men ho to patni ki or se anek sankat utpann hote hain.
- grihasth sukh ke lie saptamesh ka dvitiya bhav men sthit hona utna hi hanikarak hai jitna dvitiyesh ka saptam bhav men sthit hona. lagnesh, janm rashish v saptamesh ki sthiti se pati-patni ke parasparik sanbandh ka vichar lagnesh ya janm rashish svayan jatak ka evan saptamesh jivnsathi ka parichayak hai. yadi in donon grahon men mitrata ho to dampatya jivan men kathinaiyon ka samna karna parta hai.
navmansh kundli dvara parivarik kalah ka vichar navmansh kundli se stri sukh evan pati-patni ke parasparik sanbandhon v jivnsathi ke gunadi ka vichar kiya jata hai. navmansh kundli dvara fal vicharte samay navmansh lagn evan navmanshesh ka bhi dhyan rakhna chahie. lagnesh evan navmansh svami men paraspar maitri ho to pati-patni ke sanbandh madhur, yadi shatruta ho to katu aur sam ho to samanya rahte hain.
navmanshesh apne navmansh men ho ya svarashisth athva uchchasth ho, shubh grahon se drisht ya yut ho to jatak shreshth gunon se yukt v uttam svabhav vala hota hai tatha sundar stri ka sukh bina parishram ke hi prapt kar leta hai. navmansh kanudli men jo grah svavarg men, vargottami ya uchch ka hokar kendra ya trikon men shubh rashi men sthit ho, us grah se sanbandhit samast sukh milte hain aur stri v parivar ka purn sukh prapt hota hai.
iske viprit ho to vyakti ko us grah se sanbandhit rinatmak fal milta hai aur parivarik sukh bhi nahin milta . yadi navmansh svami janmakundli men svagrihi ho ya 3, 5, 7, 9 ya 10 ven bhav men sthit ho to jatak ko sundar, guni aur bhagyashali stri ka sukh milta hai. purush ya stri ki navmansh kundli men saptam bhav men shubh grah arthat bali chandra, guru ya shukra ho to jatak aur jatka bhagyashali, sukhi evan stri ya purush ka sukh pane vale hote hain.
navmanshesh pap grah ho, papagrah ya krur grah se yut ya drisht ho to jatak ki stri kalah karne vali hoti hai aur usse nibhav mushkil hota hai. janmakundli ka lagnesh arthat lagn ka svami nich ya shatru navmansh men sthit ho to stri ke karan kalah, klesh, kasht adi ka samna karna parta hai aur vivah adi shubh karyon men badhaen utpann hoti hain. navmansh kundli ka saptam bhav papagrahon se yut ya drisht ho aur us par shubh grahon ki drishti ka abhav ho to jatak ya jatka ke jivnsathi ki akal mrityu ki sanbhavna rahti hai athva vivah sukh men kami rahti hai.
yadi navmansh svami pap grahon se yut ya drisht ho to jitne grahon se drisht ya yut ho utni striyon se kasht milta hai ya sanbandh bigrte hain. isi prakar stri ki kundli men purushon ka vichar karna chahie. kisi purush ya stri ki navmansh kundli men shukra-mangal paraspar rashi parivartan karen to uske vivahetar prem sanbandh hone ki prabal sanbhavna rahti hai. yadi navmansh svami janm kundli men chathe bhav men sthit ho to stri ko kasht ya stri sanbandhi pareshaniyan milti hain, athven bhav men sthit ho to parivarik kalah, klesh evan viyog tak hon to pati-patni men ajivan uttam samanjasya bana rahta hai.
- lagnesh saptam bhav men sthit ho to jatak patni ka bhakt hota hai aur uske anusar chalta hai.
- saptamesh lagn men ho to patni pati ki agyakarini hoti hai. yadi in yogon men se do ya do se adhik yog kundli men hon to samajh len ki pati-patni ke madhya ka dukh bhogna parta hai.
barhven bhav men sthit ho to dhan ki hani hoti hai aur ay se adhik vyay hota hai. navmansh lagnesh rahu ya ketu ke sath ho to jatak ki stri pati ke viruddh acharan karne vali, kalhkari evan kathor vani ka prayog karne vali hoti hai. navmansh svami barhven bhav men ho to jatak apni stri se santusht nahin rahta hai. yadi navmansh svami papagrah ho aur papagrahon se yut ya drisht ho to uski stri katu vachan bolne vali evan kalhkari hoti hai. melapak dvara parivarik kalah ka vichar melapak arthat kundli milan karte samay daivagya savdhani nahin rakhte hain.
kundliyon men paraspar gun milan karke melapak ki iti kar dete hain. melapak karte samay paraspar kundliyon ka bhi milan karte hue in tathyon par vichar karna chahie ki pati ya patni sannyas to nahin le legi, unki kundliyon men talak ya algav ka yog to nahin, alpayu yog to nahin, vaidhavya yog to nahin? yah bhi dekhna chahie ki donon paraspar ek dusre ko sahyog karenge ya nahin. is par bhi dhyan den ki vad-vivad, jhagre, atmahatya, hatya, santanhinta, charitra se bhrasht hona adi se sanbandhit yog to nahin hai.
