bhartiya janta parti ke tej tarrar sansad evan gorkhpur ke lokapriya neta yogi adityanath ko uttarapradesh ki kaman sanbhalne ka uttaradayitya mila hai. yupi se lekar pure desh ki janta ki nigahen yogi ji ki karyashaili par lagi hui hai ki yogi ji uttar pradesh jaise vishal rajya jahan apradh evan bhrashtachar ka bolbala hai tatha jahan ka samaj agri-pichri evan nimn jatiyon ki sangya dvara vibhushit bhed-bhav par adharit hai, vahan kis prakar apni prashasnik yu.pi. ke yogi adityanath vyavastha evan dakshata se samrsta, sauhard evan bhaichare ka mahaul sthapit kar samajik nyay ka marg prashast kar pate hain.
inki karyashaili evan bachapan se lekar yogi banne evan mukhyamantri pad sanbhalne tak ke safar ko ham unke janmakundli ke adhar par adhyayan karte hain ki kaun se grah yogi ji ko is shikhar tak pahunchane men sahayak siddh hue tatha age ka inka safar kaisa rahega. manniya shri ajay mohan bisht ji (ab yogi adityanath mahant ji) pauri jile ke yamkeshvar blaek ke panchur gram men shri anand sinh bisht ji aur mataji shrimti savitri devi ke ghar men janme. pita ek van karmachari ke rup men vibhinn sthanon men sevarat rahe.
atah shri ajay bisht bhi kai sthanon men pita ke sath adhyayanarat rahe jismen kaksha 9-10 hai skul gaja, tihri garhval aur intrmidiet bharat mandir rishikesh se pas kiya, bi. es. si. kotadvar se kiya. bahut hi shant, sharmile, irade ke pakke shri ajay mohan bisht ji ke uttar pradesh jaise bare rajya ke mukhyamantri ke pad par asin hone se pauri, kotadvar, gaja, tihri garhval, rishikesh sahit pure uttarakhand men holi-divali ek sath manne lagi, mithaiyan bantne lagin. inke sabhi bal sakha gadagad hain.
inke pita sarkari naukri ke karan kai jagah rahe islie yogi ji bhinna-bhinn sthanon men rahe, lekin rajniti inhonne kotadvar chatra sangh chunav har kar sikhi. is choti si har ne inki jindgi men bari jit ke sabhi raste khol die. halanki is bich aisa vakya bhi hua jisne inke man men aur jyada udasi bhar di. gairej rod par inke chote se kirae ke kamre men choron ne ek din hath saf kar diya.
tab 1992 men ye mahant avaidyanath ji ke pas gorkhpur chale gaye aur tab se lagayat sirhi dar sirhi charhte gae aur piche murakar nahin dekha. gorakshanath pith ke mahant shri ajay mohan bisht ji ab uttar pradesh ke mukhyamantri adityanath yogi hain. yogi ji ke shasnkal men uttar pradesh ke bhavishya ka jyotishiya vishleshan manniya adityanath ji ka janm sinh lagn, min rashi aur kanya navansh men hua tha.
lagnesh surya rajya men kutumbesh labhesh budh ke sath budhaditya yog tatha shashthesh saptamesh shani ke sath dasham men ek aur yog bana raha hai. isi yog ke karan ye apna ghar-bar, janm sthan ko chorakar gorakshanath pith ke mahant bane tatha vahan ke lagabhag 500 karor dhan sanpatti ke sanrakshak hanai. inmen bare-bare nirnay lene ki kshamata hai. inki kathni aur karni men antar nahin hai. ye ek spashtavadi sant hain. dvitiyesh labhesh budh surya ke sath nayi bhumi bhavan ka srijan karta hai.
parakramesh rajyesh shubhlabh men bhagyesh sukhesh mangal ke sath do parashriya rajyog ka srijan kar raha hai jo bahut prabal ban gaya hai. isi rajyog ke karan gorakshanath pith ke mahant bane. gorkhpur se panch bar sansad aur fir uttarapradesh jaise bare rajya ke mukhyamantri bane, yah bahut bari bat hai. panchmesh ashtamesh brihaspati aur rajyesh parakramesh shukra bhi ek aur parashriya rajyog ka srijan kar raha hai, jiske karan pahle uttarapradesh vidhansbha chunavon men sabko sann kar dene vali jit fir hafte bhar bad manniya adityanath ji ka uttarapradesh jaise vishal pradesh ka mukhyamantri ke rup men chayan had se bhi jyada chainkane vala faisla tha.
