mesh rashi apki rashi se pancham men guru ka gochriya prabhav apki shiksha, prem sambandhon, santan ki unnati v manoranjan karyon ke lie shubh rahega. yah samay santan ke janm ka shubh samachar lekar a sakta hai. uchch shiksha hetu kisi shreshth shaikshanik sansthan men dakhila mil jayega. agami ek varsh pratiyogita pariksha men saflta prapti hetu uttam rahega.
yah samay garbhadhan ke lie uttam muhurt hai. satta v sheyar market se labh hoga. santan ke vishay men vigat kuch mahinon se chali a rahi badhaen v chintaen nishchit rup se samapt ho jayengi. apki apne isht dev ke prati shraddh a bhav men drirhta ayegi. yadi ap paramarsh karyon se jure hue hain to nishchit rup se ap ko adhik saflta milegi. vrish rashi guru ka gochar apki man v matribhumi ke lie shreshthatam hai. apki mata ke man-samman v rutbe men vriddhi ke sanket hain parantu kutumbiyon se matbhed v unke prati chinta ka sanket bhi mil raha hai.
is varsh ap apni janmabhumi ki yatra karenge tatha apne paitrik avas ka jirnoddhar bhi karenge. iske atirikt ap koi naya vahan kharidne ki yojna bhi bana sakte hain. ap apne ghar ke as-pas ki krishi yogya bhumi ka vikas karenge. ap koi nai sampatti bhi kharid sakte hain. vyavsayik jivan men unnati ke sath-sath kisi manonukul sthan par sthanantaran ke yog banenge. mithun rashi apke lie yah varsh apki samajik gatividhiyon v prabhav men abhivriddhi ke yog lekar a raha hai. ap apni pragti ke lie nirantar prayas karte rahenge tatha apne pratidvandviyon v shatruon ko piche chor denge. apke barhte parakram v atmavishvas ke chalte ap kisi vyaparik gatividhi men ruchi lenge. yah varsh vyapar men nivesh ke lie shreshth hai.
iske atirikt ap yadi chunav ladane to apki vijay nishchit hai. pratiyogita pariksha men bhi saflta ke purn yog vidyaman hain. guru ke gochriya prabhav se agami ek varsh tak apki choti v lambi anek saubhagyadayi yatraen hongi. kark rashi agami ek varsh apke lie arthik samriddhi tatha parivarik unnati ke yog lekar a raha hai. parivar men shanti, sauhard, prem v prasannata ka vatavaran bana rahega. apki jama punji men vriddhi hogi. apko ratnabhushan ki bhi prapti hogi. vyavsayik jivan men shighra unnati ke yog banenge jisse apki arthik sthiti sudrirh hogi.
ap aisi nivesh yojnaon men dhan ka nivesh karenge jo apke bhavishya ko ujjval banane ke lie sahayak siddh hongi. kul milakar yah varsh apke bhagya, arthik, parivarik v vyavsayik unnati ke lie labhkari hai. sinh rashi yah varsh apke vyaktitva ke vikas tatha apke man-samman men vriddhi ka yog lekar a raha hai. ap nayi vichardhara tatha nayi sfurti v naye josh ke sath karya sampadan karenge. ap anushasit jivan vyatit karenge v apki karyakshamataon men barhottari hogi. apki rog pratirodhak kshamata v ichchashakti viksit hokar apko atirikt svasthya labh pradan karengi. ap yog, dhyan tatha sakaratmak jivan paddhati ki kriyaon ko apnaenge. kuch mansik chintaen rah sakti hain tatha parivar se sambandhit samasyaon ka nirakaran hone men kuch mahinon ka samay aur lag sakta hai.
kul milakar yah varsh apke lie sukhdayak rahega. janvri 2016 ke bad pichle kuch samay se chali a rahi parivarik chintaon v samasyaon ka samadhan hoga. kanya rashi is varsh apki nirnay kshamata par prashn chihn lag sakta hai. ap jiddi hokar kuch alag prakar ka karya karenge. yah varsh apke lie yatra, videsh gaman tatha nivesh ki nai yojnaen lekar a raha hai. apko svasthya sanbandhi chintaen rahengi. ap choti v bari anek yatraen karenge. is varsh ap chairiti karyon men dhan ka vyay karenge. apko uttam shayya sukh v vibhinn bhogon ki prapti hogi. ap adhyayan karyon ke prati beprvah rahenge parantu pariksha parinam pratikul nahin honge.
