hal hi men 20 agast 2013 ko rakshabandhan ka tyauhar manaya gaya. kuch logon ne 21 agast ko yah parva manaya. prayah har varsh kisi n kisi parva men is prakar ke matbhed a jate hain. aisa keval islie ho jata hai ki vibhinn panchangon men bhinna-bhinn mat dikhai dete hain. ek to sabhi parvon ki gannaen bahut sukshm hai, dusre manyataon men bhi kuch matbhed ho jate hain. tisre suryoday bhinna-bhinn hone ke karan antar ho jata hai aur chaithe vibhinn sampradayon men vibhinn ganna ke mat hain. rakshabandhan aprahn vyapini shravan purnima ko manaya jata hai. purnima ke purvarddh men bhadra hoti hai aur bhadra men bhi rakshabandhan sarvatha varjit hai. atah parva purnima ke uttararddh men hi manaya jata hai. jab pahle din aprahn men bhadra ho, dusre din purnima muhurtatrayavyapini ho aur bhale hi vah aprahn se purva hi samapt ho jae, tab bhi dusre din aprahn men rakshabandhan karna chahie. lekin uttararddh men chandra grahan ya grahnvedh (sutk) ho sakta hai. is prakar rakshabandhan manane ke lie shuddh samay ka abhav ho sakta hai. islie vibhinn maton ka srijan ho jata hai. is varsh 20 agast ko pratah 10: 22 par purnima praranbh hui. bhadra 10: 22 par prarambh hokar 20: 46 par samapt hui. taduprant purnima 21 agast ko pratah 7: 15 tak chali. kyonki 21 agast ko purnima tin muhurt (dinman ka panchvan bhag- lagabhag 6 ghati arthat 2 ghante 24 mint) se pahle samapt ho gai atah raksha bandhan 21 tarikh ko nahin hui. 20 tarikh ko suryast tak bhadra hai atah parva kab manaen. is kal abhav ke karan hi matbhed v parva nirnay men vibhinnata ayi. kuch ke matanusar bhadra nesht hai atah suryoday par purnima ke hone ke karan 21 agast ko rakshabandhan manane ka nirnay liya. kuch ne keval bhadra ke mukh ko anishtakarak manakar keval bhadra mukh 18: 10 se 20: 10 tak samay chodakar vishesh rup se bhadra panuch men 16: 58 se 18: 10 tak rakshabandhan 20 agast ko hi mananee ka nirnay diya. purnima ke tyauharon men aksar yah pareshani ati hai kyonki tithi bhadra v grahan donon se yukt hoti hai. isi varsh holika dahan ke samay bhi yahi pareshani thi. holika dahan bhadra rahit falgun purnima ko pradosh kal men kiya jata hai. yadi purnima do din pradosh vyapini ho to pahle din bhadra dosh hone ke karan holika dahan dusre din kiya jata hai. dusre din pradosh ko purnima sparsh n kare aur pahle din nishith se pahle bhadra samapt ho jae to bhadra samapti par holika dahan karna chahie. yadi bhadra nishith ke bad samapt ho rahi ho to bhadramukh ko chodakar bhadra men hi holika dahan karna chahie. yadi pradosh men bhadramukh ho to mukh ke bad holika dahan karna chahie. 26 march 2013 ko falgun purnima 16: 25 ghante par praranbh hui aur 27 march ko 14: 57 par samapt hui. atah 26 march ko bhadra 16: 25 se prarambh ho 27: 45 tak thi. nishith kal men bhi bhadra thi. atah holika dahan bhadra sahit purnima men hi kiya gaya. bhadramukh 24: 55 se 26: 55 tak tha aur bhadra punch 23: 43 se 24: 55 tak thi. kyonki pradosh men bhadra mukh nahin thi atah bhadra sahit purnima ke pradosh kal men hi 26 march ko holika dahan kiya gaya. anya mukhya parvon ke nirnay ke lie nimn talika di ja rahi hai. iske anurup inka nirnay kiya ja sakta hai. yadi parvon ki ganna ke lie bharat ke kendra ujjain ke akshansh 230 11‘ v bharat ke madhya rekhansh 820 30‘ ko lekar ganna ki jae to sabhi panchangon ka ekikaran ho sakta hai. janmashtami ke lie mathura ko kendra bindu liya ja sakta hai.
Kya aapko lekh pasand aaya?
Subscribe