shri narendra modi sarkar ke notbandi aur sarjikal straik ke saman sabko sakte men dalta ek tisra aham atmavibhor karta faisla tha. shashtham men rahu bahut hi achcha hai, shashthamesh aur saptamesh shani surya ke sath achcha nahin mana jata. us par shashtham ke rahu ke karan hi bevajah hi yogiji kai apradhik mamlon men ‘‘vanchit’’ ho gae. print midiya, ilektraenik midiya jhuth ke sahare apni lokapriyata barhane ke lie bhi inka prayog karta rahta hai. ve rajniti ki chadm dharmanirpekshata ke shikar hue hain.
rajyesh parakramesh shukra-mangal ki labh bhav men yuti bahut hi achchi hai. ye uttar pradesh ke ab tak ke sabse achche mukhyamantri sabit honge. vyay ka ketu rajyog karak ban gaya hai. chandrama ke ashtam men hone se viprit rajyog ban gaya hai. yah vyakti ko nai saflta deta hai. vyakti ki lokapriyata din pratidin barhti hi rahti hai.
ashtam men chandrama ki sthiti brihaspati ke kendriya prabhav men hone ke karan achchi hai. gajkeshri yog ban raha hai. yah vyakti ko nit naye-naye mukam deta hai, vyakti pratyek kshetra men nayi nayi saflta, lokapriyata prapt karta hai. yogi ji ka samay kaisa rahega? 22 march 2017 se 8 julai 2017 tak prashasnik drishti se kai naye kadam uthae jaenge, janta bahut prasann hogi, kuch log tathakthit sekulrvadiyon ko inki tarif hajam nahin hogi. 8-7-2017 se 28-1-2018 tak samay bahut hi sanvednshil hai.
yogi ji ko har kadam gahan manthan ke bad uthana chahie. kuch log unke karyon ko rokne ya prabhavit karne ki koshish karenge. nyayalay se bhi dabav banaenge. 28-1-2018 se 28-3-2018 tak koi bari upalabdhi, nam, samman, yash, pratishtha milne ka samay hai. 28-3-2018 se 8-7-2018 ka samay har prakar se khas hai. inki koi yojna, koi vaktavya, koi karya desh-videsh men khalbli machaega.
inhen virodh apman bhi sahna par sakta hai. is samay vishesh savdhani ki avashyakta hai. svasthya ke prati bhi satark rahen. 8-7-2018 se 8-9-2018 tak ka samay is karyakal ka sabse mahatvapurn v aitihasik hoga. inki charane taraf jay jaykar hogi, sabhi virodhi parast honge. ve fir bhavishya men virodh nahin kar paenge.
18-9-2018 se 18/3/2019 tak virodhi parast honge. iske bad age virodh nahin kar paenge. inhen kai upalabdhi milegi, yash pratishtha barhti rahegi. 18-3-2019 se 28-8-2019 tak har prakar se savdhan rahne ki avashyakta hai. andr-bahar, paksha-vipaksh yogi ji ki pratishtha se ghabrakar koi shadyantra kar sakte hain. sath hi svasthya ka bhi dhyan rakhen, har prakar se savdhan rahen. 28-8-2019 se 28-2-2020 tak koi apayash bhi mil sakta hai.
virodhi pratishtha kharab kar sakte hain. garibon, kisan, balikaon, mahilaon ka apar samarthan milega. log inke karyon ka gungan karenge. ye madhyam varg ke masiha banakar ubhrenge. 8-2-2020 se 28-7-2020 tak ka samay kisi arthik sthiti se jujhne ka samay hai. koi labh ya naya karya suljhane ka bhi samay hai. sarkar ko sathiyon ka bhi sahyog nahin milega.
8-11-2020 se 8-11-2021 tak ka samay yogi ji ka khas samay sabit hoga jab inki pratishtha, karyakushlta, prashasnik kshamata ki charcha pure vishva men failegi. yogi ji bhartiya rajniti men lokapriyata ke sabhi mandand dhvast kar denge. 8-11-2021 se 8-7-2023 tak ka samay rajniti ki drishti se bara hi vichitra hoga, inke virodhi andar bahar se inki pratishtha ko har sanbhav prabhavit karne ki koshish karenge taki farvri /march 2022 men hone vale vidhan sabha chunav men yogi ji ko satta se bahar kiya jay lekin ye bahar n hokar isse bhi bara pad kendriya rajniti men paenge.