hindu dharm ki pujniya vanaspati tulsi sadaiv kalyankari kahi gai hai. bharatavarsh men hi nahin sansar ke lagabhag adhikansh deshon men ise pavitrata ki drishti se dekha jata hai.
anek aushdhiya gunon se bharpur tulsi ka dharmik mahatva bhi hai. anek dharmik anushthanon v tantrik prayogon men iska upyog hota hai. islam men bhi tulsi ki pattiyan kabra men rakhne ka pravdhan hai. dusre deshon men bhi samajik utsavon, dharmik karyon men tulsi ka vibhinn rup se upyog aur puja hoti hai.
tulsi ka nam padm puran, shiv puran men vrinda dekar jalandhar ki patni ke rup men batlaya gaya hai. tulsi ko sursa athva shreshth ras vali kaha gaya hai. iske ras ko pine se sharir ka saundarya din-pratidin badhta hai.
puranon men tulsi ko bhagvan vishnu ki patni hone ka gaurav mila hai. isi karan tulsi jagajjanani bhi hai. parmatma ke anek durlabh vardanon men parignit tulsi ke birven ko amrit ka pratirup bhi kaha gaya hai.
tulsi ka paudha asani se upalabdh ho jata hai. ise hamesha ghar-angan men lagana upyogi hai. tulsi ke patton se gandh nikal hava men milti hai vah vatavaran ko shuddh karti hai aur nikat rahne valon ki kanti, oj aur shakti ko badhati hai.
iski jad tane, patte, ful, bij sabhi ka aushdhiya upyog hai. yahan tak ki jis sthan par tulsi ka paudha rahta hai us sthan ki mitti bhi anek gunon se yukt ho jati hai.
yugon se hi tulsi-pujan ki pratha rahi hai ise devta saman mana gaya hai kyonki yah jivndayni siddh hai isilie hamen ‘amrit’ bhi kaha gaya hai apni inhin upyog gunon ke karan ise puja jata hai.
jis sthan par tulsi ke kai paudhe hote hain ya jangal hota hai vahan kosane dur tak ka vayumandal gangajal ki tarah pavitra ho jata hai. isilie ghar men tulsi ka paudha hone se ghar ke irda-gird vatavaran shuddh rahta hai. sanp, bichchu, machchar adi jahrile kit, kide-makode dur ho jate hain.
yahan tak ki yam ke saman ghatak roganu vahan pravesh nahin kar pate. tulsi ki sugandh, durgandh nashak hoti hai. yahi karan hai ki malay dvip ke logon men kabron par tulsi-pujan ki pratha hai jisse mrit-sharir ke sadne ki durgandh n faile.
bharat men mandiron men prasad ke rup men charnamrit liya jata hai. usmen tulsi ke patton ko anivarya mana gaya hai kyonki tulsi hi jal ko amrit bana sakti hai.
pratahkal tulsi ke bagiche men ghumne se shvans nalikaon men sthit roganuon ka nash hota hai tatha shvans ke sath tulsi ki sugandh sharir men jane se neti kriya ke saman kriya sanpadit ho jati hai aur sharir svasth v nirogi rahta hai.
hamare maharshiyon ne tulsi ke aushdhiya gunon ko bhali bhanti samjha aur uske upyogon ko jana jisse kai prakar ke rogon men tulsi ko aushdhi ke rup men prayog kiya jata hai.
tulsi ki pramukh do prajatiyan- kali aur safed. donon ke gun lagabhag saman hanai. kintu kuch pashchimi vidvanon ka manna hai ki do ke gunon men kuch antar hai.
unke anusar safed tulsi ki tasir garam hai jo pachan shakti badhane vali aur kaf rog nashak hoti hai jabki kali tulsi ki tasir thandi, snigdh aur kaf v jvarnashak gunon se bharpur hoti hai.
tulsi ko sanskrit men, sursa bhi kahte hain. angreji men thanepas kahte hain tulsi manushya ki sharirik vyadhiyon ko to dur karti hai antrik vichar bhi shuddh karti hai. iske bijon ko tukhmarehan kahte hain.
inka prayog virya ko gadha banata hai. tulsi ka prayog karne se mansik tanav kam kiya ja sakta hai. yah hriday rog v raktachap ki ek achuk dava hai. kainsar, kidni, charmarog sardi, jukam men bhi yah labhkari hain.
mansik rog se pidit balkon ko tulsi ras dene se unki mansik sthiti men apurva sudhar ek mah men hi hone lagta hai. tulsi ki mala pahnne se mansik shanti milti hai, krodh shant hota hai, svar men madhurta ati hai.
