abhi hal men hi ek vyavsayi parivar ke yahan se unki kothi ke vastu parikshan ke lie ludhiyana se bulava aya. 5 varsh purva inki panch badi-badi faiktriyan thin tatha parivar har drishtikon se ati samriddh tha. kintu ghar ke malik ka kahna tha ki jab se ye is nayi kothi men shift hue hain tabhi se bhagya mano unse ruth si gai hai tatha ve nirantar durbhagya ke shikar ho rahe hain. pichle panch varshon men inki tin faiktriyan band ho gain, ek putra ka asamyik nidhan ho gaya, beti 34 varsh ki hokar kunvari baithi hai, jo do faiktriyan bachi hain, unmen bhi lagatar pareshaniyan bani rahti hain. inhonne kaha ki inhen apni kothi ko renovet karna hai atah todfod karne men inhen koi dikkat nahin hai, sirf inhen pareshani se chutkara chahie. - kothi ka mukhya darvaja dakshin disha ke madhya se hona. - unki kothi ke mukhya darvaje yani dakshin disha ke samantar bade nale ka pravah. - bedrum 3 jo ki mastar bedrum hai, uttara-pashchim men avasthit hai. is karan akaran inhen hamesha ghar se bahar yatra par jana padta hai. - bedrum 2 jo dakshin-purva men avasthit hai, ismen inki avivahit putri rahti hai. - living eriya, dayning, foyar, balkani, garden adi ka kshetra dakshin disha men atyadhik khula hona. - kichan dakshin-pashchim kshetra men avasthit hona - stor rum galat sthan par uttara-purva men avasthit hona - ilektrikal fitings ka stor rum ke andar uttara-puv hi hona. - purva-pashchim ki tulna men uttara-dakshin ki lanbai adhik hona. vastu dosh dur karne hetu sujhav - mukhya darvaja shift karna sanbhav nahin tha kyonki anya tinon dishaon men kothiyan bani hui thin. atah is disha men nala avasthit hone sath hi mukhya darvaja hone ke karan iski nakaratmakata ko yathasanbhav kam karne ke lie divar se satakar maltiyar piramid lagane ka sujhav diya gaya. mukhya darvaje ke niche bhi piramid tatha sath men kristal pensil lagane ki salah di gai. darvaje ke upar tatha dakshin-purva v dakshin-pashchim kone par pakua mirar lagane ki salah di gai taki nakaratmakata ko yathasanbhav samapt kiya ja sake. - kichan ko shift kar dakshin-purva men balkani ki jagah par tatha balkani ko thoda living eriya ki taraf badhakar lane ka sujhav diya gaya. - living eriya ki jagah dayning tatha dayning ki jagah living eriya ko shift karne ka sujhav diya gaya. - kichan men hi upar kabard banakar usmen saman rakhne ka sujhav diya gaya. yutiliti rum ko hata dene ki salah di gai. - pahle ke kichan evan yutiliti rum ko milakar ek bedrum banane ki salah di gai jo ki mastar bedrum hoga tatha ghar ke malik-malkin vahan rahenge. - bedrum 3 jo ki pahle mastar bedrum tha use putri ka bedrum banane ki salah di gai jisse ki uski shadi shighratishighra ho jay. sath hi putri ke rum men piuni flavar rakhne evan 43 dinane tak holistik lainp jalane ki salah di gai. - taylet 2 ko band karne ki salah di gai. - bedrum 2 ke sthan par living rum ko sthanantarit karne ki salah di gai. - ilektrikal fitings ko dakshin-purva kone men shed banakar sthanantrit karne ki salah di gai. - stor rum ko hatakar vahan par garden men baithne ki vyavastha, jhula lagane tatha uttara-purva kshetra men faunten lagane ki salah di gai.
Kya aapko lekh pasand aaya?
Subscribe