chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
krodh ko shant karne ke lie
- yadi pati, patni ya parivar ka koi bhi sadasya krodh men sabko apmanit kar deta ho athva tor-for karta ho use is upay se shant karen to yah dekh len ki krodh karne vale ki ayu kitne varsh hai utni danthal vali sukhi lal mirch se utne hi bij len aur jab krodhi sadasya ghar men ho to un bijon ko ag par dal den.
- shatru ke sataye jane par usse apne ko is prakar mukt karen. ashvini nakshatra men pipal ki das angul nap kar kil jis ghar men daba di jayegi, us ghar men rahne valon ka uchchatan ho jata hai. atah bhukt bhogi ko chahie ki vah ek pipal ki dal lakar usse ashvini nakshatra men kil banakar isi nakshatra men jo shatru hai uske ghar men gar dene se shatru se chutkara mil jata hai.
shani ki sarhesati evan uska prabhav:
- janmakundli men shani ki sthiti thik ho athva shubh grah ki dasha chal rahi ho, to sarhesati ka prabhav kam hota hai. islie kundli ka adhyayan avashyak hai. yadi ashubh prabhav ho to yah upay karen.
- shani ki shanti ke lie 5 se 7 raÿai ka nilam dharan karna chahie. yah ratn shani ke ashubh prabhav ko kuch ghantane men hi kam kar deta hai. fir bhi yadi apko yah sut n kare to turant ashubh prabhav dega. islie ise pahle pahanakar chaik kar lena chahie. nilam anukul ho to vyakti ko n dekhen yah kriya kai bar karen.
- shanivar ke din pani vale nariyal ki jata utarakar usmen ched karke usmen yathasanbhav shakkar bhar den aur sayankal ke samay kale kapre se dhakakar bina bole v bina toke chitiyon ke adde par ise gar den. upar ka munh khula rahne den, chitiyon ke khane ke lie. tin shanivar yah kriya karen, shanidev shant ho jayenge.
- shanivar ko ak (madar) ke per men sarson ke tel ka dipak jalaya karen. 3, 5 ya 7 shanivar mane sab kuch thik hone lagega.
putra prapti ke lie:
jaise kisi ke ghar men kanya hoti hai to jis kanya ne apke ghar men janm liya hai uska vidhi-purvak pujan karaen tatha puja men putra ki kamna karen. donon pati-patni mrigchala par pavitra man se prabhu se jisko bhi ap apna isht mante hane, yah prarthana karni chahie aur nimn mantra ka 108 bar jap karen, to avashya hi putra hoga.
mantra –
un hrin uljalp than than un hrin.
un namah siddhi supap (amuki) supashpa kuru kuru svaha.
ukt mantra ko prayog karne se pahle das hajar bar mantra ka jap kar siddh kar lo. iske bad prayog ke samay shankhpushpi ke mul ka svaras sava tole ki matra men lekar isi mantra se 108 bar abhimantrit kar us stri ko pilana chahie jise putra ki prabal ichcha hai.