vaibhav lakshmi ki kripa pane ke lie aise manaen dipavli  

vaibhav lakshmi ki kripa pane ke lie aise manaen dipavli priya arora dharm granthon men dipavli ka tyauhar panch din ka mana gaya hai. islie dhanteras se lakshmi ke avahan ki tatha rog, dosh, klesh adi se chutkara pane hetu puja upasna ki prakriya shuru ho jati hai. yadi ap parivarik kalah, daridrata aur badhaon se chutkara pana chahte hain, svasthya, shanti aur lakshmi ki amad chahte hain, to panch dinon tak kathanusar karm karen, manovanchit fal prapt honge. dhanters: yah yamraj ka din bhi kahlata hai. is din yam ko prasann karne se parivar men varsh bhar shanti v sukh kayam rahta hai. yah din svasthya ke devta dhanvantari ka janmadin bhi hai, jo nirog rahne ka vardan dete hain. yam ka vas jal ke kinare hota hai aur dhanavantari samudra manthan ke samay jal se prakat hue the. atah is din jalpujan aur jal men dipdan karna chahie. yadi ghar men ashanti ho, sas-bahu men, pita-putra men, athva pati-patni ke madhya kisi bhi prakar ka kalah ho, santan prapti men badha ho, santan galat marg par ho, bachchon ke vivah men arachan a rahi ho, svayan kuyog se pareshan hon, parivar ke anya sadasyon ko asadhya rog ho, vyapar-vyavsay men barakat nahin ho rahi ho, naukri men pareshani ho, padonnati men rukavten a rahi hon, svayan pitri dosh athva grahane ki pira se grast hon athva rahu v shani grah se pareshan hon, to dhanteras ke din yam devta ki nishthapurvak puja karen. jinhen koi pareshani nahi hai unhen bhi jal ka pujan v dip dan karna chahie. isse pragti ka marg prashast hota hai. dhantereras ko kya karen?n? pareshaniyon se mukti pane ke lie dhanteras se ek din purva ratri men ghar ka mukhiya dakshin disha men sirhana rakhakar aur uske niche nariyal rakhakar soe. pratah uthakar nariyal ko bahar ke kamre men surakshit rakh de. sham ko chah se sat baje ke madhya nariyal aur tel se bhara dipak lekar nadi ya talab ke kinare pahunche. ghat par khare hokar jal ki puja kare, unhen pushp charhae aur yam devta ko pranam karke pahle jal men nariyal chore aur bad men dipak jalakar pani men baha de. is puja se sare kashton se mukti milti hai. rup chaids- yah din man ka mail saf karne arthat jane-anjane men hue papon ka prayashchit karne ka din hai. apnon v parayon se mafi mangne ka yah sarvashreshth din hai. man svachch hoga tabhi lakshmi ki kripa prapt hogi. man ki svachchata ke lie aj ke din janakalyan ke karya karen. garibon ko bhojan karaen, unhen kanbal ya vastra dan karen. bhandara karen. varshabhar ke dan se bara hai rup chaidas ka dan. aise avsron ko n jane den aur yathasanbhav dan den. yad rakhen aj ka dan garibon ke lie hai islie kisi pandit ya pakhandi ko dan n karen. vidyarthiyon ko pustaken dilaen, unhen vastra bhent karen. jarurtmandon ki seva karen, manovanchit fal jarur milega. dipotsava: dipavli ko amavasya hoti hai. yadi ap apne mitron ko prasann rakhna chahte hain, lakshmi ki kripa pana chahte hain to yah vidhi apnana chahie. devtaon, pitron aur lakshmi ko prasann karne ke lie pratah snan karke parivar ki pramukh mahila sadasya chaval ka khir banae aur usmen ghi v meva dale. khir ke gyarah bhag karke pahla bhag gay ko, dusra kanya ko, tisra balak ko, chaitha chiriyon ko, panchvan kaue ko aur chatha kutte ko parose. satvan bhag mandir men aur athvan chat par rakhe. navan bhag tulsi thal par rakhe, dasvan billi ko de aur gyarhvan pipal ko arpit kare. dharm granthon men in sabhi men shrilakshmi ka vas likha gaya hai. kaha gaya hai ki ukt vidhi se upasna karne se man lakshmi prasann hoti hain aur varsh bhar upasak ke ghar men vas karti hain. dhyan rakhen khir parivar ke lie nahin hai, kyonki yah danasvarup hai. dipavli ke din pratah hi gur ki bheli kharid kar laen. use puja sthal par rakhen. roli se bheli par 21 svastik banaen aur ek nariyal ko bheli par rakhakar man se un svastikon ki puja karen. gur men shri ganesh v shri lakshmi ka vas hota hai, kyonki yah ganne se banta hai. lakshmi pujujujan men ne n kya karen?ne?n? mata lakshmi ki chandi ki murti kharid kar laen. murti ke abhav men aisa chandi ka sikka khariden jis par mata lakshmi baithi avastha men hon aur unke donon or hathi hon. shubh samay aur shubh muhurt men sarvapratham shrilakshmi ki us murti ko ganne ke ras aur panchamrit se snan karakar asan par bithaen. dhyan rahe ki lakshmi ka mukh purva athva uttar disha men ho. mata lakshmi ki shraddha aur bhakti se puja-archana karen. unhen safed pushp avashya charhaen. puja un ke asan par baith kar karen. lal chandan ko ghi men bhigokar shrilakshmi ko dhup dikhaen. mata ko chaval ki khir aur halve ka bhog avashya lagaen. unhen mitha pan bhi bhent karen. puja ke samay ghar mukhiya shvet ya krim rang ke vastra pahne. mahilaen gote ki sari pahnen, pata - di-14, dvitiya tal kalkaji, nayi dilli-19 mo. 9350883033 solah shringar karen aur pujan men baithen. is avasar par mahalakshmi ashtak stotram ka path avashya karen. govardhan puja: govardhan puja se parivar men dhan-dhanya ki vriddhi hoti hai aur shani ki pira se chutkara milta hai. shani grah se pirit vyakti gobar se bane govardhan ji ke baen bhag men tel ka dipak jalae, unhen namaskar kare aur shani ki pira dur karne ki prarthana kare. shani grah ki shanti ka yah achuk upay hai. dhyan rahe, tel men chutki bhar haldi avashya dalane. ath mahalakshmi ashtak stotram namastestu mahamaye shripithe surpujite. shankhachakragdahaste mahalakshmi namo'stute.. namaste garudarurhe kolasurbhyankri. sarvapap hare devi mahalakshmi namo'stute.. sarvagyae sarvavrde sarvadushtabhayankri sarvaduah khahre devi mahalakshmi namostute.. siddhibuddhiprade devi mahalakshmi bhukti-bhuktipradayini. mantrapute sada devi mahalakshmi namostute.. adyantarahite devi adyashaktimheshvari. yogje yogasambhute mahalakshmi namo'stute.. sthulsukshmamaharaudre mahashaktimhodre. mahapaphre devi mahalakshmi namo'stute.. paùasanasthite devi parabrahmasvarupini. parmeshi jaganmartamahalakshmi namo'stute.. shvetambaradhare devi nanalankarbhushite. jagatsthite jaganmatarmahalakshmi namo'stute..