pratyek yakti ke man men yah janne ki utsukta hoti hai ki use vahan kab prapt hoga. janmapatrika men vahan sukh ka adhyayan chaithe aur gyarhven bhav se kiya jata hai. vahan ka karak grah shukra mana gaya hai. vyakti ko vahan sukh chaturthesh aur ekadshesh ki dasha men bhi prapt hota hai. yadi chaturthesh barhven bhav men ho, to vyakti vahan ke lie chintit dekha jata hai.
chaturth bhav men guru uchch ka ho, to dakshina men vahan milta hai. dekhie nimn janmapatrika. is vyakti ko shani men budh ki antardasha ane par vahan prapt hua. budh gyarhven sthan men shukra ke sath hai. ise karak grah shukra ke karan vahan prapt hua. chalit chakra men surya uchch rashi mesh men a jata hai evan gyarhven bhav ko dekh raha hai. is karan gyarhvan sthan bali hai tatha bhagya ki dasha men chaturthesh ki antardasha thi. atah yah ek balvan vahan yog siddh hua. gyarhven ghar men guru hone ke karan is vyakti ko dhan aur vahan prapti ke vishesh yog hanai.
dashmesh bhi gyarhven bhav men hai. atah yah pita ki sudrirh sthiti ka suchak hai. ashtamesh chaturth sthan men vahan se durghatana ka yog banata hai. kintu mitra rashi men hone ke karan yahi yog durghatana se bachata bhi hai. lagnesh bhi gyarhven sthan men hai. atah is janmapatrika vale vyakti ka jivan abhi tak sucharu rup se chal raha hai env anandamay jivan vyatit ho raha hai. vyayesh chaithe sthan men ho, to vyakti svayan uparjit dhan se vahan kharidta hai. labhesh, saptamesh tatha tritiyesh chaturth bhav men hon tatha saptamesh ki dasha ho, to vyakti apne mitron ke vahan ka upyog karta hai. ashtamesh chaturth bhav men ho, to vahan durghatana ka yog banta hai.
shashthesh chaturth bhav men ho, to vahan ke karan jhagra hota hai. saptamesh chaturth bhav men ho, shubh grah sath men ho, to vivahoprant vahan sukh prapt hota hai. panchmesh chaturth bhav men ho, to chaturthesh ki dasha men achanak vahan prapti ka yog banta hai. vahan nimn prakar ka hogaah saikil: chaturthesh shukra ke sath ho, to saikil milti hai, ya chaturthesh ki dasha ho aur chaturth chathven, ya barhven bhav men ho. motar saikil: chaturthesh ki dasha ho aur usko shukra, ya guru dekhta ho, to motar saikil adi ka yog banta hai. lagnesh, pap grah ho kar, chaturth bhav men ho, ya chaturthesh ki dasha ho, tabbhi motar saikil prapt hoti hai.
kar: gyarhven bhav ki dasha men chaturthesh ho, lagnesh aur gyarhven ka malik chaturth bhav men ho aur chaturthesh bhagya bhav men ho, to kar ka sukh prapt hota hai. vayuyan: lagnesh ki dasha men gyarhven bhav ki antardasha ho, usmen chaturthesh ki pratyantardasha ho, gochar men lagn men lagnesh, chaturthensh, ekadshesh, bhagyesh lagn, ya chaturth bhav men ho evan guru kendra men, shukra kendra, ya barhve bhav men ho, tab vayuyan sukh ka yog banta hai. iske sath kundli men uchch prakar ke rajyog aur lakshmi yog hona jaruri hai.
pani ka jahaj: ashtam bhav, ya lagn men ketu ho, chandrama ashtam men ho, shukra barhven bhav men ho, guru pancham bhav men ho, chandrama purn bali ho, ketu bali ho tatha nepchyun bali ho, lagnesh ki dasha men ashtamesh ki antardasha ho, ashtamesh chandra ho, ashtam bhav men chandra, ya ketu ki drishti ho, tab pani ke jahaj ka sukh milta hai. iske lie bhagyesh aur lagnesh bali hona atyant avashyak hai.