22-23 julai 2006, hindu samaj, bainkak, thailaind 30 julai 2006, khalsa aeditoriyam, singapur bharat adikal se vedon ke lie vishva men prakhyat raha hai. vaidik yug men bharat men vigyan apne charmotkarsh par tha, kintu mahabharat yuddh ke pashchat sab kuch nasht ho gaya aur vigyan purnatah lupt ho gaya. jyotish vigyan evan ayurved bhi us samay apne chararmotkarsh par the. aj punah jyotish evan ayurvigyan ki or vaigyanik asha bhari drishti se dekhne lage hain.
hal hi men ek samachar patra men prakashit samachar ke anusar jyotish ko mausam vigyan ki bhavishyavaniyon ke lie sahi paya gaya aur is disha men yah ab ek vishvasniya adhar mana ja raha hai. mausam vaigyanikon ka manna hai ki adhunik upkrnon se jo mausam ki jankari li jati hai, vah 30-40 pratishat se adhik thik nahin hoti jabki grahon ke anusar lagae gae anuman 60-70 pratishat tak sahi utrte hain.
grahon ki sthiti aur gati ke anusar mausam ki lanbe samay tak ki bhavishyavani ki ja sakti hai. akhil bhartiya jyotish sanstha sangh jyotishiya sansthaon ka bharat ka ekmatra sabse bara sangh hai. jyotish ki saikron sansthaen iski sadasya hain. is sangh ka karya jyotish ki shiksha dena aur iska desh-videsh men prachar-prasar karna hai. is sangh ki 125 se adhik shakhaen pure bharat men faili hain. nepal, amerika aur kanada men bhi iski shakhaen faili hui hain. iske 10 hajar se adhik vidyarthi hain aur saikron vidyarthi jyotish ke vibhinn vishyon ke shodh karya men rat hain.
akhil bhartiya jyotish sanstha sangh kanpyutar jyotish jagat men agrani sanstha fyuchar paeint ke sath milakar videsh men do sammelnon ka ayojan karne ja raha hai - pratham do divsiya sammelan bainkak men aur dvitiya ek divsiya sammelan singapur men. ismen bharat se lagabhag 100 jyotirvid bhag lene ja rahe hain.
sammelan ke mukhya uddeshya hain
- bhartiya jyotish evan prachya vidyaon ka videshon men prachar-prasar.
- dusre deshon ke jyotish ke prarup ko samjhna evan bhartiya jyotish ke sath uska tulnatmak adhyayan.
- yah dekhna ki bhartiya jyotish videsh men kitna karagar hai.
videsh men paida hue jatkon par sthan parivartan ke karan iska faladesh satik baithta hai ya nahin, iska adhyayan.
- jyotish evan bhartiya prachya vidyaon ke prashikshan kanedra videshon men kholna.
- jyotish men kie ja rahe shodhon ki vishay vastu evan karyashaili par vichar aur uski jankari videshon men dekar vahan ke jyotirvidon ko shodh ke lie prerit karna.
- anya deshon ko jyotish ke nai dishaon men prayog ka mahatva batana
- jyotish ka upyog keval jatak ka bhavishya batane ke lie hi nahin kiya jata, balki iske anek janakalyanarth upyog bhi kie ja sakte hain jaise mausam ki jankari, sheyar bajar evan khadyannon ke utar-charhav aur jatak ke svasthya ki jankari adi.
thailaind men jyotish ki char sansthaen, thai-indiya kalcharal ikaenaemik koaepreshan esosieshan, d estraelaejikal esosieshan aef thailaind, d fedreshan aef estraelaejars end thai tredishanal medisin esosieshan aur d intrneshanal estraelaejars esosieshan, milakar bainkak ke hindu samaj-dev mandir men is antarrashtriya jyotish sammelan ka ayojan kar rahi hain. d estraelaejikal esosieshan aef thailaind ke adhyaksh acharya thanakon sinksem, d intrneshanal estraelaejars esosieshan ke adhyaksh acharya pinyo pungacharan, aur d fedreshan aef estraelaejars end thai teªdishanal medisin esosieshan ke adhyaksh acharya duangsuriyanid ke pratinidhitva men lagabhag 500 jyotirvid is sammelan men bhag lenge.
thailaind ke purva pradhanmantri aur thai-indiya kalcharal ikaenaemik koaepreshan esosieshan ke adhyaksh janaral chavlit yanegchaiyudh evan thailaind men bharat ke rajdut ech.i. vivek katju donon milakar dinank 22 julai, 2006 ko pratah 10 baje is jyotish sammelan ka udghatan karenge. singapur men jyotish sammelan ka ayojan khalsa aeditoriyam men fyuchar paeint evan singapur ke mashhur ivent aergenaijar omega paeint ke sanyukt tatvavdhan men kiya jaega.
omega paeint ki adhyaksha jaikyulin ne singapur ke jane mane jyotirvidon v vastu shastriyane ko is samaroh men amantrit kiya hai. sammelan men jin vishyon par paricharcha hogi unmen mukhya hain
- donon deshon ke panchangon evan fal kathan vidhiyon men antar, bhaugolik sthiti men parivartan ke sath vastu kathan men antar, bhavishya kathan ki kala aur achche svasthya, sukh evan samriddhi ki prapti men yantra aur mantra ki upadeyta. mansun ka faladesh kaise kiya jata hai is par vishesh charcha hogi.
sheyar bajar, mudra bajar, sarrafa, khadyann evan tel-tilahan adi men utar-charhav ki bhavishyavani ki taknik par bhi vishesh charcha hogi. sath hi vahan ke jyotishiyon ko is kshetra men shodh karne ke lie prerit kiya jaega. gauratalab hai ki akhil bhartiya jyotish sanstha sangh ne hriday rog par aise kai shodh kie hain jinse yah pata lagana asan ho jata hai ki kisi vyakti ko kis samay hriday rog ka daura parega.
sammelan men is silsile men ek saeftaveyar ka pradarshan bhi kiya jaega. bhojan ke dvara rog ke nidan par dae. ved prakash garg apna vishesh vaktavya denge. ve bharat ki prachin chikitsa paddhati ayurved par bhi prakash dalenge. iske alava upasthit jansmuh ki samasyaon ka jyotishiya samadhan kiya jaega. is prakar vaidik gyan jansmuh tak pahunchega evan jyotirvid bhi dusre desh men is vigyan ke upyog ki jankari prapt kar paenge.
asha hai is prakar ke antarrashtriya ayojan jyotish jagat men ek nai pahal ki shuruat karenge aur jyotish ko vishva men punah sthapit karenge.