prachin samay men bharat sone ki chiriya kaha jata tha. bharat ki akut dhan sanpatti, svarn bhandar aur sanpannata ne videshi akramnkariyon ko anek bar apni or akarshit kiya. prithvi ke garbh men n jane kitne ratn v uparatn chipe hain. bhartiya manyata ke anusar chairasi prakar ke ratn aur anekon uparatn pae jate hai. chairasi ratnon men hira, manik panna, moti munga pushparag (pukhraj) nilam, gomed v vaidurya (kets-ai) navaratn kahlate hain. in nau, ratnon men manik panna, moti, hira v nilam maharatn hai. lekin jitne bhi ratn uparatn hai. unme hira sarvochch hai. iski chamak ke age baki sab ratnon ki damak fiki hai. hira sach men ratnon ka samrat hai. yah ajey aur amar hai.
is daulat men desh ki kuch dharohren aisi bhi thin jo anmol thin. inhin men se kuch the beshkimti hire. jismen bharat ka gaurav kohinur, dariya-e-nur, rijent hira, orlov hira, broliti auf indiya, shah daymand, aidol ai, blu hop, blaik orlov aur gret mugal hira. ye sabhi hire bharat ki shan the jo aj videshon ki shobha barha rahe hain. bharat ka gaurav kohinur kohinur hira duniya ka sabse prasiddh hira hai. dakshin bharat men karnatak ki golkunda ki khanon se kohinur ka janm hua. iske bachapan ka nam shyamantik mani tha jiska arth hiron ka neta ya yuvraj tha. faras ke raja nadirshah ne ise ‘‘kohinur’’ nam diya. farsi men iska arth “prakash ka parvat hai. kohinur hira aj tak purushon ke lie ashubh aur mrityu ka pratik bana raha hai, jabki mahilaon ke lie khushi aur kamyabi ka karan.
babar ke ”babar nama” men bhi is hire ka ullekh hai. kohinur ki yatra - 1200 se 1300 ke bich m kohinur bahut se rajvanshon ke pas tha. - 1306 men ise malva naresh se kaktiya shaskon ke dvara jabardasti adhikar men liya gaya.
- 1325-1351 men yah mohammada-bin-tugalak ke adhikar men raha. û' 1323 se 1526 tak muslim rajvansh jaise-mangol, farsi, turki, afgan men hi raha.
- 1526 men, ibrahim lodi ki har ke bad ise dobara mugal samrajya dvara prapt kar liya gaya.
- mugal samrat shahjhan ke shasan kal men yah hira mayur sinhasan men laga raha. 1639 men yah hira aurangjeb ke svamitva men raha tha.
- 1739 men nadir shah ne mugal samrajya par akraman kar ise apne adhikar men le liya. is tarah yah faras pahuncha. kohinur ke abhishap ke karan, 1747 men nadir shah ka samrajya bahut shighra nasht ho gaya.
- 1800-1839 tak yah raja ranjit sinh aur iske bad unke uttaradhikariyon ke pas tha.
- kuch samay bad, briten ne bharat par akraman kiya aur 1858 se 1947 tak shasan kiya. british garvanr-janaral, lord dalhauji, ke dvara hire ko british shasan ke dvara apne adhikar men le liya. - jab bharat ke raja ke dvara kohinur ko maharani ko sandhi ke rup men diya gaya to vahan ise fir se tarasha gaya aur maharani elijabeth ke taj men saja diya gaya.
kohinur hire ka malik kaun ? 1947, 1953 evan 2000 men abhi tak bharat ki sarkar, urisa ka kangres mantralay, ranjit sinh ke koshadhyaksh, pakistan, afganistan, iran adi ke dvara kohinur ko vapas lane ke anek dave kie gae hain. kai bar british adhikariyon ke dvara in davon ko sire se nakara gaya hai. kohinur bharat men mila tha aur yah bharat se bahar avaidh rup se le jaya gaya tha. atah ise bharat ko vapas karna chahie. 1997 men, bharat ki ajadi ki 50vin varshaganth ke dauran maharani elijabeth dvitiya ke bharat daure ke samay bhi ise bharat vapas lane ki mang ki gai thi. navambar 2015 men, bhartiya pradhanmantri narendra modi ke yu. ke. daure ke dauran bhartiya mul ke british sansad ne kaha ki, vishva prasiddh kohinur hire ko bharat ko vapas kar dena chahie. yah bharat men utpann hui sampatti hai, jo desh ko samman ke sath vapas karni chahie. kohinur ek abhishap kaha jata hai ki yah hira abhishapit hai jis karan yah jis kisi ke bhi pas jata hai use yah puri tarah se barbad kar deta hai. anek logane ne, shaktishali rajprivarane ne ise pana chaha lekin yah jis kisi ke bhi pas gaya use barbad kar gaya. kai aitihasik rajprivarane ke patan ke sath bhi is hire ka nam jura hai.
- jab shahjhan ne ise apne sinhasan men jarvaya to kuch hi samay bad mumtaj ki maut ho gayi aur khud shahjhan ko bhi jel men dal diya gaya. - nadirshah ise apne sath afganistan le gaya lekin vahan krurta se uski hatya kar di gayi.
- iske bad yah pahuncha durrani shaskon ke pas aur inke sath bhi vahi hua to pahle se apekshit tha, arthat inka pura shasan parivar samet hi nasht ho gaya. isi kram men anek durghatanaon ka karan banne ke karan iske vishay men aisi manyataon ne janm liya ki shapit kohinur hira keval aurton aur santon ke lie hi bhagyashali hoga. isi manyata ke chalte maharani viktoriya is hire ko taj men jarva kar 1852 men svayan pahnti thin jiske bad men maharani viktoriya ek vasiyat karti hai ki is taj ko sirf mahila hi pahnegi.
yadi briten men koi purush raja hoga, to kohinur ke is taj ko uski patni pahnegi. magar tab bhi kohinur ka shap dur nahin ho saka isi ke chalte pure vishva men apni satta kayam karne vale angreji samrajya ka bhi ant ho gaya.