apne jivan se sanbandhit kisi alp samathryavan grah ki shakti ko barhane ke lie yadi koi manushya usse sanbandhit ratn ko dharan karta hai to vah ratn avashya hi uske lie labhkari siddh hota hai. in ratnon ko sahi dhang se niyampurvak dharan karne se labh milta hai aur galat dhang se dharan karne se pareshaniyane ka samna karna parta hai, atah soch samajh kar niyampurvak hi ratn dharan karna chahie. manikya: asli manikya dharan karne vale ki vansh vriddhi aur aishvaryon tatha sukh samriddhi ki prapti hoti hai. vah har kasht aur vyadhi se mukt rahta hai. manikya kise dharan karna chahie: jinki janmakundli men surya ki sthiti kharab ho, unhen manikya dharan karne se asim saflta milti hai. surya ki sthiti nimnalikhit paristhitiyon men doshpurn hoti hai.
- yadi janmakundli men surya labhesh, ashtamesh tatha dashmesh hokar trik sthan men baitha ho.
- yadi surya jiv nakshatra ka svami ho.
- yadi surya apne bhav se ashtam sthan men sthit ho.
- yadi surya lagn men ho.
- yadi surya tritiya sthan men ho kitne vajan ka manikya pahnen: manikya kam se kam 3 ratti ka pahnna chahie aur iske lie sona kam se kam 5 ratti upyog men laen. moti: moti dharan karne se gyan evan buddhi men vriddhi hoti hai, nirbalata dur hoti hai aur sharirik tej, rup, bal evan kanti men vriddhi hoti hai. itna hi nahin, isse yash, dhan, samman evan prabhuta ki prapti tatha sabhi abhilashaon ki purti bhi ho jati hai.
moti kise ko dharan karna chahieah jis jatak ki janmakundli men chandrama ki sthiti achchi n ho, use moti dharan karna chahie. jatak ki janmakundli men chandrama ki nimnalikhit sthitiyan doshpurn mani jati hanai.
- yadi chandrama kendra men ho to halke prabhav ka mana jata hai.
- yadi chandrama surya ke sath ho to chandrama ka prabhav kshin ho jata hai.
- yadi vinshottari ke anusar chandrama ki mahadsha buri chal rahi ho to moti dharan karen.
- yadi chandrama rahu ke sath baitha ho
- yadi chandrama nich, vakri tatha astangat ho.
- yadi chandrama vrishchik rashi ka hokar kisi bhi bhav men sthit ho.
- yadi chandrama par mangal, shani, rahu athva ketu ki drishti ho.
kitne vajan ka moti pahnen: anguthi men jarvane ke lie kam se kam 4 ratti vajan ka moti shubh mana jata hai. yadi isse bhi adhik vajan ka moti dharan kar saken to adhik faldayak hoga.
munga: mangal ratn munge ki mala dharan karne se hriday rog, mirgi tatha drishti dosh se mukti milti hai. iski mala balkon ko dharan karane se unhen sukha rog, pet dard adi se mukti milti hai. itna hi nahin jis vyakti ke pas munga ho use bhut-pret adi nahin satate tatha andhi-tufan, bijli, chal, maya se bhi uski raksha hoti hai.
munga kise dharan karna chahie: jis jatak ki janmakundli men mangal ki dasha kharab ho use munga dharan karna labhaprad hota hai. mangal ki nimnalikhit sthitiyan doshpurn mani gai hain.
- jatak ki janmakundli men mangal vakri ya ast ho athva shatru grahon ke bich virajman ho.
- yadi mangal lagn men baitha ho.
- yadi mangal chandrama ke sath ho.
- yadi mangal tritiya athva chaturth bhav men baitha ho.
- yadi mangal rahu athva shani ke sath kisi bhi sthan men baitha ho.
- yadi mangal saptam ya dvadash bhav men virajit ho.
- yadi mangal ashtamesh ya shashthesh ke sath ho athva in grahon ki us par purn drishti par rahi ho.
kitne vajan ka munga dharan karen:
mudrika men jarvane hetu munge ka vajan kam se kam 6 ratti se 8 ratti ka hona chahie. ise kam se kam 6 ratti sone men jarvakar pahnen.
panna: yadi jatak ki janmakundli men budh ki sthiti kharab ho to use panna dharan karne se labh hota hai.
budh ki nimnalikhit sthitiyon men panna dharan karne ka vidhan hai:
- agar vinshottari men budh ki mahadsha ya antardasha chal rahi ho.
- yadi jatak ki janmakundli men budh dusre, tisre, chaithe, panchven, satven, nauven, dasven athva gyarhvane bhav ka svami hokar apne chathe bhav men baitha ho.
- yadi janm kundli men budh mangal, shani, rahu athva ketu ke sath ho.
- yadi budh chathe, athven ya barhven bhav men sthit ho.
- yadi budh par shatru grahon ki divya drishti ho.
- agar budh min rashi men ho.
