anokhi vidya sochie! kya kah rahe hain hastakshara? om prakash darshanik jo vyakti apne hastakshar adhikatar hindi men athva apni kshetriya bhasha men karte hain, aise vyakti kuch dharmik svabhav ke, apne dharm par astha rakhne vale, thore - se milnsar, lokapriya, vani par astha rakhne vale, kuch harfnmaula tatha rasik svabhav ke, samaj ke anurup karya karne vale, kintu dharm ke prati kabhi-kabhi vidroh karne vale bhi hote hain. aise vyaktiyon ke jivan men anek ghatnaen akasmat hoti rahti hain. aise log 24-25 varsh ki avastha men naukri ya vyavsay karte dekhe gaye hain. ye log apne jivan men sthayi karya karne vale, paitrik dhan ko barhane vale, jivan men bhai-bahnon se adhik lagav rakhne vale v dusron ki sahayta karne vale hote hain, kintu fir bhi aise log kabhi-kabhi dhokha bhi khate hain. inko apne jivan men shasan ki or se athva muft ki gari ka yog banta hai. bhavan jaise samanya labh prapt karne ke uprant bhi aise vyakti svayan ke parishram v buddhi se uÿam sthana/pad, pratishtha, man-samman pate hain. 27-28 varsh ki avastha men inko anek bar bhagya sudharne ka avasar prapt hota hai. aise log safltavadi bante hain. 31 varsh ki ayu ke as-pas, aise logon ke jivan men kuch vishesh parivartan hota hai. hindi ya apni kshetriya bhasha men adhik hastakshar karne vala vyakti ghar, parivar v patni ki or se kuch badhaen ya kam sahyog pata hai tatha santan adi ki or se usko chinta rahti hai. ek-do santan khandit hon ya anya koi bat ho, lekin uske uprant bhi usko samaj mane man-samman tatha kuch vishesh sthan prapt hota hai. aise vyaktiyon ka jivan bhautik sukh-sadhan se sanpann rahta hai. aise log apni yojnaon v lakshya ke prati sadaiv jagruk rahte hain. 39-40 ki avastha ke as-pas sharirik v parivarik shubhta v sukh ka bhi yog banta hai. bhojan v paridhan ka samanya akarshan rahta hai. inke jivan men haddi tatha aujar v gupt shatruon se kuch badha ho sakti hai. aise vyakti kritrim vyavhar kam pasand karte hain. chunki aise log svayan ke parishram se apne karya men pragti karte hain, ataev inhen dusron ka hastakshep pasand nahin hota. samaj men dhire-dhire uchch sthan pane vale ye apne pita se behatar jivan yapan karte dekhe gaye hain. apne siddhant par chalte hain. sajhe ke kam v mukdmon ki taraf se kasht hota hai. jatak kuch naya karne vala hota hai, jisse usko lokapriyata prapt hoti hai. yatraon ka behatar labh prapt ho sakta hai. yadi jatak rajniti men athva kisi dharmik sanstha men hota hai to shasn/sanstha ke paison se dur-dur ki yatra karne vala hota hai tatha apne jivan men uÿam dhan sangrah karta hai. chahe vah naitik ya anaitik dhang se dhan arjit kare aur atyadhik lobhi ho kintu fir bhi aisa vyakti samaj ke lie adar ka patra mana jata hai. rajyapaksh se dhan arjit karne vale vyakti ke jivan men rajadand ka bhi yog hota hai. 41 se 55 varsh ki ayu tak ka samay achcha dekha gaya hai. bachapan ki apeksha yuvavastha shreshth rahti hai. mrityu achanak dekhi gayi hai. purn ayu 70 varsh se adhik ka yog banta hai. apni kshetriya bhasha ya hindi men hastakshar karne vala yadi lal syahi ka upyog karta hai to jatak prabal bhagyashali dekha gaya hai. samaj usko muft men hi sab kuch pradan karta hai. uska jivan purnarup se apne uddeshya men safal hota hai. yadi hari syahi ke sath hastakshar kiya gaya hai to kuch parivarik dosh bante dekha gaya hai. itne par bhi vah uÿam pad ka bhogne vala hota hai, kintu vah kai utar-charhav dekhta hai. mrityu achanak dekhi gayi hai. dharm ke prati vishesh sthan tatha apne kul se uÿam jivan yapan karta paya gaya hai. nili ya kisi vishesh prakar ki syahi se hindi men hastakshar jatak mane kuch atma-vishvas ki kami ki om prakash darshanik or sanket karta hai. apne kam se jatak ko santosh prapt nahin hota hai. usko apne jivan