panchapakshi shastra am jivan men ati upyogi hai. apne janmapakshi ki uchit gatividhiyon vale samay ka chayan karke jivan ke har kshetra men saflta prapt ki ja sakti hai. iske alava iske adhar par har din sabse bure samyavdhi ka bhi gyan ho jata hai. us kalavdhi men satarkata baratakar tatha mahatvapurn karyon ko kuch samay ke lie sthagit kar nuksan athva asflta se bacha ja sakta hai. janmapakshi ke adhar par anukul samay men chahe koi bhi mahatvapurn karya kiya jay, uski saflta ki sanbhavna shat-pratishat hoti hai. shukla paksh evan krishn paksh men har vyakti ke janmapakshi ke anusar kuch din evan ratri bali hote hain. yadi apne bali din evan ratri men hi apne mahatvapurn karya kie jaen to kafi behatar hai. yadi aisa sanbhav nahin hai to vikalp ke taur par apne janmapakshi ke mitra pakshi ke bali din athva ratri ka chayan kar apne mahatvapurn karya sanpadit kar sakte hain. yadi yah bhi karna sanbhav nahin hai to kisi bhi din athva ratri ko kam se kam itna to kar hi sakte hain ki apne athva mitra pakshi ki uchit gatividhi evan upgtividhi ke dauran karya sanpadit karen. kya karen jab kisani adhikari ke sath avashyak miting ho har vyakti ko kisi karya ke lie sarkari adhikari athva apne vyavsayik uddeshya se kanpni adhikari athva grahak adi ke sath mahatvapurn miting karni hoti hai.
miting men apka varchasva bana rahe tatha apke manonukul parinam aen iske lie apko nimnalikhit tarike apnana chahie:
1. yathasanbhav koshish karen ki miting us din rakhi jay jis din apka janmapakshi shasan karne ki gatividhi men sanlagn ho. yadi miting ke samay upgtividhi bhi shasan karne ki hi ho to miting ka parinam nishchit taur par apke paksh men jaega.
2. jis vyakti ke sath apki miting ho rahi hai yadi uska bhi janmapakshi ap vala hi ho to ap us par varchasva sthapit karne ke lie do karya kar sakte hain. ap apne janmapakshi ke sarvashreshth rang ke vastra pahan sakte hain athva janmapakshi ke bali disha men abhimukh hokar miting men baith sakte hain athva donon kar sakte hain. aisa karne se bhi miting ka parinam apke paksh men jaega.
3. jab bhi mahatvapurn miting karni ho to us vyakti ka janm vivaran gyat kar uske janmapakshi evan miting ke samay uski gatividhi ka nirdharan kar len. tulnatmak rup se jab apka janmapakshi usse bali ho tabhi miting ka samay rakhne ka prayas karen. yadi uska janm vivaran gyat nahin hai to uske namakshar ke adhar par uske janmapakshi ka nirdharan karen.
4. yadi miting ka din apke man-mutabik rakhna sanbhav n ho to jis kisi bhi din miting rakhi gai ho us din kam se kam apne janmapakshi ki uchch gatividhi ka samay nishchit karen athva apne pakshi ke mitra pakshi ka samay nirdharit karen. aisa karne se bhi labh hoga. kapre apne janmapakshi ke rang ke anurup pahnen tatha pakshi ke anukul disha men abhimukh hokar hi miting men baithen. jaeb athva intaravyu jaeb athva intaravyu ke lie ae din bulava ata rahta hai, athva ap avedan karte rahte hain. kuch log pahli bar naukri ke lie avedan karte hain athva intaravyu ke lie jate hain to kuch log naukri parivartan karna chahte hain islie avedan karte hain athva intaravyu ke lie jate hain. kai bar pratibhagi ko ek hi din intaravyu ke lie do-tin sthanon se bulava a jata hai. in in sari sthitiyon men kya kiya jay jisse saflta prapt karne ke avasar shat-pratishat rahen?
panchapakshi shastra ke siddhanton ke anusar ap yadi nimnankit baton ka dhyan rakhen to saflta apke kadam chum sakti hai-
1. jaeb ke lie avedan us din karen jis din apka janmapakshi shasan karne ki gatividhi sanpadit kar raha ho.
2. din ka chayan ho jane ke uprant us din us samay ka chayan karen jab apke janmapakshi ki gatividhi evan upgtividhi donon shasan karne ki chal rahi ho. yadi yah samay chunna sanbhav n ho to apne janmapakshi ke khana khane ki gatividhi/ upgtividhi ke samay ka chayan kar sakte hain.
3. intaravyu ka samay nishchit karna to apke hath men nahin hai kintu ghar se niklne ke samay ka dhyan to ap rakh hi sakte hain. koshish karen ki ap ghar se us vakt niklen jab apka janmapakshi achchi/shubh gatividhi-upgtividhi men sanlagn ho. yadi shubh gatividhi-upgtividhi evan intaravyu ke samay ke bich kafi antar ho tatha apko aisa karna vyavharik n lage athva lage ki ghar se jane ke bad 1-2 ghante intjar karna parega to ap shubh gatividhi ke samay men ghar se taiyar hokar niklen tatha apna pen athva rumal adi ghar se bahar kahin pas ke dukan vagairah men rakh den tatha ap ghar vapas a jayen. ap yathasamay ghar se intaravyu ke lie niklen tatha apne bahar rakhe hue saman ko vapas lekar intaravyu ke lie chale jayen.
4. yadi ek hi din do-tin jagah se intaravyu ke lie bulava a gaya ho tatha usmen se apko ek ka chayan karna ho to ap yah dekhen ki jis samay tinon ke lie patra aya tha us samay apka janmapakshi kin-kin gatividhiyon men sanlagn tha. jis patra ke prapt karne ke samay apka janmapakshi tinon men se sarvashreshth gatividhi men sanlagn hoga, usi intaravyu ke lie jayen to saflta nishchit rup se milegi. ho sakta hai ki patra apko tin alg-alag dinon men prapt hon. tinon dinon men ap apne janmapakshi ki gatividhi ki janch karen. yadi un dinon men apke janmapakshi athva mitra pakshi ki shasan karne ki gatividhi hogi to us intaravyu ke lie apna man banaen to kamyabi milegi.
5. intaravyu ke lie ap apne janmapakshi ke rang ke anusar kapre pahnen. yadi us rang ka kapra pahnna vyavharik n ho to kam se kam us rang ka ek rumal avashya rakhen. atah uparyukt baton ko dhyan men rakhakar yadi ap apne intaravyu ke samay ka chunav karenge to apko saflta jarur milegi.