janvri 2016 ke bad lambi yatraon par jane ke yeag aur prabal honge tatha kuch samay ke lie apko apne ghar-parivar v svajnon se dur rahna parega. tula rashi yah varsh apki samast ichchaon ki purti ke lie shubh hai. apki ay ke sadhan ka nirantar sudrirhikaran hoga. parantu jokhim purn karyon men nivesh karne se bachen. apke lie ay ka atirikt sadhan bhi prapt hoga. yah varsh apki santan, shiksha, vivah tatha parivarik jivan ke lie shubh rahega. yah samay garbhadhan ke lie shreshth samay hai. uchch shiksha prapti ki mahatvakankshaen purn hongi. navvivahit logon ko santan ratn ki prapti hogi tatha vivah yogya jatkon ka vivah hoga.
arthik kshetra men vigat kuch mahinon se chali a rahi samasyaon ka nirakaran hone lagega tatha janvri 2016 se ap apne apko in samasyaon se mukt hua mahsus karenge. vrishchik rashi is varsh apko apne vyavsay men jimmedariyon ke kuch atirikt bojh ke bavjud unnati ke shubh avasar prapt honge. ap apne vyapar men vistar ki yojnaon ko karyarup dene men safal honge. vyavsay vistar ke naye vichar utpann honge jinhen vyavharik rup dene men avashya hi saflta milegi. ap jan kalyan ke karyon men ruchi lenge jisse apki kirti ka vistar hoga. berojgar logon ko avashya hi rojgar ki prapti hogi. naukri men pronnati ke yog bane hue hain.
yah varsh apke pita ke lie bhi uttam rahega. apko varishth adhikariyon tatha sarkar se man-samman ki prapti ke yog bhi bane hue hain. dhanu rashi agami varsh apke bhagyoday ka yog bana raha hai. apko guru kripa, guru-diksha, ishvar darshan tatha tirth yatra v uchchashiksha ke shubh avasar prapt honge. yah varsh uchch shiksha ke kshetra men kisi bhi prakar ki upalabdhi prapt karne hetu shreshth hai. ap kisi mandir, ashram ke nirman v dharmik sanstha ke sangathan karya men barh charhakar bhag lenge. ap dharmik pustakon ke adhyayan men ruchi lenge. is varsh karya vyavsay men achanak unnati ke yog ban rahe hain. makar rashi makar rashi valon ke lie anayas dh an prapti, paitrik sampatti, laetri adi ke yog ban rahe hain. svasthya ki kuch hani ho sakti hai.
karyon men ruchi lenge. vad-vivad, dhanlobh v anaitik tatha gairkanuni karyon men parne se bachen. janvri 2016 ke bad apki samasyaen barh sakti hain. svasthya ka bhi vishesh dhyan rakhne ki avashyakta rahegi. shighrata se dhanarjan karne ke lobh men parakar nivesh karyon men jokhim uthane se bachen. kumbh rashi is varsh apke vyavsayik jivan men jabardast unnati hogi. ap apne karyasthal par ek kushal v sthir vyavsayi ke rup men ubhrenge. apko vyavsayik jivan men purn sthirta, sthayitva v suraksha ki prapti hogi. ap apne vyavsay men naye prayog bhi karenge.
is uddeshya ki purti hetu ap naye logon ke sath ya kisi bari kampani ya sanstha se jurakar sajhedari men naya vyavsay shuru kar sakte hain. is varsh apka vivah hone ke purn yog bane hue hain. svasthya ka vishesh dhyan rakhen. janvri 2016 ke bad apne sajhedar v jivnsathi se vaicharik matbhed n hone den. min rashi yah varsh pratiyogita pariksha v chunav adi men saflta prapti hetu anukul hai. ap apne shatruon par purnatah niyantran pane men safal honge. janvri 2016 ke bad is prakar ke karyon v shatru, rog, rin v mukaddama adi karyon men sab prakar se safal honge.
yah varsh yatraon adi par jane ke lie vishesh saubhagya karak hai. nivesh karyon men bhi labh ki prapti hogi. chairiti karyon men bhi dhan ka vyay hoga. adhyayan ke gurh vishyon ke atirikt adhyatm tatha takniki karyon men vishesh ruchi utpann hogi.