uttar disha ka gard rum ay men badhk hoteta h pan. gopal sharma pichle hafte ek bainkvit hael ka nirikshan kiya gaya. uske svami ne bataya ki nirman karya bahut samay laga hai aur har kam men badhaen ati rahi hanai. jab se banana shuru kiya hai, kafi arthik samasyaen bhi ai hain aur ab iske banne ke bad bhi paison ki tangi hai. aerdar buking ke lie log puchtach karte hain par antim samay men bat age nahin barhti. vastu nirikshan karne par nimnalikhit dosh pae gae: plaet ka mukh uttara-purva ki or tha aur mukhya pravesh dvar bhi uttara-purva men tha, jo sukh-samriddhi evan vikas ka suchak hai. parantu uttar ke kone men gard rum tha, jisse vah kona band tha. yah ek ganbhir dosh hai jiske falasvarup paise ate-ate rah jate hain. purva evan dakshin purva men pipal ka per tha, jiski tahniyan bilding tak pahunchti thin, evan unki chaya bhi bilding evan plaet donon par par rahi thi. yah dosh bhi ay men badhak hota hai. dakshin-pashchim men bhi ek dvar tha. is dosh ke falasvarup har kam men avashyakta se adhik samay lagta hai aur badhaen ati hain. plaet pichla bhag dakshin-pashchim men tha, jo dhaka hua tha aur bilding se jura hua tha. isse dakshin-pashchim nicha evan halka ho gaya tha. yah bhi arthik tangi, svasthya hani, anchahe kharch evan mansik tanav ka karak hota hai. bilding ke bhutal ka dakshin kona kata hua tha. sirhiyon ke niche ka hissa band tha, use stor banaya hua tha. sirhiyan vikas ki karak mani jati hain aur unke niche se band hone se vikas men badha ati hai. sujhav: uttar ke kone men bane gard rum ko hatane ko kaha gaya aur avashyak ho to alag se lakri ya pivisi ka bana banaya kamra divar se hatakar lagane ko kaha gaya. pipal ke per ki tahniyan katvane ko kaha gaya jo bilding evan plaet par a rahi thin. uski chaya ki nakratmakata ko kam karne ke lie ek bara unnatodar darpan uski samne vali divar par lagane ko kaha gaya. dakshin-pashchim men bane dvar ko turant band karne ki salah di gai. dakshin-pashchim ke chat ke hisse ko bilding se alag karke kavar karne ko kaha gaya. bhutal men pashchim ke hisse men divar khari karne ko kaha gaya jisse dakshin ka barha hua hissa thik ho sake evan bhutal aytakar ho sake. pashchim ki taraf bhi darvaja tha, jisse divar banane ke bad piche ka kamra istemal kiya ja sakta tha. sirhiyon ke niche bane band stor ko kholne ko kaha gaya evan halka saman rakhne ki salah di gai kyonki ve sirhiyan uttar men bani thin. uttar men sirhi hone se bhi ay ke badhit hone ki sanbhavna bani rahti hai evan punji nivesh ka samay par pura labh nahin milta. parantu pashchim men bhi sirhiyan bani thin, jo is bhar ka asar kuch kam karti hain. bainkvit hael ke svami ko vastu ke anukul ukt sujhavon ko jald se jald karyanvit karne ko kaha gaya taki unki samasyaen yathasanbhav dur ho saken.
Kya aapko lekh pasand aaya?
Subscribe