- yadi jatak ka lagn mithun ya kanya ho.
pukhraj: jo jatak pukhraj dharan karta hai uski dhan-sanpatti, bal-buddhi, ayu tatha yash men vriddhi hoti hai. itna hi nahin, yah bhut-pret badhaon ka nashak bhi hai. yadi larki ki shadi men vilanb ho raha ho to pukhraj dharan karaen, shighra pranay bandhan men bandh jaegi. iske prabhav se manav adhyatmik vicharon men bhi lin ho jata hai.
pukhraj kise dharan karna chahieah
nimnalikhit sthitiyon men pukhraj dharan karna shubh hoga.
- jinki janmakundli men dhanu, kark athva min lagn ho. - yadi janmakundli men pradhan grah brihaspati ho.
- vinshottari ke anusar jab kisi bhi grah ki mahadsha men guru ka antar chal raha ho.
- yadi guru ke sath budh, chandra, mangal ya surya baitha ho.
- agar jatak ki janmakundli men purvokt nakshatron men brihaspati ho.
- yadi janm ke din guruvar ke sath pushya nakshatra bhi ho.
- yadi janm ka nakshatra punarvasu, vishakha athva purvabhadrapad ho.
kitne vajan ka pukhraj dharan karna chahie: kam se kam 7 kairat ka pila pukhraj sone ki mudrika men jarvakar dharan karna chahie.
hira: yadi jatak ki janmakundli men shukra ki mahadsha kharab ho to hira dharan karna shubh hota hai.
khas kar nimnalikhit paristhitiyon men hira dharan karna chahie.
- yadi jatak ka janm tula athva vrish lagn men hua ho.
- agar jatak ki janmakundli men shukra vakri, astangat athva pap grahon ke sath baitha ho.
- agar jatak ki janmakundli men shukra shubh bhavon ka svami hokar apne bhav se athven athva chathe sthan men virajman ho.
- yadi kisi bhi grah ki mahadsha men shukra ka antar chal raha ho.
kitne vajan ka hira dharan karna chahie: hire ka vajan kam se kam ek ratti ka hona chahie.
nilm: nilam ek aisa ratn hai jo dharan karta par kuch hi ghanton men apna prabhav prakat karne lagta hai. dharan karne vale din ki ratri men yadi dharanakarta ko bure svapn dikhai den ya bhay athva koi akasmik durghatana adi ho jae to samjhna chahie ki uske lie nilam upyogi nahin hai, atah turant mudrika utar leni chahie. yadi nilam anukul ho to sukh sanpatti, yash, man, samman, ayu, buddhi aur vansh ki vriddhi karta hai.
yah rog aur daridrata ko dur karta hai, mukh ki kanti aur netra ki roshni barhata hai tatha isse anek manokamnaen purn hoti hain.
nilam kise dharan karna chahie: yadi jatak ki janmakundli men shani ki mahadsha viprit ho to use nilam dharan karna chahie. iske atirikt nimnalikhit paristhitiyon men nilam dharan karna labhaprad mana gaya hai.
- yadi jatak shani ki sarhesati se prabhavit ho.
- yadi janmakundli men shani pradhan grah ho.
- agar surya ke sath shani baitha ho.
- jinhen krodh ata ho.
- agar janmakundli men shani mesh adi men sthit ho.
- agar shani apne bhav se chathe ya athven sthan men sthit ho.
- agar jatak ka janm mesh, vrish, tula athva vrishchik lagn men hua ho.
gomed: is ratn ko shatru nashak, yuddh men vijay dilane vala, anek bimariyon ko dur karne vala tatha dhan-sanpatti v putrapautradi dene vala evan samast manokamnaon ko pura karne vala kaha gaya hai.
gomed kise dharan karna chahie: jinki janmakundli men rahu ki mahadsha kharab ho unhen gomed dharan karna shubh hota hai. iske atirikt nimnalikhit sthitiyon men gomed dharan karna chahie.
- yadi jatak ki janm rashi athva lagn kunbh, vrish, mithun athva tula ho.
- yadi shukra aur budh ke sath rahu baitha ho.
- yadi janm lagn makar ho.
- agar janmakundli men rahu nich rashi ka ho.
- yadi janm kundli men rahu shreshth bhav ka svami hokar surya ke sath baitha ho.
- taskaron, netaon, choron aur juariyon ke lie yah ratn shubh hai.
- vakil, daektar, injiniyar, kavi, lekhak adi ke lie bhi yah ratn shubh hai.
lahsuniya: lahsuniya dharan karne se dukh-daridray, vyadhi, bhut-pret badha aur vipattiyon ka nash hota hai tatha dhan-sanpatti, putra pautradi, tej, bal evan shatruon par vijay ki prapti hoti hai.
lahsuniya kise dharan karna chahieah agar jatak ki janmakundli men ketu ki sthiti kharab ho to lahsuniya dharan karna shubh hota hai. iske atirikt nimnalikhit sthitiyon men yah ratn dharan karna shubh hota hai.
- yadi jatak ki janmakundli men dhanesh, rajyesh, ayesh, bhagyesh athva sukhesh ka ketu ke sath drishti sanbandh ho.
- yadi ketu janmakundli men mangal, guru athva shukra ke sath sthit ho.
- yadi janmakundli men ketu surya ke sath ho.
- yadi ketu ki mahadsha ya antardasha chal rahi ho.
- yadi janmakundli men ketu shubh grahon ke sath ho.