- bachche ya kisi ko bhi ghar men najar lagne par ghar ke bujurg vyakti ka juta lekar pirit vyakti ke upar se sat bar ghuma kar jute ke tale par kuch thuk kar jamin par jor se patkna chahie. man men ¬ ran rahve namah mantra ka jap juta ghumate samay bolte rahna chahie. lagi buri najar utar jati hai. bara hi karagar totka hai.
- vyavsay ko najar dosh se bachane ke lie vahan par mukhya dvar par shanivar ko chamatkarik gutika (najarabattu) lagani chahie. buri najar ya tone, totke ka prabhav nahin parega. kuch bhi aisa hone par gutika svatah hi tut ya fat jati hai. yah bahut hi labhkari hai. ghar ho ya vyavsay iska prayog safal hai. yahan tak ki kar men bhi bahar lagane par durghatana se raksha karti hai.
- ghar men lakshmi ka vas chahte hain, ghar ko buri atma evan buri najar se bachaye rakhna chahte hain to kumkum ke panv ghar men pravesh dvar, sirhiyon ya chaikhat par bana den. suryoday ke samay lakshmi atithi rup men ghar men pravesh karengi to fir jane ka nam nahin lengi.
- lal rang ka riban makan ke mukhya dvar par bandhen. isse ghar men sukh-samriddhi ati hai, sath hi kaisa bhi vastu dosh ho, dur ho jata hai. shubh muhurt men riban bandhen.
- ghar men agar koi vyakti bahut dinon se bimar hai to use nairritya kon men sulaen aur ishan kon men thanda pani rakhen. vah jaldi svasth hoga tatha us par davaiyon ka prabhav jaldi parega. rog dhire-dhiere dur hone lagega.
- putri ke vivah ki yadi chinta ho to piramid shakti ke chamatkar se iska samadhan sanbhav hai. mangal piramid ki anguthi shukla paksh ke pratham manglvar ke din apni putri ke bayen hath ki tarjani anguli men pahna den. pahnane se purva use (anguthi) ganga jal, kachche dudh se dhokar, tika aur laddu ka bhog laga kar dhup dip dikhaen, vivah shighra hone ki prarthana karte hue pahnen. isse vivah badha dur hoti hai aur shighra vivah hota hai. yahi nahin, iske chamatkar se uttam var ki prapti hoti hai aur putri apni sasural men sukhi jivan bhi vyatit karti hai.
- piramid ki shakti aur chamatkar dvara pariksha men bhi saflta prapt ki ja sakti hai. stadi rum men khirki par tanbe ka ek piramid purva disha ki or lagaen. stadi tebal par kanch ka piramid rakhen. parhne se do ghante purva kitab par piramid rakh den. man ekagra hota hai. buddhi barhti hai, sanpurn path yad ho jata hai. pariksha men purnatah saflta milti hai.
- gauri (parvati) ki pratima par charhae gaye sindur ko dharan karne vali mahilaen saubhagyasanpann hoti hain.
- yadi mangal ke karan vivah men vilanb hai to ath mithi rotiyan jo ki ek taraf se sinki hui hon, kisi bhure kutte ko khilaen. shighra labh dekhenge. sath hi sirhane lal kapre men sonf bandh kar rakh kar soen.
- yadi karya bante-bante bigar jate hon to pipal ke panch patton par panir, dudh se bani koi bhi mithai amavasya ki rat ko pipal vriksh ke niche rakh aen, dip jalaen tel ka, kam banne ki prarthana karen. piche mur kar n dekhen. koi toke nahin. ap dekhenge karya banne lagenge. apne pucha ‘‘ fyuchar samachar ki ek pathika ne udhmpur se upay janna chaha hai
- vah jo bhi yad karti hain, bhulne ki adat ho gayi hai. pratah puja men do akhrot ki giri ek katori men rakhen, 5, 7 dane kishmish ke milakar dhup, dip jalaen. ¬ gan ganptye namah ka do mala jap karen, munge ki mala ya rudraksh se. puja ke pashchat nashte se purva akhrot, kishmish svayan kha len, ek kap dudh pi len. sath hi pratidin sayan devalay ke darshan karen. 40 pratiyan hanuman chalisa ki banten. purnamasi par satyanarayan katha svayan karen ya pandit ji se karayen. shighra labh mahsus karenge. dimag kanpyutar ki tarah ho jaega, sab kuch yad rahne lagega. mantra jap 40 din karen. shukla paksh ke pratham budhvar se shuru karen. avashya labhanvit hongi. sath hi ganesh rudraksh dharan karen to sone par suhaga.’’