yantra loket dharan se samasya nivaran acharya ramesh shastri aj ke bhautik yug men pratyek vyakti kisi n kisi samasya se grast hai. sabhi samasyaon ke nivaran ke lie nimn adhyatmik upay apna sakte hain. in yantron ko shraddha vishvas purvak dharan karne se labh hoga.
ganesh loket : yah loket chandi men ankit hota hai. is loket ko kisi bhi shubh tithi, shubhvar men athva ganesh chaturthi ke din puja karke dharan kar sakte hain. ise dharan karne se samast vighn badhaon ka nash hota hai. jivan ki sukh, samriddhi barhti hai.
durga bisa loket : is loket ko somvar ke din shukravar athva, ashtami, navmi, chaturdashi tithi ko panchopchar pujan karke shraddha-vishvas purvak dharan karen. ise dharan karne se karyakshetra vyavsay adi men labh evan unnati ke avasar prapt hote hain.
mahamrityunjay yantra loket : is loket ko somvar athva, chaturdashi tithi athva sarvarthasiddhi yog, amritsiddhi yog men panchamrit se shuddhi karke gandh, akshat adi se pujan karke dharan karen. ise dharan karne se ayu arogya adi men labh hota hai.
kuber yantra loket : is yantra loket ko brihaspativar ke din athva kisi shubh yog, ya labh ki hora men vishvas purvak dharan karen. ise dharan karne se dhan sroton men vriddhi hoti hai. vyavsay ke kshetra se jure vyaktiyon ke lie yah yantra shubh faldayak hota hai.
shri yantra loket : is loket ko somvar, brihaspativar ya shukravar ke din kisi shubh muhurtt, savarthasiddhi, amrit siddhi, adi muhurt men panchopchar athva shodshopchar pujan karke shraddha-vishvas purvak dharan karen. man-samman purvak dhan, yash ki prapti hoti hai.
vastu ke mulbhut 51 sutra pan. jayaprakadga sharma (lal dhage vale) safed rang ki sugandhit mitti vali bhumi brahmanon ke nivas ke lie shreshth mani gai hain. lal rang ki kasaile svad vali bhumi kshatriya, rajneta, sena v pulis ke adhikariyon ke lie shubh mani gai hai. hare ya pile rang ki khatte svad vali bhumi vyapariyon, vyaparik sthalon tatha vittiya sansthanon ke lie shubh mani gai hai. kale rang ki karve svad vali bhumi achchi nahin mani jati. yah bhumi shudron ke yogya hai. madhur, samatal, sugandhit v thos bhumi bhavan banane ke lie upyukt hai. khudai men chinti, dimak, ajagar, sanp, haddi, kapre, rakh, kauri, jali lakri v loha milna shubh nahin mana jata hai. bhumi ki dhalan uttar aur purva ki or ho to shubh hoti hai. chat ki dhalan ishan kon men honi chahie. bhukhand ke dakshin ya pashchim men unche bhavan, pahar, tile ya per shubh mane jate hain. bhukhand se purva ya uttar ki or koi nadi ya nahar ho aur uska pravah uttar ya purva ki ho to shubh mane jate hain. bhukhand ke uttar, purva ya ishan men bhumigat jal srot, kuan, talab evan bavri shubh mane jate hain. bhukhand ka do bare bhukhandon ke bich hona shubh nahin hota hai.
bhavan ka do bare bhavnon ke bich hona shubh nahin hota. aytakar, vrittakar v gomukhi bhukhand grih vastu men shubh hota hai. vrittakar bhukhand men nirman bhi vrittakar hi hona chahie. sinh mukhi bhukhand vyavsayik vastu ke lie shubh hota hai. bhukhand ka uttar ya purva ya ishan kon men vistar shubh mana jata hai. bhukhand ke uttar aur purva men marg shubh mane jate hain. dakshin aur pashchim men marg vyaparik sthal men labhdayak mane jate hain. bhavan ke dvar ke samne mandir, khanbha v gaddha shubh nahin mane jate. avasiya bhukhand men besment nahin banana chahie. besment banana avashyak ho to uttar aur purva men brahm sthan ko bachate hue banana chahie. besment ki unchai kam se kam 9 fit aur 3 fit tal se upar ha taki prakash aur hava a ja sake. kuan, boring v bhumigat tanki vastu purush ke atimarm sthanon ko chorakar uttar, purva ya ishan men bana sakte hain. bhavan ki pratyek manjil men chat ki unchai 12 fut rakhni chahie. 10 fut se kam to nahin honi chahie. bhavan ka dakshini bhag hamesha uttari bhag se uncha hona chahie. bhavan ka pashchimi bhag hamesha purvi bhag se uncha hona chahie. bhavan men naitya sabse uncha aur ishan sabse nicha hona chahie.