tulsi atisar ko dur karti hai. piliya v kushth rogon men labhkari hai. tulsi ke sevan se rataundhi thik ho jati hai. vaksh shul, stana-pida men bhi upyogi hai. madhumeh peshab ke mailepan v durgandh ko bhi dur karti hai.
tulsi pittakarak, vat krimi aur durgandh nashak hai. yah pasli ke dard shvans rog, khansi hichki adi vikaron ko dur karti hai. sir dard bharipan adha sisi, krimi, mirgi aur nak se sanbandhit rogon ko dur karne ka gaurav bhi hamen prapt hai.
manav dainik jivan men tulsi ka vishesh mahatva hai. iske nikat rahne se anek rogon se rahat milti hai. iski sugandh rakt vikar dur kar man men bure vicharon ka nash karti hai. krodh aur man ko shant rakhti hai. kamukta ko niyantrit rakhti hai aur napunskta dur karti hai. tulsi ke paudhe ki puja karne se man men satvik gunon ki vriddhi hoti hai, mansik shanti prapt hoti hai.
apki kundli men hai koi dosh? janne ke lie abhi khariden sampurn maha kundli riporta
vibhinn rogon men tulsi ka upyog
gale ka vikar: tulsi ki mala gale men pahnne se gale ke vikar dur hote hain.
dant rog: tulsi ke patte roj chabane se danton ke rogon se rahat milti hai. kide nahin lagte aur mukh v shvans ki durgandh dur hoti hai.
kan ka darda: tulsi ke ras ko kan men dalne se kan dard men aram milta hai.
tvacha rog: tulsi ke tel se tvacha ki malish karne se tvacha ke rog jaise khujli, dad, jhurriyan adi dur ho jati han aur tvacha men nikhar ata hai.
anidra: jis vyakti ko thik se nind nahin ati ya sote men nind se bar-bar utha jata ho, vah ek tulsi ka patta munh men rakhke so jaye nind achchi aegi. yadi ho sake to kuch patte sirhane ke dayen-bayen bhi rakh sakta hai.
prostet granthi: prostet granthi men sujan ane se peshab ruk jata hai jo kashtakari hai. tulsi ke ras ko pine se prostet granthi thik rahti hai aur peshab bhi bina rukavat ke ata hai. kidni ki pathri: tulsi ka ras niyamit pine se dhire-dhire kidni ki pathri dhul kar nikal jati hai.
blad kolestral: tulsi ka ras, tulsi ki chay, sabji adi men tulsi ke patte dalakar khane se blad kolestral thik rahta hai.
sardi jukam: sardi jukam men tulsi ki chay v tulsi ka ras pine se sardi jukam men aram milta hai. lakva: tulsi ke panchang (patte, ful, bij, jal, tana) lekar uska kadha bana len aur jis ang men lakva ho gaya ho use gungune kadhe se dhoen. ek saptah niyampurvak karne se labh hoga. ankh
dukhna: tulsi ke ras ko shahad men milakar ankh men dalen to ankh ka dukhna v anya ankh ke rog men bhi labh milta hai. chakkar ana: tulsi ke ras men shahad milakar roj chaten. isse chakkar aur dimagi kamjori men labh hoga.
bahrapn: kali tulsi ka ras tel ko gun guna garm kar milaen tatha rat ko sote samay kan men dale. das-pandrah dinon men kanon ke bahrepan men aram mil jayega.
ghav men kide: kali tulsi ke sukhe patton ke churn ko ghav par bhar den to ghav ke kide samapt hokar ghav bhar jayega.
anton ka mal: tulsi ke ras, adarak ka ras aur ninbu ka ras tinon ko milakar thoda kala namak dalakar chatne se anton ka mal saf ho jata hai.
hriday rog: tulsi ke patton ke ras 10 gram subah sham pine se hriday rog men labh milta hai.
napunskta: pratidin tulsi ki puja karne, tulsi ras sevan karne aur tulsi ke nikat baithne se napunskta dur ho jati hai.
savdhani: suryast ke pashchat tulsi ke patte adi n tode aur n sparsh karen. dudh ke sath tulsi ke patton ka sevan n karen. tulsi ke patte, lakdi, chal ko agni men n jalaen. upchar hetu - upchar hetu uprokt upyog visheshagya ki dekh rekh men karen anyatha hani ho sakti hai.
rog mukti evan grahon ki yuti se sanbandhit aisi tamam samasyaon ke nivaran hetu prasiddh jyotishacharyo se paramarsh karen.