jal jivan hai. islie jal ke bina jivan ki kalpana nahin ki ja sakti. sansar ke sabhi prani, vanaspati adi jal ke bina nahin ji sakte atah jal ka mahatva jivan men vishesh hai. jal ka prayog pine men, snan karne men vishesh rup se kiya jata hai. iske falasvarup hamara svasthya thik rahta hai. jal ki upyogita chikitsa ke kshetra men bhi apna ek mahatvapurn sthan rakhti hai. svasthya ki drishti se snan karna ati avashyak hai.
garmi ke mausam men do bar aur sardi ke mausam men ek bar taje pani se snan karne se sharir men sfurti ati hai, rom chidra khul jate hain, vishaile tatva nasht ho jate hain aur anya tatva ke rog bhi thik ho jate hain. is prakar pani ke pine se bhi svasthya par vishesh prabhav padta hai. kabj ko dur kar anta men jama mal ko bahar nikalta hai. kai prakar ke antrik vikaron ko dur karta hai. islie khub pani pina chahie. kam pani pine valon ko kai prakar ke rog ho jate hain. svasth rahne ke lie vyakti ko kam se kam do litar pani avashya pina chahie. adhik pani pine vale vyakti ko gurde ke rog ki shikayat nahin ho sakti hai aur chehre ke abha mandal ka bhi vistar hota hai. jal apne ap men ek aushdhi hai.
kisi bhi prakar ke rog men jal ka prayog rog ko dur karne men sahayak hota hai. sahi matra men pratidin pani pine vale vyakti ki ankhon ki roshni badhti hai. ankhon ko pani se chappa marakar dhona chahie. svasth rahne ke lie pani ka prayog is prakar karen -pratahkal bistar chodne ke bad do gilas pani pina chahie. isse udar vikaron men aram hota hai. kabj dur hoti hai aur mal tyag asani se hota hai. -
khana khate samay adhik pani nahin pina chahie. isse pachan kriya mand pad jati hai. yadi pani pina hi pade to ghunt-ghant thoda-thoda pina chahie, taki yah khaye gaye bhojan men nami lae aur bhojan sahi pach jae.
- pyas lagne par alas n kar pani avashya pina chahie nahin to kai prakar ke rog lag sakte hain. jaise piliya, kabj, adi rogon ko dur karne ki shakti jal men hai jo prakritik rup se sharir ka poshan karta hai, jivan dan deta hai. prakritik chikitsa men jahan jal ke pine ka mahatva hai vahin jal se snan ka mahatva bhi utna hi hai. snan karne se tvacha men nirogta, nikhar aur chamak ati hai aur charbi ka badhna bhi rukta hai. isilie prakritik chikitsa men kamar ke snan par adhik jor diya jata hai.
isko kati snan bhi kahte hain. i snan se pet ki nasan sucharu rup se kam karti hain jisse udar sanbandhi rogon se bacha ja sakta hai. kati snan karne ki vidhi is prakar hai
- ek tab lekar usmen taja pani bhar len aur snan ke lie usmen is prakar baithan ki apke baithne par pani apki nabhi tak a jae.
- jal se bhare tab men nitanb ke sahare baithna chahie pairon ke bal nahin. donon tangon ko bahar nikal len. pairon ko kisi patri par sidha rakhen.
- is tarah shuru-shuru men 10 se 15 minat tak isi sthiti man baithe rahen. snan ki avdhi ko adhe ghante tak badha sakte hain.
- pashchat uthakar taulie se sharir ko ragd-ragad kar ponchna chahie. kati snan ke pashchat sanpurn sharir snan bhi kar len. kati snan men dhyan rakhne yogya baten kati snan pratahkal surya uday se purva karna chahie.
- jagne ke kuch der bad do gilas pani pien. yadi ho sake to ninbu aur shahad dalakar pien taki shauch khulakar ae. shauchadi ke bad 10-15 minat ghumna chahie, uprant kati snan ke lie baithen.
- kati snan karte samay andar viyar hi pahna hona chahie. tangan aur upri bhag nagn rakhen.
- yadi ho sake to bilkul nagn avastha men hi kati snan karen.
- pani nabhi tak hi rahe.
- sardi ke mausam men garm pani ka prayog karna chahie. kati snan ke labh
- kati snan se udar par vishesh prabhav padta hai. isse anton men nami ati hai jisse jama hua mal shauch ke samay asani se bahar ho jata hai.
- pet naram rahta hai. anten sucharu rup se karyarat hoti hain to pachan kriya sucharu rup se hota hai. prakritik jal snan sabhi stri purush nitya snan karte hain parantu is prakar ka snan sadharan snan kahlata hai kyonki ismen vaigyanik vidhi ki kami hoti hai. sviming pul men tairne ki kriya ek vaigyanik snan v prakritik hai.
vaigyanik snan vah snan hota hai jismen sharir ki achchi tarah kasarat ho aur ragd-ragad kar dhoya jae jisse rakt sanchar thik tarah ho sake. prakritik v vaigyanik snan karne men in baton ka dhyan rakhen.
- sadaiv taje pani se snan karna chahie chahe mausam koi bhi ho.
- vriddh vyaktiyon ko jade men garam pani se snan karna chahie kyonki thanda pani unke sharir men dard paida kar sakta hai.
- prakritik jal se snan sardi men sharir ko garm aur garmi men thanda rakhta hai aur chusti furti bani rahti hai.
- prakritik jal se snan karne se sharir halka ho jata hai. - taja aur prakritik jal sharir ko sadaiv sukh pradan karta hai.
- prakriti ki pratyek vastu manushya ki prakriti ke anusar apna karya karti hai. atah taja jal se snan men prasannata ka hi anubhav hota hai.
- snan karte samay sabse pahle niche ke angon ko bhigona chahie, uske bad sir par pani dalna chahie. is prakar snan karne se sharir ki faltu garmi bahar nikal jati hai.
- prakritik snan ke lie tab ka istemal bhi kiya ja sakta hai. tab men baithakar sare sharir ko achchi tarah saf kiya ja sakta hai. snan ke bad sharir ko roendar taulie se kasakar panchna chahie isse nason ka poshan hota hai.
- snan aisi jagah karni chahie jahan par taji hava bhi rahti hai. prakritik snan se labh -kai prakar ke rogon se chutkara milta hai.
- stri purush ki jannendriya sanbandhi rog dur ho jate hain.
- kabja-badahajami, prameh adi se rahat milti hai.
- isse sharir ko atirikt shakti milti hai.
- sardi men sharir garm aur garmi ke mausam men sharir thanda rahta hai.