vartaman men shri narendra modi bhajpa ke sabse shaktishali evan sabse lokapriya neta ke rup men ubhar kar samne aye hain. aj ke samay men unki barabri karne vala koi dusra neta nahin hai. bhajpa ki chunavi ranniti bhi narendra modi par adharit hai chahe kendra ke chunav hon ya rajyon ke chunav hon mukhya chehra modi hi hote hain. narendra modi ke netritva men bhajpa ko 2014 ke loksbha chunav men apratyashit vijay mili, uske bad anek rajyon men modi ke netritva men chunav larne se bhajpa ko shandar saflta mili. parantu farvri 2015 men dilli pradesh ke chunavon men bhajpa ko har ka samna karna para. us samay virodhiyon ko modi ko gherne ka mauka mil gaya.
halanki har ke jo bhi karan rahe hane, kintu aisa achanak kyon ho gaya. is sanbandh men modi ki grah dasha, gochar se pata chalta hai ki yah har kyon hui. modi ji ki 3 janvri 2015 tak chandrama men guru ki antardasha chal rahi thi. chandrama bhagyesh hokar lagnesh ke sath yuti sanbandh hone se prabal raj yog bana raha hai. dusri or brihaspati bhi panchmesh hokar chandrama tatha lagn se kendra men hone se atyant shubh hai. jab tak inki chandrama men brihaspati antardasha rahi tab tak inka vijyi rath chalta raha. parantu jaise hi chandrama men shani ki antardasha praranbh hui vaise hi inka vijyi rath dilli men ruk gaya kyonki vrishchik lagn tatha rashi ke lie shani yogkarak grah nahin hai evan gochar men shani chandrama ke upar gochar karne se atyant ashubh ho raha hai.
chandrama aur shani apas men shatru bhi hain jiske karan chandrama men shani ki antardasha men inki dilli men har hui tatha age 14 march 2015 se 2 agast 2015 tak shani ke vakri avastha men hone se virodhi paksh ke arop-pratyarop ke karan inko atyant mushkilon ka samna karna para. aktubar 2015 men bihar vidhan sabha ka chunav hoga tatha is chunav men shri narendra modi hi parti ka chehra rahenge. is sanbandh men unki grah dasha unke lie kaisi rahegi is sanbandh men vichar karenge. vartaman men inki chandrama men shani ki antardasha men shukra ki pratyantardasha 3 navanbar 2015 tak rahegi, chandrama men shani ki antardasha men shukra ki pratyantardasha achchi rahegi kyonki shani bhi ab margi ho gaye hain tatha shani shukra donon mitra hokar dasham sthan men sthit hain.
islie yah dasha avdhi modi tatha bhajpa ke lie pahle se behatar rahegi. isi avdhi men ye bihar men chunav prachar karenge. inko apne chunav pracharon men dhire-dhire saflta prapt hoti najar ayegi. jaise-jaise chunav najdik ayega vaise-vaise bhajpa ka graf barhta jayega. lagabhag jab chunav ke natije ayenge us samay ka grah gochar bhi shubh pratit hota hai. 4 navanbar se chandrama men shani ki antardasha men surya ki pratyantardasha praranbh hogi. surya dashmesh hokar labh sthan men labhesh ke sath sthit hai jo ki shubhfldayak rahega.
vahin dusri or gochar men mangal aur shukra 4 navanbar se labh bhav men gochar karenge jiske falasvarup bihar chunavon men narendra modi ke netritva men bhajpa ke saflta milne ki achchi sanbhavna hai tatha sushil modi bhajpa ke mukhyamantri ban sakte hain. shri nitish kumar ji ki vartaman samay men rahu ki mahadsha men guru ki antardasha chal rahi hai. piche jab inki rahu men guru ki antardasha julai 2014 se aranbh hui usse thore hi samay pahle inki lok sabha chunav men karari har hui tatha inhen apne pad se tyag patra bhi dena para. abhi age rahu men guru ki antardasha 17 disanbar 2016 tak rahegi.
yah antardasha inke lie kharab rahegi, kyonki inka mithun lagn hai aur is lagn ke lie brihaspati markesh, badhkesh hone se ashubh hota hai jiske karan inhen brihaspati adhik shubh fal pradan nahin karega, koi bari saflta prapt hone men sandeh hai. iske karan se inki age mukhyamantri banne ki sanbhavna kam hai. yah akalan jyotishiya grah, nakshatron ke adhar par kiya gaya hai. vastav men purn satya bhavishyavakta to parmeshvar hain.