kundli men yadi shani grah balshali ho to jatak ko avasiya sukh pradan karta hai. nimn varg ka netritva prapt hota hai. durbal shani sharirik durbalata-shithilta, nirdhanata, pramad evan vyadhi pradan karta hai- mande purnabale grihadisukhrid bhilladhipatyan bhavennayune vilhrah sharirkrishta rogo'pkirtirbhavet.. shani grah kisi bhi ek rashi men lagabhag 2 varsh 6 mah vicharan karte huye lagabhag 30 varsh men 12 rashiyon ka bhog karte hain.
shani grah ke is rashi bhraman ko hi gochar kahte hain. shani grah ka kisi ek rashi men bhraman karne se shubh ya ashubh fal bhi 2 varsh 6 mah tak hi rahta hai. shani grah ke chandrama ki rashi (jis rashi men chandrama sthit ho) se bhinna-bhinn bhav men bhraman karne se kis-kis prakar ka karmafal prapt hota hai, ullekh kiya ja raha hai-
1. shani jab chandra rashi men hota hai:- us samay jatak ki bauddhik kshamata kshin ho jati hai. daihik evan antrik vyathayen prakhar hone lagti hai. atyant alasya rahta hai. vivahit purush ko dharmapatni tatha vivahit stri ko pati evan atmiya janon se sangharsh rahta hai. mitron se dukh prapt hota hai, grih-sukh vinasht hota hai. anaparh evan ghatak vastuon se kshati sanbhav hai, man-pratishtha dhul-dhusrit hoti hai, pravas bahut hote hain. asfltayen bhaybhit karti hain, daridrata ka akraman hota hai, satta ka prakop hota hai, vyadhiyan pirit karti hain.
2. chandra rashi se shani jab dvitiya sthan men hota hai: svasthan ka parityag hota hai, darun dukh rahta hai, bina prayojan vivad v sangharsh hote hain. nikatatam sanbandhiyon se avrodh utpann hota hai. vivahit purush ki dharmapatni tatha vivahit stri ke pati ko marak pira sahan karni parti hai. dirgh kal ka dur pravas sanbhav hota hain, dhanagam, sukhagam badhit hote hain aranbh kiye gaye karya adhure rahte hain.
3. chandra rashi se shani jab tritiya sthan men hota hai: bhumi ka paryapt labh hota hai, vyakti svasth, anand v santusht rahta hai. ek anirvachniya jagriti rahti hai, dhanagam hota hai, dhan-dhanya se samriddhi hoti hai. ajivika ke sadhan prapt hote hain. samast karya sahjta se sanpann hote hain. vyakti shatru vijyi siddh hota hai, anuchar seva karte hain, acharan men kutsit pravrittiyon ki adhikta hoti hai. padadhikar prapt hote hain.
4. chandra rashi se shani jab chaturth sthan men hota hai:- bahumukhi apman hota hai. samaj evan satta ke kop se sakshatkar hota hai, arthik kami shikhar par hoti hai. vyakti ki pravrittiyan svatah dhurtatayukt evan patit ho jati hai, virodhiyon evan vyadhiyon ka akraman piradayak hota hai. naukri men sthan parivartan athva parityag sanbhav hota hai, yatraen kashtaprad hoti hain. atmiya janon se prithkta hoti hai, patni evan bandhu varg vipatti men rahte hain.
5. chandra rashi se shani jab pancham sthan men hota hai: manushya ki ruchi kutsit nari/ nariyon men hoti hai. unki kusangti vivek ka haran karti hai, pati ka dharmapatni aur patni ka pati se prabal tanav rahta hai, arthik sthiti chintajanak hoti hai, vyakti suvicharit karyapaddhati ka anusaran n kar pane ke karan pratyek karya men asafal hota hai. vyavsay men avrodh utpann hote hain, patni vayu janit vikaron se trast rahti hai. santti ki kshati hoti hai, jatak jan samuday ko vanchit karke uske dhan ka haran karta hai. sukhon mane nyunta upasthit hoti hai shanti durlabh ho jati hai, parivarjnon se nyayik vivad hote hain.