bhavan ka mukhay dvar brahmanon ko purva men, kshatriyon ko uttar men, vaishya ko dakshin men tatha shudron ko pashchim men banana chahie. iske lie 81 padon ka vastu chakra banakar nirnay karna chahie. dvar ki chaurai uski unchai se adhi honi chahie. baramda ghar ke uttar ya purva men hi banana chahie. khirkiyan ghar ke uttar ya purva men banana chahie. khirkiyan ghar ke uttar ya purva men adhik tatha dakshin ya pashchim men kam banani chahie. brahm sthan ko khula, saf tatha havadar rakhna chahie. grih nirman men 81 pad vale vastu chakra men 9 sthan brahm sthan ke lie niyat kie gaye hain. char divari ke andar sabse jyada khula sthan purva men choren. usse kam uttar men, usse kam pashchim men, sabse kam dakshin men choren. divaron ki motai sabse jyada dakshin men, usse kam pashchim men, usse kam uttar men, sabse kam purva men rakhen. ghar ke ishan kon men puja ghar, kuan, boring, bachchon ka kamra, bhumigat vatar taink, baramda, living rum, draing rum, v besment banaya ja sakta hai. ghar ki purva disha men snan ghar, tahkhana, baramda, kuan, bagicha v puja ghar banaya ja sakta hai.
ghar ki dakshin disha men mukhay shayan kaksh, bhandar, sirhiyan v unche vriksh lagae ja sakte hain. ghar ke naitya kon men shayan kaksh, bhari v kam upyogi saman ka stor, sirhiyan, ovar haid vatar taink v shauchalay banaye ja sakte hai॥ ghar ki pashchim disha men bhojan kaksh, sirhiyan, adhyayan kaksh, shayan kaksh, shauchalay v unche vriksh lagae ja sakte hain. ghar ke vayavya kon men atithi ghar, kunvari kanyaon ka shayan kaksh, rodan kaksh, living rum, draing rum banaye ja sakte hain. ghar ka bhari saman naitya kon, dakshin ya pashchim men rakhna chahie. ghar ka halka saman uttar, purva v ishan men rakhna chahie. ghar ke naitya bhag men kirayedar ya atithi ko nahin thahrana chahie. sote samay sir purva ya dakshin ki taraf hona chahie. (matantar se apne ghar men purva disha men sir karke sona chahie, sasural men dakshin men sir karke, pardesh men pashchim men sir karke sona chahie aur uttar disha men sir karke kabhi nahin sona chahie.) din men uttar ki or tatha ratri men dakshin ki or mukh karke mal-mutra ka tyag karna chahie. ghar ke puja grih men bari murtiyan nahin honi chahie.
do shivling, tin ganesh, do shankh, do surya pratima, tin devi pratima, do gomti chakra v do shaligram nahin rakhne chahie. bhojan sada purva ya uttar ki or mukh karke hi karna chahie. sirhiyon ke niche ghar, shauchalay v rasoi ghar nahin banana chahie. dhan ki tijori ka munh uttar disha ki or hona chahie. asht disha evan grih vastu chah shloki sanpurn grih vastu ke shlokon men kaha gaya hai : shodshdisha grah vastu : ishan kon men devta ka grih, purva disha men snan grih, agni kon men rasoi ka grih, uttar men bhandar grih, agnikon aur purva disha ke bich men dudh-dahi mathne ka grih, agni kon aur dakshin disha ke madhya men ghi ka grih, dakshin disha aur rnaitya kon ke madhya shauch grih, rnaitya kon v pashchim disha ke madhya men vidyabhyas grih, pashchim aur vayavya kon ke madhya men rati grih, uttar disha aur ishan ke madhya men aushdhi grih, rnaitya kon men sutika prasav grih banana chahie. yah sutika grih prasav ke asann mas men banana chahie. aisa shastra men nishchit hai.