vastu shastra-dosh, vyadhiyan evan rog maharshi babulal shastri vastu dosh se mukti ke lie panchatatva prithvi, jal, agni, vayu evan akash charon dishaen purva, pashchim, uÿar, dakshin tatha charon kon naitya, ishan, vayavya, agni evan brahm sthan (kendra) ko santulit karna avashyak hai. bhavan men uÿar purvi bhag ka sanbandh jal tatva se hota hai atah svasthya ki drishti se kisi bhi manav ke sharir men jal tatva ke asantulit hone se anek vyadhiyan utpann ho jati hain.
atah uÿar purva ko jitna khula evan halka rakhenge utna hi achcha hai is disha men rasoi ka nirman ashubh hai rasoi nirman karne par udar janit rogon ka samna karna parta hai parivar ke sadasyon men tanav bana rahta hai is disha men yadi bhumigat jal bhandaran ki vyavastha ho to ghar men ane vali jalapurti ki paip bhi isi disha men hona shubh hai. bhavan men ishan kon kata hua nahin hona chahie. kon kata hone se bhavan men nivas karne vale vyakti rakt vikar se grast ho sakte hai yaun rogon men vriddhi hoti hai prajanan kshamata dushprabhavit hoti hai.
ishan kon men yadi uÿar ka sthan adhik uncha hai to us sthan par rahne vali striyon ke svasthya par bura prabhav parta hai. ishan ke purva ka sthan uncha hone par purush dushprabhavit hote hain parivar ka koi sadasya bimar ho to use ishan kon men munh karke dava ka sevan karane se jaldi svasthya labh milta hai. bhavan ke dakshin-purva disha ka sanbandh agni tatva se hota hai jise agni kon mana gaya hai. is disha men rasoi ka nirman karne se nivas karne vale logon ka svasthya thik rahta hai agar is disha mane jal bhandaran ya jal strot ki vyavastha ki jati hai to udar rog, ant sanbandhi rog evan piÿa vikar adi bimariyon ki sanbhavna rahti hai.
dakshin-purvi disha men dakshin ka sthan adhik barha ho to parivar ki striyon ko sharirik aur mansik kasht hote hain. purvi disha men dakshin ka sthan adhik barha ho to parivar ki striyon ko sharirik aur mansik kasht hote hain. purva ka sthan barha hua hone se purushon ko sharirik pareshaniyon ka samna karna parta hai. dakshin-pashchim bhag ka sanbandh prithvi tatva se hota hai atah ise jyada khula nahin rakhna chahie is sthan ko halka v khula rakhne se anek prakar ki sharirik bimariyon evan mansik vyadhiyon ka shikar hona parta hai. nivas karne vale sadasyon men nirasha tanav evan krodh utpann rahta hai atah is sthan ko sabse bhari rakhna shreshthakar hai yah bhag bhavan ke anya bhagon se kata hua nahin hona chahie varna madhumey ki bimari, jyada sochna aticheshta tatha ati jagrukta jaisi vyadhiyan utpann hoti hain.
dakshin-pashchim men dakshin ka bhag adhik barha hua athva nicha ho to usmen nivas karne vali striyon ke mansik svasthya par viprit prabhav parta hai pashchimi bhag agar adhik barha hua aur adhik nicha ho to purushon ke mansik svasthya par viprit prabhav parta hai. atah dakshin-pashchim ke kon ko n to barhayen aur n chota karen. is sthan ko bhavan men sabse jyada bhari rakhna shubh hai. bhavan ke uÿar-pashchim bhag vayavya kon ka sanbandh vayu tatva se hota hai manav ke pranon ka vayu se sidha sanbandh hai atah is sthan ko khula rakhna shubh hai is sthan men bhari saman nahin rakhna chahie evan bhari nirman bhi nahin karvana chahie.
bhari nirman karvane se vayu vikar tatha mansik rogon ki sanbhavna barh jati hai. iske dharatal ka uÿar-purva ke apeksha thora uncha kintu dakshin-purva evan dakshin-pashchim se kuch nicha hona shubh hai. bhavan ke is bhag men upar ka sthan adhik bara hone se parivar ki striyon ko tvacha sanbandhi rog jaise egjima, elarji adi bimariyon ki sanbhavna rahti hai. uÿar ki apeksha yadi pashchim ka sthan adhik barha hua ho to purushon ko sharirik vyadhiyan hone ki sanbhavna rahti hai.
vastu shastra men bhavan ke madhya ya kendra brahm sthan ko ati mahatvapurn mana gaya hai. vastu men iska vahi mahatva hai jo manav sharir men nabhi ka hota hai. akash tatva se sanbandhit hone ke karan is sthan ko khula chorna shreyaskar hota hai. is sthan par kisi bhi prakar ki gandgi hone se nivas karne vale praniyon ko svasthya sanbandhi pareshaniyan bani rahti hain is sthan par visheshakar shauchalay sirhiyan athva gatar, saiptik taink adi ka nirman nahin karana chahie anyatha shravan dosh paida hote hain evan vikas karya prabhavit hote hain brahm sthan khula rakhne se anek pareshaniyon se mukti milti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!