6. chandra rashi se shani jab shashth sthan men hota hai- shatru parast hote hain, arogya ki prapti hoti hai, anekanek uttam bhog ke sadhan upalabdh hote hain, sanpatti, dhanya evan anand ka vistar hota hai, bhumi prapt hoti hai, avasiya sukh prapt hota hai. stri varg se labh hota hai.
7. chandra rashi se shani jab saptam sthan men hota hai- kashtadayak yatraen hoti hain, dirghakal tak dur pravas v sanpatti ka vinash hota hai, vyakti antrik rup se santrast rahta hai, gupt rogon ka akraman hota hai, ajivika prabhavit hoti hai, apmanajanak ghatnayen hoti hain, apriya ghatnayen adhik hoti hain, patni rogi rahti hai, kisi karya men sthayitva nahin rah jata.
8. chandra rashi se shani jab ashtam sthan men hota hai- satta se duri rahti hai, patni/pti ke sukh men kami sanbhav hai, nindit krityon v vyaktiyon ke karan sanpatti v samman nasht hota hai, sthayi sanpatti badhit hoti hai, karyon men avrodh upasthit hote hain, putra sukh ki kshati hoti hai, dinacharya avyavasthit rahti hai. vyadhiyan pirit karti hain. vyakti par asantosh ka akraman hota hai.
9. chandra rashi men shani jab navam sthan men hota hai - anuchar (sevk) avagya karte hain, dhanagam men kami rahti hai. bina kisi prayojan ke yatraen hoti hain, vichardhara ke prati vidroh umrta hai, klesh v shatru prabal hote hain, rugnata dukhi karti hai, mithyapravah evan paradhinta ka bhay rahta hai, bandhu varg viruddh ho jata hai, upalabdhiyan naganya ho jati hai, papvritti prabal rahti hanai, putra v pati ya patni bhi yathochit sukh nahin dete.
10. chandra rashi se shani jab dasham sthan men hota hai: sanpatti nasht hokar arth ka abhav rahta hai. ajivika athva parishram men anek utha-patak hote hain. jan samuday men vaicharik matbhed hota hai. pati-patni ke bich ganbhir matbhed utpann hote hain, hriday vyadhi se pira ho sakti hai, manushya nich karmon men pravritt hota hai, chittavritti avyavasthit rahti hai, asfltaon ki adhikta rahti hai.
11. chandra rashi se shani jab dasham sthan men hota hai: sanpatti nasht hokar arth ka abhav rahta hai. ajivika athva parishram men anek utha-patak hote hain. jan samuday men vaicharik matbhed hota hai. pati-patni men ganbhir matbhed utpann hote hain, hriday vyadhi se pira ho sakti hai, manushya nich karmon men pravritt hota hai, chittavritti avyavasthit rahti hai, asfltaon ki adhikta rahti hai. 11. chandra rashi se shani jab ekadash sthan men hota hai: bahuayami anand ki prapti hoti hai. lanbe samay ke rog se mukti prapt hoti hai, anuchar agyakari v parishrami rahte hain, pad v adhikar men vriddhi hoti hai, nari varg se prachur sanpatti prapt hoti hai, patthar, siment, charm, vastra evan mashinon se dhanagam hota hai, stri tatha santan se sukh prapt hota hai.
12. chandra rashi se shani jab dvadash sthan men hota hai: vighnon tatha kashton ka anbar laga rahta hai, dhan ka vinash hota hai. santti sukh hetu yah bhraman marak ho sakta hai athva santan ko mrityu tulya kasht hote hain. shreshthajanon se vivad hota hai, sharir ganbhir samasyaon se grast rahta hai, saubhagya sath nahin deta, vyay adhik hota hai, jis karan man udvign rahne se sukh nasht ho jate hain.