- ashubh grahon ka upay kar lena anivarya hota hai. khas kar purushon ko to ketu ka upay karne hi chahie, kyonki vivah ke bad purush ke grahon ka sanpurn prabhav stri par parta hai. grahon ke upay nimnalikhit hain: surya ke lie gehun aur tanbe ka bartan dan karen. chandra ke lie chaval, dudh evan chandi ki vastu ka dan karen. mangal ke lie sabut masur ya masur ki dal dan karen.
budh ke lie sabut mung ka dan karen. brihaspati ke lie chane ki dal evan sone ki vastu dan karen. shukra ke lie dahi, ghi, kapur, moti men se kisi ek vastu ka dan karen. shani ke lie kale sabut urad evan lohe ki vastu ka dan karen. rahu ke lie sarson evan nilam ka dan karen. ketu ke lie til ka dan karen.
- patni manorman dehi manovritanusarinim. tarinin durg sansar sagarasya kulodbhavam.. durga saptashati se liya hua uparyukt mantra japne se patni man ke anukul acharan karne vali hoti hai. parivar men sukh-samriddhi vyapt hoti hai.
- samay par vivah hone ke lie shukla paksh men kisi guruvar ke din, pratahkal uth kar, sir se snan karen. pile vastra pahan len. besan, bajar se manga kar, deshi ghi men senk kar, bura mila kar, 108 laddu banaen. pile rang ki plastik ki tokri men, pile rang ka kapra bicha kar, usapar un ladduon ko rakh den. ichchanusar kuch dakshina rakh den. yah sara saman shiv mandir men ja kar, ganesh-parvati shiv ji ka pujan kar, manovanchit var prapti ka sankalp kar, kisi brahman ko dan den. is prayog se shighra vivah ki sanbhavna banegi.
- sarvapratham apne makan ke aspas kisi aise per ko talashna hoga, jismane chintiyan kafi sankhya men hon. kisi bhi somvar ke din gola sabut (giri nariyal) men uske munh ke pas is prakar ched karen ki dhakkan sa ban jae. ata, bura (pisi chini) tatha deshi ghi ka mishran bana len. ched dvara use gole men pura bhar den. dhakkan laga den. is gole ko kisi paelithin ki thaili men rakh den.
bacha chura (mishran) bhi is thaili men dal den. rat ko sote samay thaili ko apne dahine sirhane ke pas rakhen. manglvar subah uth kar is thaili ko le ja kar chintiyon vale per par, 2 tahniyon ke bich, rakh den. bacha bura gole ke upar dal den. thaili ko fenk den. ghar a kar hath-panv dho len. savdhani: manglvar ko uthne ke bad, ghar a kar, hath dhone tak, bolna mana hai. maun rahna hoga, varna prayog asafal ho sakta hai. ise lagatar kam se kam 6 manglvar tak karen, naga n ho.
- kisi bhi stri-purush ke vivah men badha a rahi ho ya vaivahik jivan men tanav a rahe ho, to ganesh ji ke mandir men har-ful charhaen. haldi ka tilak lagaen. un ganeshay namah ka mantra bolte hue ek-ek karke ganesh ji par 108 ful charhaen tatha arti karen. 40 din niyamit karen. guruvar ka upvas karen. brihaspativar vrat katha guruvar ko karen. prati guruvar ko haldi ki ganth bistar ke niche lekar soen. larka ya larki dekhte samay haldi ka tika khud ki lagaen.
ganesh ji ko gur ka bhog lagaen uske bad hi samne jaen. manokamnaen shighra hi purn hongi.
- agar kahin larki ki shadi ho rahi ho, to vahan lifafe men dal kar shagun den aur shagun ke paise ko larke ya larki ka hath jarur lagvaen. shagun usko den, jo janta nahin ya bahar kisi vyakti ko shagun dekar kahen: larki valon ko shagun de do. mujhe kahin jaruri jana hai. isse bhi shadi ki rukavat dur ho jaegi.
- pipal par lagatar 43 din larki ya larka jal charhae to shadi ki rukavat dur ho jati hai. itvar ko tatha masik dharm ane par jal nahin charhana hai.