vastu evan ank-jyotish dalip kumar vastu shastra jivan jine ki kala hai. vastu ke niyam vaigyanik tathyon par adharit hain. vastu niyamon ke sahi istemal se ghar men rahne vale sabhi vyaktiyon ke jivan men shubh prabhav parta hai. jyotish mane janmakundli men sthit grahon ke adhar par jatak ka bhagya nirdharit hota hai, lekin vastu, bhavan men rahne vale sabhi sadasyon ko prabhavit karta hai.
vastu sammat bhavan men rahne se tatkal parinam nahin milte hain, lekin samay ke sath dhire-dhire shubh fal prapt hone lagte hain. ank-jyotish men ‘9’ ank hote hain, jinka sanbandh nav grahon se hota hai. vyakti ka janmatarikh se mulank gyat kiya jata hai. yadi janmatithi 9 se adhik ho to janmatithi ke ankon ko jorakar mulank bana len jaise janmatithi 14 ka mulank 1$4 = 5 hai. sabhi mulank kisi n kisi grah se prabhavit hote hain. jaise mulank ‘1’ ho to vyakti ke jivan men svami grah surya ka prabhav rahta hai.
yadi vyakti ka mulank ‘8’ ho to uske jivan men svami grah shani ka prabhav rahta hai. pratyek manushya par svami grah ka prabhav jivan bhar rahega v grah se sanbandhit visheshtaen payi jati hain. pratyek mulank v uske svami grah nimnalikhit hain-
mulank svami grah
1 surya
2 chandra
3 brihaspati
4 harshala/rahu
5 budh
6 shukra
7 ketu/nepchyun
8 shani
9 mangl
vyakti ki janmatarikh se mulank prapt kiya jata hai jisse vyakti ke svabhav, ruchi, vyavhar, shakti v arthik sthiti ke bare men pata chalta hai. lekin janmatithi men tarikh, mahina v sal ke ankon ko jorne se bhagyank prapt hota hai. bhagyank se vyakti ke bhavishya men hone vali ghatnaane ki jankari prapt hoti hai. bhagyank ko (kmejapadal chanauimt) bhi kahte hain. jaise, janmatithi 03 julai 1957 ka mulank ‘3’ hai tatha bhagyank 3$7$1$9$5$7 = 32 = 3$2 = ‘5’ hai. mulank v bhagyank ko kabhi bhi kisi prakriya se badla nahin ja sakta hai.
vastu v ank jyotish ka gahra sanbandh hai. vastu niyamon ke anusar yadi makan ka ank parivar ke mukhiya ke bhagyank se mitrata purvak sanbandh rakhta hai to makan parivar ke sadasyon ke lie vishesh labhaprad hota hai. makan ke ank batate hain ki makan men rahne vale vyakti ko makan shubh fal dega ya nahin. makan bar-bar badlna to nahin parega. makan men bhautik sukh-suvidhaen prapt hongi ya nahin. makan men rahne vale sabhi sadasyon men prem bhav hoga ya nahin. makan men rahne vale vyakti ko rog-bimariyan to nahin hongi. kai gharon men parivar ke sabhi sadasya apas men bina bat kiye varshon tak ek hi chat ke niche rahte hain.
makan ka ank apne ap mane bahut mahatvapurn hai jisse makan men rahne valon ke bare men mahatvapurn jankari prapt hoti hai. parivar ke mukhiya ka svabhav, rahn-sahan, vyavhar kaisa hai, yah makan ke nanbar se pata chalta hai. apki jankari ke lie makan ke ankon men rahne vale vyaktiyon ke bare men sankshipt vivaran nimnalikhit hai-
makan-1 men rahne vale vyakti sahsi honge, irade majbut honge. unmen netritva kshamata hogi. sabki baten sunenge, lekin karya apne dimag se nirnay lene ke bad karte hain. svatantra pravriti ke hote hain aur har karya men pahal karne vale honge. vyaktitva akarshit hoga lekin thore ghamandi svabhav ke honge. saÿaa par asin ya saÿaa ke najdik logon se sanpark hoga. kisi uchchapad par karyarat honge. darshanik pravriti ke honge. drirh ichcha shakti vale honge. vyavhar sabhi se mitrata purn hoga lekin man-samman ki ichcha adhik rakhte hain.
makan-2 men rahne vale vyakti shanti priya svabhav ke honge. dusron ki sahayta karne vale honge. yah log kutnitigya hote hain. kisi kam men pahal nahin karenge lekin piche chalenge, har kadam par sath pura dete hain. yah log milnsar hote hai. bhavukta inmen adhik hoti hai, dhairya ki kami hoti hai. utavlapan adhik hota hai. dharmik karyon men barh-charhakar hissa lete hain kisi se shatruta bhav nahin rakhte hain.
