satvik, rajsi tatha tamsi pravritti jivan paryant vyakti ke sath hi chalti hain chahe vah karm se brahman ho athva shudra arthat unche pad par ho athva chote pad par, koi sadhu sannyasi ya pandit bhi yadi tamoguni ruchi ka ho, danbh evan krodh uske svabhav men sahaj hoga, dusron ko pareshan karna uska svabhav hoga. lal kitab men yah vivaran hai ki kuch logon ke lie mandir athva dharmasthan ki sthapna karna ashubh hota hai tatha kuch logon ke lie vastu vishesh ka dan dena bhi ashubh siddh hota hai. isi samasya ki pahchan ke lie avashyak hai trik bhavon men sthit grahon ki tasir ko samjhna tatha tadnurup upay karna. athvan bhav ashtam bhav umra ki lanbai ko mapta hai islie ise maut ka ghar, patal ke andhere ka ghar kaha jata hai. khoj, akasmik dhan, lanbi bimari, gahri chinta ka pata bhi isi bhav se lagaya jata hai. athven ghar men sthit vibhinn grahane ka fal lal kitab ke anusar is prakar hai. surya kaha jata hai ki chandra-surya ko ashtam dosh nahin lagta parantu har kitab men inke bure fal bhi ginvae jate hain. bhrigu sutram ke anusar ashtam bhav men surya ho to vyakti ki najar par bura prabhav padta hai. vyakti ki nigah kamjor pad jati hai. athven ghar men surya yadi uchch ka ho mesh rashi men ya svarashi men sinh men to vah shubh surya mana jata hai. parantu yadi surya tula men ho ya us par shani ya rahu kisi ki drishti ho to surya ashubh ya kamjor ho jaega. ashubh surya arthik halat par bura prabhav dalta hai. aisa surya sansarik prapti par bhi achcha fal nahin deta. sare brahmand ko raushan karne vala surya athven ghar men sukhe vriksh jaisa ho jata hai. upay surya ki karak vastu gehanu 41 din ya kam se kam 8 din kisi dharmasthan men pratidin dena. chandrama athven ghar men aya chandrama; lagn kundli athva gochar men amavas ki rat hota hai. chandrama man ka karak hai. ashtam chandra ke samay vyakti ki mansik sthiti murjhae hue ful ke saman hogi. aisa chandrama uchcharashi ya svarashi ka ho ya us par brihaspati ki shubh drishti ho to vyakti ki umra lambi ho jati hai. yadi chandra kamjor ho to insan ki umra ke lie ashubh hota hai. ashtam bhav ke svami grah ko bhi is dasha men dekha jata hai yadi vah bhi shubh n ho to insan ka kisi kuen, talab men dub kar marne ka khatra bana rahta hai. yadi lagn men ketu ya rahu ho to mirgi jaisi bimari hone ki sambhavna rahti hai. upay bujurgon ke shraddh ke samay dudh ki bani chijen dan men di jaen. - shmashan ke kuen athva nal ka pani kanch ki botal men bhar kar ghar men rakhen. - yadi dusre ghar men rahu ketu jaise chandrama ke dushman grah hon to botal men dudh bharakar us par dhakkan laga kar kisi viran jagah ki mitti men daba dena chahie. mangal athven ghar men mangal hone par jatak ke pita ki umra ko khatra hota hai. yah jatak ko manglik bhi banata hai. athven ghar ka mangal ek tapti bhatthi hai. aisa vyakti yadi apne ghar men bhatthi khodakar vivah adi avasar par khana banae to uski santan ke ghar santan nahin hoti arthat vansh nahin badhta. athven ghar men mangal hone par yadi vyakti nanihal men rahe to uski kismat nahin jagti. upay - mitti ke kulhad men shahad bhar kar dhakkan laga kar kisi viran jagah men dabana chahie. yadi tisre ghar men brihaspati, chandrama se yukt ho athva inki drishti ho to- - hathi dant ki koi vastu dharan karen. - ath din tak har roj ath mithi rotiyan pakakar kutton ko khilaen (yadi vanshvriddhi men samasya ho). - vidhva aurat ka ashirvad len.
Kya aapko lekh pasand aaya?
Subscribe