men kai utar-charhav dekhne parte hain. isi prakar jab koi vyakti angreji ke hi apne hastakshar kai tarah se karte hain, aise vyakti apne kam ke prati adhik jagruk dekhe gaye hain, ye dikhava pansad karne vale hote hanai tatha samaj ke samne dohra charitra rakhne vale hote hain. aise log apni yojnaen dusron ko tab tak nahin batate, jab tak ki ve apni yojnaon men saflta nahin prapt kar lete. apne nivas sthal, vastron tatha samanon ko kafi uÿam dhang se rakhne vale tatha apna kuch saman adi anya janon ko udhar dene adi men kafi soch-vichar karte hain. uÿam dhang se rahna, dikhava karna, adhik pasand karte hain. khane-pine ke prati in logon ka vishesh lagav hota hai tatha svadisht v chatpte vyanjan ke shaukin hote hain. 22-24 varsh ki ayu ke daramyan inka bhagyoday hote dekha gaya hai. aise log paitrik sanpÿia ke prati kam sneh rakhne vale tath svayan dvara arjit dhan par vishesh bharausa karte hain. aise jatak bhai- bahnon ki taraf se alp sahyog prapt karne vale kintu dur rahne vale logon se apna kam niklvana bhali-bhanti jante hain. 37-38 varsh ki avastha ke madhya kuch sharirik badha v kasht pate dekhe gaye hain. uÿam bhavan tatha vahan ke shaukin hote hain kintu ichcha purn hone men sandeh paya gaya hai. shiksha ke prati vishesh lagav, santan ki or se labh v sahrog ka yog banta hai. 39-50 tak ka samay shreshth jivan yapan vala rahta hai. jivan men rajyog, raktachap tatha kuch dirghakalik bimari ka shikar hona parta hai. ek-do prem sanbandh ya stri-paksh se dhokha pate hain tatha shiksha men badha ek bar ya shiksha ke lie ghar se dur jana par sakta hai. dusron ko marga-nirdeshan dene vala shiksha dene vala, chalak tatha avasar ka labh prapt karne vala, tatha tarka-bitark karne vala hota hai. aise vyakti janma-bhumi se dur rahne ke paksh men adhik vishvas karne vale, kai tarah se saflta pane ke chakkar men kabhi-kabhi dhokha khate paye gaye hain. inke jivan men ang-bhang hota hai. mukdmon tatha vad-vivadon men vijay pane vale, vriddhavastha men maujamasti rahti hai stri ka sath pahle chut jata hai, yadi aise vyakti kuch jimmedari vali kursi par hote hain to dusron ke prati apna raub dikha karke dhan arjit karte hain. dhan sangrah karne men age rahte hain. akasmat kuch saflta prapt karne vale jatak ko 74 varsh se adhik ki ayu ka yog dekha gaya hai. aise log apne dayitvon ko purn karne ke uprant hi apna sharir tyagte hain. jo log hindi tatha angreji donon tarah ke hastakshar kai tarah se karte hain, aise log kuch sankochi svabhav ke hote hain, rahasyavadi tatha dusron par shighra vishvas nahin karte hain. apni sabhi baton ko kafi soch-samajhakar dusron ke samne rakhte hain tatha akasmat dhan ko prapt karte hain. kuch khoji tatha khufiya sanbandhi karyon ke prati, dalali ya kuch aisa karya karne par vishesh saflta prapt karne vale, uchch shreni ka vahan, bhavan ka sukh svayan ke samathrya se prapt karte hain. inki santan kul ka nam roshan karne vali tatha jatak ko stri-paksh se vishesh sahyog prapt hota hai. sundar tatha dayitva ka nirvah karne vali patni pate hain. parivarik jivan men samanya saflta pane vale evan 26-28 varsh ki ayu ke madhya/bad men uÿam dhang se jivan yapan karne vale hote hain. kintu samaj se kuch kata rahta hai. 41-44 varsh ki avastha ke madhya kuch sharirik dosh vishesh banata hai, jabki 30-40 ka samay vishesh safltakari se dur hoti hai. dharm ke prati hathi, 45-55 ka samay shreshth rahta hai. astra-shastra ke shaukin tatha janma-bhumi se dur rahne par vishesh saflta pane vale jatak ka rajyapaksh se kuch dand ka yog banta hai. jivan rahasyamay bana rahta hai tatha kuch vivahit vyakti is shreni men ate hain. 68 varsh se adhik ayu ka yog banta hai kintu akasmat ghatna adi bhi ho sakti hai.
Kya aapko lekh pasand aaya?
Subscribe