ayurvedik drishtikon: har vyakti ke gale men do narm mans ke lijlije tukre hote hain, jo shleshma jhilli se jure hote hain. inke dvara nasika ka bhraman hota hai jo raktadhara se jivanuon aur gandgi ko dur karne men madad karta hai. gale ka taensil vala bhag jab jivanu ya vishanu ke karan dushit ho jata hai, to use taensilaitis kahte hain. ismen grasni lasika ke dhanche men sujan a jati hai. sath hi lasika granthi aur uske aspas ka kshetra bhi sujakar lal ho jata hai.
taensil ek tarah ka pahredar hai jo munh aur nak dvara sharir ke andar jane vale nuksandayak padarthon se bachata hai. jab sharir ke andar koi galat chij jati hai, to yah pahredar sara nuksan apne upar le leta hai arthat taensil suj jata hai. taensil ki is suji avastha ko taensilaitis kahte hain. taensilaitis ho jane par aksar daektar shalya chikitsa dvara taensil bahar nikal dete hain jo galat hai. adhunik anusandhanon se malum hua hai ki taensil ko nikal dene se vyakti ke sharir ki rog-pratirodhak shakti samapt ho jati hai, jisse manchahi vastu sharir men pravesh kar sharir ko hani pahuncha kar kai prakar ki samasyaen evan rog utpann kar sakte hain.
taensil ek antahsravi granthi hai, jo anu granthi ki virodhi hai. atah jab taensil ko nikal diya jata hai, to thayraeid bahut barh jata hai kyonki thayraeid piyush granthi ka virodhi hai, islie piyush granthi ka karya bigar jata hai. atah kai bar barhte bachchon ki yaddasht kharab ho jati hai. taensil ke kisi bhi marij ko thik karne ka arth hai unke sharir men pratirodhak kshamata utpann karna, jisse vah sharir ke hanikarak, sukshm jivon se lar sake. jab sharir ki pratiraksha paddhati bhang hoti hai, tab jivanu hamare sharir mane pravisht hote hain, jo pahle taensil aur bad men pure sharir ko hani pahunchate hain.
gharelu upchar -anvle ka churn gay ke dudh ke sath len.
- fuli-fitkri aur namak garm pani men dalakar din men do-tin bar garare karen.
- sonth, kali mirch, pipal, harar, bahera, anvla aur javarvat, in sabka churn banakar thora-thora, manuh men dalte rahen.
- haldi, sendha namak, vayding tinane vastuon ko chah-chah gram len aur 300 gram pani men panch minat gholen. fir kapre se chan kar garm pani se nitya do bar garare karen. rat men sote samay avashya karen. ek saptah men hi rog jata rahta hai.
-aduse ke patton ka karha shahad ke sath pien.
- gorkhmundi ki jar pan men rakhakar khaen.
- gajar ka ras pratidin din men ek bar do chammach, tin mah tak pien.
- bach, ajvayan, malkangni, kulanjan, harar ki giri, sendha namak in sabka churn banakar subah sham shahad men milakar sevan karen.
- akrkra, kulajan aur mulethi ke tukre, supari ki tarah munh men rakhne se taensil men aram milta hai.
jyotishiya drishtikon jyotishiya drishti se janm kundli men tritiya bhav se gale ka vichar kiya jata hai. tritiya bhav ka karak grah mangal hai. mangal ko grah mantrimandal men senapti mana gaya hai aur senapti ka karya suraksha karna hai. taensil bhi ek tarah ka suraksha prahri hai, jo hamen nuksan pahunchane vale vishanuon se bachata hai. islie taensil ka karak grah mangal hai. kanudli men tritiya bhav, mangal, tritiyesh aur lagnesh jab dushit prabhavon men rahte hanai, to taensil rog ya gale se sanbandhit rog hota hai. vibhinn lagnon men taensil rog: mesh lagna: shani lagn ya shashth bhav men, budh tritiya bhav men, rahu se drisht ho aur lagnesh mangal shashth ya ashtam bhav men ho, to taensil rog hota hai.
vrish lagna: tritiyesh shashth bhav men, lagnesh dhanu ya min rashi men, guru tritiya, navam ya ekadash bhav men aur mangal rahu se drisht ya yukt hokar kahin bhi ho to taensil ho sakti hai. mithun lagna: mangal tritiya bhav men, surya shashth bhav men lagnesh se yukt aur rahu-ketu se drisht ho aur guru navam ya ekadash bhav men ho to taensil hota hai. kark lagna: mangl-shani se yukt kendra men ho, budh shashth bhav men ho, chandra vrishchik men rahu-ketu se drisht ho, guru tritiya bhav men ho to balak ko taensil ho jata hai. sinh lagna: shukra-shani shashth bhav men, budh tritiya bhav men, mangal ashtam bhav men rahu se yukt, surya dvitiya bhav ya chaturth bhav men ho to taensil jaisa rog ho sakta hai.
kanya lagna: guru tritiya bhav men mangal se yukt ya drisht ho, budh ast hokar shashth bhav men ho aur rahu-ketu se drisht ho to taensil ho sakte hain. tula lagna: guru tritiya bhav men rahu ya ketu se drisht ya yukt ho, mangal ashtam, navam ya dvadash bhav men shani se yukt ya drisht ho to jatak ko taensil rog ho sakta hai. vrishchik lagna: mangal shashth ya ashtam bhav men rahu-ketu se drisht ya yukt ho, budh tritiya bhav men ho, chandra shani se yukt ya drisht ho to taensil de sakta hai. dhanu lagna: shukra tritiya bhav men aur guru navam bhav men ho aur rahu-ketu se yukt ho, mangal ashtam ya dvadash bhav men shani se yukt ya drisht ho to taensil rog hota hai.
makar lagna: tritiya bhav men mangal rahu-ketu se yukt ya drisht ho, guru tritiya bhav men drishti de, shani shashth ya ashtam bhav men chandra se yukt ya drisht ho to balak ko taensil hota hai. kunbh lagna: mangal dvadash bhav men rahu-ketu se yukt ya drisht ho, guru tritiya bhav men ho, shani shashth ya ashtam bhav men ast ho to jatak ko taensil hota hai. min lagna: shukra navam bhav men rahu-ketu se yukt ho, guru shashth ya ashtam bhav men ho, mangal, shani se yukt ya drisht ashtam ya dvadash bhav men ho to jatak ko taensil ho sakta hai.
not: rog ki utpatti sanbandhit grahon ki dasha-antardasha aur gochar ke pratikul rahne se hoti hai. jab tak dasha-antardasha pratikul rahti hai tab tak jatak ko rog denge. uske uprant rogi svasth ho jaega.