jaya ekadshi vrat falgun krishnapaksh ekadshi ko kiya jata hai. ek samay dharmaraj yudhishthir ne jagat niyanta, dinbandhu dinanath, nand nandan bhagvan vasudev se pucha ki falgun mas ke krishnapaksh men ki jane vali vijya ekadshi ka vidhan v mahatmya kya hai? kripya bataen. bhagvan shrikrishn bole-ek samay devarshi nardji ne kamlasan par virajman brahmaji se yahi prashn pucha tha. tab brahmaji ne kaha-nard! suno, navmi ko vrat ka niyam lekar dashmi ko sanympurvak rahna chahie aur ekadshi ko nirjal vrat rahna chahie. yah ekadshi vraton men shiromni svarup hai. is din pratahkal hi uthakar bhagvan narayan ka smaran karna chahie aur vicharon ko shuddh rakhna chahie. is din sanym-niyam dharan kar vairagyapurvak rahen. bhog vilas se sarvatha dur rahen. apni indriyon ko unke vishyon se dur rakhakar sanympurvak rahen aur dvadshi ko vrat ka paran karen. is vrat ke sanbandh men ek uttam vrittant sunata hun jo papon ka nash karne vala hai. yah vrat pavitra hai aur pap nashak hai. yah ‘vijya’ nam vali ekadshi rajaon ko vijay pradan karati hai, ismen tanik bhi sandeh nahin hai.
purvakal ke tretayug ki bat hai, bhagvan shri ramchandra ji apne pita dasharath ke vachan ka palan karne hetu chaidah varshon ke lie van men gae aur vahan panchvti men sita tatha lakshman ke sath parnakuti men rahne lage. vahan rahte samay lanka ke raja ravan ne chapltavash maryada purushottam shriram ki tapasvini patni sita ko har liya. us dukh se shriram vyakul ho uthe. us samay sita ki khoj karte hue ve van men ghumne lage. kuch dur jane par unhen jatayu mile, unka antim sanskar kiya. iske bad van men kabandh namak rakshas ka vadh kiya. sugriv ke sath mitrata hui. tatpashchat shriram ke lie vanron ki sena ekatrit ki gai. hanuman ji ne lanka ki ashok vatika men jakar mata janki ka darshan kiya aur shriram ki chihn svarup mudrika pradan ki. mata sita ki khojakar vahan se lautne par shriramchandra ji ko lanka ka sara samachar sunaya. hanuman ki bat sunakar shriram ne sugriv ki anumti le lanka ko prasthan karne ka vichar kiya aur samudra ke kinare pahunchakar unhonne lakshman se kaha, ‘sumitranandn! kis punya pratap se is agadh samudra ko par kiya ja sakta hai? mujhe aisa koi upay nahin dikhai deta, jisse ise sugmta se par kiya ja sake.’ lakshman bole-‘bhagvn! ap hi adi dev aur puran purush purushottam hain. apse kya chipa hai? yahan se thori hi dur par dvip ke bhitar bakdalabhya namak muni rahte hain.
raghukul shreshtha! un pratibhavan munishvar ke pas jakar unhin se iska upay janie.’ lakshman ki yah yukti sangat sundar bat sunakar shriramchandra ji mahamuni bakdalbhya se milne ke lie gae. vahan pahunchakar unhonne mastak jhukakar muni ko pranam kaya. muni unhen dekhte hi pahchan gae ki ye koti-koti brahmand nayak sachchidanand svarup jagdadhar shriram hain, jo kisi karanavash manav sharir men avtrit hue hain. unke padarpan se maharshi ko param anand hua. unhonne pucha, - ‘shriram! apka yahan agaman kaise hua?’ shriram bole ‘brahmana! apki kripa se rakshason sahit lanka par vijay prapt karne ke lie sena ke sath samudra ke kinare aya hun. mune! ab bhayankar jal jantuon se bhare hue agadh samudra ko kis prakar par kiya ja sake, vah upay bataiye. mujhe apna snehashish pradan kijie.’ vitragi muni bakdalabhya ne kaha-‘shriram! falgun ke krishn paksh men jo vijya nam ki ekadshi hoti hai, uska vrat karne se apki vijay hogi. nishchay hi ap apni vanar sena ke sath samudra ko par kar lenge. rajn! ab is vrat ki faldayak vidhi sunie. dashmi tithi ane par ek kalash ki sthapna karen.