makan-3 men rahne vale vyakti dhani, khushhal v aramdayak jindgi vyatit karne vale hote hain yah log sadaiv apne vicharon ko spasht rup se prastut karne vale hote hain. in logon ki kalpanashakti adhik hoti hai. mahatvakankshi hote hain tatha uchchapad par hote hain. ye log gyani, pratibhavan v kanun priya hote hain, inka yash dur-dur tak failta hai bahut dharmik hote hain.
makan-4 men rahne vale anushasan priya hote hai lekin dusron par adhikar jatane vale bhi hate hain hamesha dusron ki seva karne men tatpar rahte hain lekin dhan ko soch-samajhakar kharcha karne vale hote hain tatha sabhi karyon men ek sima tay karke karya karte hain prayah yah log rahasmayi hote hain.
makan-5 men rahne vale vyaktiyon ki soch svatantra hoti hai. yah dusron ke kahne par n chalakar apne man se karya karne men vishvas rakhte hain. badlav pasand, furtile, bahut sari jimmedariyan svikar karne vale, duradarshi, gyani, age ki soch chalte hain. yah log bahut furtile hote hain tatha bahut sari jimmedariyan svikar kar lete hain yah bahut duradarshi hote hain. yah log bahut gyani hate hain tatha jivan men bahut teji se badlav late hain. inke jivan men sthirta nahin hoti hai.
makan-6 men rahne vale kala premi hote hain. ghar parivar se prem karne vale hote hain. sabhi prakar ki jimmedariyan svikar karne vale hote hain. hamesha dusron ki sahayta men tatpar rahte hain samaj premi, sahanubhuti vale, insaniyat se bharpur hote hen. ghar ki sajavat par dhan adhik kharch karte hain. inke ghar men sajavat bahut adhik hoti hai. divaron par kalatmak chitra fulon ki peting lagi hoti hai. khirkiyon v darvajon ke parde saf suthre hote hain. ghar men saf safai bahut adhik hoti hai. kahin kisi prakar ki dhul-mitti najar nahin ati hai. samaj premi hote hain, sabhi se sahanubhuti rakhte hain.
makan-7 men rahne vale buddhiman, shant, lekhak, parhai-likhai men vyast, dhyan yog men lipt, dusron ko samjhne vale, har bat ko gahrai se sochne vale, ekantapriya hote hain. dusron ko samjhne ki koshish karte hain tatha har bat ko gahrai se sochne vale hote hain apna adhik samay ekant men vyatit karte hain. dharmik pravriti ke hote hain, adrishya shaktiyon v tantra-mantra ko samjhne ki koshish karte hain.
makan-8 men rahne vale vyaktiyon men dusron ko parkhne ki kshamata adhik hoti hai. yah vyakti vyaparik buddhi vale hote hain. apne jivan ke lakshya nirdharit karke jivan jite hain. tatha us lakshya ko prapt karne men prayatnashil rahte hain. nyayapriya, sangathanakarta, bhautik sukhon ki chah rakhne vale hote hain. lekin unka ghar ast vyast rahta hai. yah nyayapriya hote hain tatha anya logon se bhi apeksha karte hain ki ve bhi anushasit rahen. achche sangathanakarta hote hain kisi ke sath kabhi anyay nahin karte hain aur n hi chahte hain ki koi anya vyakti unke sath anyay karen.
makan-9 men rahne vale vyaktiyon men bare-bare karyon ko karne ki kshamata hoti hai yah log bahut dayalu hote hain. inmen sahnshilta adhik hoti hai. yah log adhyatmik pravriti ke hote hen. sabhi karyon ko kalatmak tarike se karte hain. dusron ki sahayta men tatpar rahte hain tatha pratyek karya men sanpurnata chahne vale hote hain. yadi vyakti ka bhagyank makan ke ank ka mitra ank hai to shubh fal pradan hote hain aur shatru ank hoga to ashubh fal prapt hote hain niche di gai talika ke anusar jan sakte hain ki bhagyank v makan ka ank mitra hai ya nahin.
mitra-shatru talika ank svami mitra ank shatru ank 1 surya 2,3,4,5 5,8 2 chandra 1,3,7,9 5,8 3 brihaspati 1,3,6,7,9 4,5,8 4 rahu 5,6,8 9 5 budh 1,3,6 2,9 6 shukra 3,9 1,2 7 ketu 1,2,3,9 4,5,8 8 shani 4,5,6 1,2,7,9 9 mangal 1, 2,3,6,7 4,5,8
jivan men jarurat hai jyotishiya margadarshan ki? abhi bat karen fyuchar point jyotishiyon se!