vivah purva hi var-kanya ki kundliyon ka vishleshan kar liya jae to parivarik kalah se bacha ja sakta hai. saptam bhav, saptamesh, dvitiya bhav v dvitiyesh evan lagnesh v navmansh lagnesh paraspar susanbandh n banaen, papagrahon se drisht ya yut hon evan nirbal hon to parivarik sukh nahin milta, apitu kalah hi rahti hai. parivarik kalah se mukt hone ki saral riti uchit dhang se melapak karna hai. udaharan dekhen. yahan pati v patni ki kundliyan, navmansh kundliyan evan saptam bhav ki kundliyan ankit hain.
pati ka lagnesh guru evan saptamesh budh panchdha maitri se paraspar atishatru-shatru sanbandh rakhte hain. lagnesh nich ka hokar shani ke sath yut hai. rashish se satven evan lagnesh se satven donon ka svami guru hai joki nich rashi men dvadshesh shani ke sath yut hai. donon ka dampatya jivan sukhi nahin hai. navmansh lagn svami chandra ka lagnesh guru se shatru sanbandh hai. dvitiya bhav men 23 evan saptam bhav men 22 rekhaen mili hui hain. dvitiyesh mangal 2 evan saptamesh budh 4 rekhaen lie hue hai. pati ki janm rashi kanya ko patni ki kundli men 24 rekhaen evan patni ki janm rashi mesh ko pati ki kundli men 23 rekhaen mili hui hain.
pati ki kundli men vivah karak shukra se saptam bhav men 4 rekhaen uske apne ashtak varg m mili hui hain. patni bar-bar mayke chali jati hai evan abhi bhi pichle derh varsh se mayke men hi hai aur vapas ane ke koi asar nahin hain. vivah ko nau varsh ho gae hain. jatak sharab bahut pita hai aur patni ko marta bhi hai, kyonki use patni ke charitra par shak hai. patni ki kundli bhi parivarik sukh ko kam kar rahi hai. uski kundli men bhi dvitiya evan saptam bhavon men 24 rekhaen mili hui hain.
dvitiyesh guru ko 6 rekhaen mili hui hain jis karan talak ki naubat nahin ai hai. saptamesh surya ko 3 rekhaen prapt hain. shukra se saptam bhav men 3 rekhaen mili hui hain. navmansh kundli ka saptam bhav rahu, surya, mangal v shani se drisht hai aur us par shubh grahon ki drishti ka abhav hai. parivarik jivan ke das varsh kalhpurn hi vyatit hue.
ashtak varg dvara parivarik kalah ka vichar apni kanudli men sarvashtak varg se pratyek rashi men prapt shubh rekha likh len. yadi saptam v dvitiya bhavon men 28 ya 28 se adhik shubh rekhaen mili hon aur saptamesh v dvitiyesh ko 4 ya 4 se adhik ank mile hon to parivarik jivan sukhamay rahega. yadi iske viprit saptam v dvitiya bhavon men 28 se kam rekhaen hon aur saptamesh v dvitiyesh ko 4 se kam shubh rekhaen mili hon to parivarik jivan kalhpurn evan sangharshamay hota hai.
yadi shukrashtak varg men shukra se saptam bhav men 4 se kam shubh rekhaen mili hon to parivarik sukh nahin milta hai aur yadi iske viprit 4 ya 4 se adhik shubh rekhaen mili hon to parivarik jivan sukhamay hota hai. kanya ki rashi ko var ki kundli men 28 se kam rekhaen mili hon aur var ki chandra rashi ko kanya ki kundli men 28 se kam rekhaen mili hon to parivarik jivan kalhpurn evan kashtamay hota hai.
iske viprit 28 se adhik rekhaen hon to parivarik sukh milta hai. parivarik kalah se mukti ke saral upay parivarik kalah se mukti ke lie adholikhit baton ko dhyan men rakhna chahie .
- vivah se purva melapak uchit dhang se kiya jae aur purvokt yogon ko kundli vichar ke samay dhyan men rakha jae
- parivarik kalah se bachne ke lie grihini ko dudh ubalte samay dhyan rakhna chahie ki vah ubalakar bahar n gire.
- pratidin ata gunthte samay ek chutki namak evan ek chutki besan usmen mila le.
- jo grah kalah karak hon unki vastuon ka dan karna chahie. kundli ke bali grahon ke mantron ka jap karne se bhi kalah se mukti milti hai.
- ghar men uttar, purva ya uttara-purva men adhik bhar ho to bhi parivar men rog, kasht evan kalah rahte hanai.
in dishaon se bhar kam kar len. rasoighar men gais ke nikat pani rakhne ka prabandh n karen aur gais sadaiv dakshin-purva ya dakshin disha men hi jalaen. anttah yah kaha ja sakta hai ki parivarik jivan kalhpurn n ho iske lie purva men hi melapak karte samay donon kundliyon ka vishleshan gahan drishti se kiya jae aur yah uttaradayitva daivagyaon ka hai
joki unhen nibhana chahie. daivagyaon ko matra gun milan karke vivah karne ki anumti mata-pita ko nahin deni chahie jaisa ki adhikanshtah ve karte hain. upay to matra kasht ko kam karne ka sahayak yantra hai. uttam upay to yahi hai ki melapak thik dhang se ganbhirta ke sath kiya jae jisse parivarik kalah ho hi nahin.