vah svarn, rajat, tamra athva mitti ka ho sakta hai. us kalash ko jal se purn kar usmen akshat, supari aur dravya dalakar us par panch pallav rakhen. uske upar patra men akshat bharakar us par bhagvan narayan ke svarnamay vigrah ki sthapna karen. fir ekadshi ke din pratahkal snan karen. kalash ko punah sthirtapurvak sthapit karen. mala, chandan, supari, nariyal, gandh, dhup, dip aur nanavidh naivedya se pujan karen. kalash ke samne baithakar din bhar uttam katha varta adi men samay vyatit karen tatha ratri men jagaran karen. akhand vrat ki siddhi ke lie ghrit ka akhand dipak jalaen. fir dvadshi ke din suryoday hone par us kalash ko kisi jalashay ke samip, nadi, jharne ya talab ke tat par le jakar sthapit karen aur uski shodshopchar puja karke dev-pratima sahit use vedvetta brahman ko dan kar den. kalash ke sath hi aur bhi bare-bare dan dene chahie. shriram! ap apne yuthptiyon sahit isi vidhi 2 farvri (basant panchmi): yah tyohar magh shukla panchmi ke din manaya jata hai. is din vidya ki adhishthatri devi mahasarasvati ka pujan bhi kiya jata hai. is varsh panchmi ke sath brihaspativar ka sanyog hone se sarasvati pujan ke lie bahut hi uttam muhurt hoga. iske atirikt puran samuchchay ke anusar is din basant svarup kamdev evan rati ka abir, gulal aur pushpon se pujan karne se grihasth jivan men vishesh sukh shanti banti hai.
farvri mas ke pramukh vrat tyohar
13 farvri (magh purnima): magh purnima ka vrat maha punyadayak hota hai. is din pavitra tirthon men snan dan ka bara mahatva hai. iske atirikt bhagvan vishnu ka pujan, apne pitron ke nimitt shraddh, tarpan, din-dukhiyon ko bhojan karane tatha vastradi sevabhav se dan karne se vishesh punyafal ki prapti hoti hai. katha shravan karke vrat purn karna chahie.
26 farvri (mahashivratri): yah vrat falgun krishn chaturdashi ko kiya jata hai. tithiyon men chaturdashi tithi ke svami shiv hain. yah bhagvan shankar ki priya tithi hai. is tithi ko ratri ke samay vrat evan pujan karne se bhagvan devadhidev mahadev shiv bahut prasann hote hain.
shastron ke anusar falgun krishn chaturdashi ko arddh ratri men karoron surya ke tej ke saman maha jyotirmay ling ka pradurbhav hua tha, islie is mahaparva shiv ratri ka vishesh mahatmya hai. shiv ratri ka vrat pratyek vyakti ko avashya karna chahie. se prayatnapurvak vijya ka vrat kijie. isse apko vijay prapt hogi.’ brahmaji kahte hain-‘nard! yah sunakar shriram ne muni ke vachnanusar vijya ekadshi ka vrat kiya. us vrat ke prabhav se shri ramchandra ji vijyi hue. unhonne sangram men ravan ko mara, lanka par vijay pai aur sita ko prapt kiya. putra! jo log is vidhi se vrat karte hain, unhen is lok men vijay prapt hoti hai aur unka parlok bhi sudhrta hai.’ bhagvan shrikrishn kahte hain- ‘yudhishthir! is karan vijya ka vrat avashya hi karna chahie. yah mahan fal dene vala hai. is prasang ko parhne aur sunne se bajpey yagya ka fal milta hai.’