motapa ek abhishap hai. isse vyakti ki sharirik kshamata kam ho jati hai fir dhire-dhire rog vyakti ko gher lete hain. vyakti yadi ek bar motape ka shikar ho gaya to fir patle hone men dikkaten ati hain. har vyakti patla, charhra, sudaul najar ana chahta hai. motape se har koi dur rahna chahta hai parantu kai bar galat khan-pan jaise
- adhik mitha, tala-bhuna saman aur maide ke padarth v kold drinks ka adhik prayog karna. iske atirikt dibba band padarthon ka prayog, bhukh se adhik khana, sharirik shram v vyayam n karna, anuvanshik karan ya kisi rog ke karan motapa gher leta hai. motapa kam karne ke ayurvedik karn
- rat ko sone se pahle ek chammach trifla ka churn halke garm pani men bhigo kar rakh len. subah is pani ko chanakar shahad mila kar kuch din sevan karen. madhumeh ke shikar bina shahad ke sevan karen. isse motapa kam ho jayega.
- vajan ghatane men anannas bahut sahayak hota hai. ismen klorin ki paryapt matra hoti hai jiske karan yah sharir ke bhitri vishaile tatva ko bahar nikalta hai. isse charbi nasht hoti hai.
- mithi saunf, mishri aur sukha dhaniya in tinon ko barabar matra men pis kar ek-ek chammach subah sham gungune pani se len, isse sharir ki charbi kam ho jayegi.
- chach ka sevan nitya karane. ismen bhuna jira, kala namak aur ajvain mila kar piyen.
- adha gram pippali ka churn pratidin subh-sham shahad ke sath len. ek mahine tak sevan karen bahar nikla hua pet andar ho jayega.
- 150 gram pippali, 30 gram sendha namak achchi tarah pis kar kut kar, mila kar rakh len. isko subah khali pet chach ke sath sevan karen. isse gais ki samasya dur hoti hai aur pet ki charbi teji se kam hoti hai.
- nitya pratah karele ke ras men ek nibu ka ras mila kar sevan karen. charbi kam ho jayegi.
- vajan kam karne ke liye grin ti ko bahut sahayak mana gaya hai. ismen entiaeksident paya jata hai jo motapa ghatane ke sath-sath chehre ki jhurriyane ko bhi samapt karta hai. grin ti ko bina chini pine se shighra labh milta hai.
- eppal saidar sirka jus ya pani ke sath mila kar pine se kolestrael aur motapa kam ho jata hai. ek chammach pudine ke ras ko do chammach shahad men milakar pine se motapa nahin ata.
- nibu, angur, ber aur santre ka nitya prayog karen. ismen vitamin si hone ke karan motapa kam hota hai.
- badam men resha hota hai. yah vasa ko jala kar use svasth aur ektiv banata hai. nitya badam sevan karne se pet nahin niklta.
- vajan kam karne ke liye 10 din subh-sham khali pet ek taje pan ke patte men 5 sabut kali mirch rakhakar khayen, fir ek ghante tak kuch n khayen. 10 din ke bad iska sevan keval subah hi karen. tin mahine tak sevan karte rahen. isse pure sharir ki faltu charbi nahin rahegi. pan ke patte sukhe aur kale n hon.
- bahut hi labhdayak nuskha hai kali ya hari mirch. ise khana shuru kar den. ismen paye jane vale tatva kaipsaisin se bhukh kam hoti hai aur urja barhti hai. isse vajan kantrol men rahta hai.
- apni anamika anguli (ring fingr) men range se bani anguthi pahnen. ise kisi bhi ravivar ko thora sa kala dhaga apni anamika ungli par lapet kar fir anguthi pahan len. kala dhaga dikhai n de. aisa karne se bhi motapa kam ho jata hai.
- motapa kam karne ke liye ek bartan men ek litar halka garm pani lekar usmen bara ninbu nichoden, fir usmen 50 gram hara dhaniya pisakar svadanusar kala namak ya sendha namak dalen. fir use subah khali pet 15 din tak len. ek ghante tak kuch n len. isse sharir ki sab ashuddhiyan dur ho jati hain. pachan shakti barh jati hai, raktachap thik rahta hai. yah lagatar 15 din tak len. dhaniya purana, sukha, murjhaya hua n ho.
- anguthe ke niche ke hisse ko dabane se motapa kam hota hai.
- ek muli ke ras men thoda sa kala namak aur adha chammach ninbu ka ras dal kar sevan karne se ek mahine men charbi hat jayegi aur sharir sudaul ho jayega.
- khane ke ek ghante bad garm pani chay ki tarah chuskiyan lekar piyen, charbi nahin banegi.
- nitya khane ke bad kali harar chusne ki adat dalen. isse gais nahin banti, charbi nahin charhti aur pachan sahi rahta hai.
- pet aur kamar se adhik charbi hatane ke liye anvle v haldi ko barabar matra men pisakar uska churn bana len, fir roj ise chach ke sath len. chach men hing aur jira dalen.
- apne ahar mane seb adhik khayen.
- chandraprabhavti do-do goliyan roj gomutra ya dudh se len. 45 din tak prayog karne se sharir se motapa bilkul hat jayega.
- adhe gilas mane gungune pani men adarak ka ras, ninbu ka ras aur 10 gram shahad milakar roj sevan karen. isse motapa aur charbi bilkul hat jayegi aur sharir charhra hokar charbimukt ho jayega.
- jire ka pani rat ko bhigo kar subah ubalen. jab pani adha kap rah jaye usmen thora shahad dalakar chuski lekar piyen.
- sahajan ke per ke pattane ka ras do chammach pratidin prayog karen. motapa kam hoga.